Winai ប្រតិកម្មថ្នាំ ឡើងពងបែកពេញទាំងខ្លួន ខណៈពេលនេះស្ថិតនៅក្នុងភាពគួរឲ្យព្រួយបារម្ភ

ថៃ៖ ពិតជារឿងមួយគួរឲ្យភ្ញាក់ផ្អើលជាខ្លាំង ខណៈដែលតារាសម្ដែងប្រុសវ័យ៥៣ឆ្នាំ លោក Winai kraibutr បានបង្ហាញរូបភាពខ្លួននៅក្នុងមន្ទីរពេទ្យ ស្របពេលដែលរូបរាងកាយលោក ពោរពេញទៅដោយស្នាមពងបែកពេញទាំងតួខ្លួនតែម្ដង។

យ៉ាងណាមិញ បើយោងតាមរយៈសារដែលភរិយារបស់តារាប្រុសរូបនេះ បានបង្ហោះនៅលើបណ្ដាញសង្គមកាលពីថ្មីៗនេះ បានបញ្ជាក់ប្រាប់ថាស្វាមីរបស់អ្នកស្រីត្រូវបានក្រុមការងារបញ្ចូនមកសង្គ្រោះនៅមន្ទីរពេទ្យភ្លាមៗ បន្ទាប់ពីរូបលោកបានពិសារថ្នាំឈឺក្បាលម្យ៉ាង ដែលបណ្ដាលឲ្យប្រតិកម្មលេចជាសភាពពងបែកពេញទាំងតួរាងកាយរបស់លោកតែម្ដង។

ជាមួយគ្នានេះដែរ សម្រាប់នាពេលនេះបើតាមវិជ្ជបណ្ឌិតជំនាញខាងសើរស្បែក បានបង្ហាញឲ្យដឹងថាសម្រាប់សុខភាពផ្នែកខាងក្នុងរាងកាយគឺអាចនិយាយថាបានជួយសង្គ្រោះជោគជ័យបានជិតមួយរយភាគរយហើយ ប៉ុន្តែសម្រាប់ផ្នែកខាងក្រៅ(ស្បែកខ្លួន) គឺនៅស្ថិតក្នុងការតាមដាននៅឡើយ ព្រោះថាមិនមែនមានតែពងបែកនៅលើស្បែកតែប៉ុណ្ណោះទេ តែមានដល់ឈាមចេញតាមរោមនៃស្បែកថែមទៀតផង៕ 

• តារាថៃ