ក្រោយផ្ទុះសង្ស័យរឿងបែកគ្នា ស្រាប់តែ Jayler Surprise ថ្ងៃកំណើតឲ្យ Thanaerng ដោយចូលរួមសុទ្ធតែតារាក្មេងៗ

ថៃ៖ បន្ទាប់ពីមហាជនបានដាក់ការសង្ស័យ ទៅលើគូស្នេហ៍តារាសម្ដែងវ័យក្មេង លោក Jayler និងកញ្ញាThanaerng រឿងស្នេហារបស់ពួកគេទាំងពីរ ឈានដល់ដំណាក់ចែកផ្លូវគ្នា បានធ្វើឲ្យហ្វេនៗនាំគ្នាព្រួយបារម្ភជាខ្លាំង។

យ៉ាងណាមិញ គ្រប់បែបយ៉ាងក៏បានកែប្រែមកជារឿងគួររំភើបវិញ ក្រោយពេលតារាសម្ដែងប្រុសវ័យក្មេង លោក Jayler បានរៀបចំSurprise ខួបកំណើត ដល់តារាស្រី កញ្ញា Thanaerng យ៉ាងផ្អែមល្ហែម ដោយនេះបានបង្ហាញឲ្យឃើញថា ទំនាក់ទំនងស្នេហារបស់គូស្នេហ៍មួយគូនេះ នៅតែដូចដើម មិនបានប្រែប្រួល ដូចពាក្យចចាមអារ៉ាម កាលពីពេលថ្មីៗនេះឡើយ។

ជាមួយនឹងកម្មវិធីដ៏អធិកអធមនេះដែរ ក៏បានឃើញថាមានវត្តមានតារាសម្ដែងវ័យក្មេងជាច្រើន ដែលសុទ្ធសឹងតែមិត្តជិតស្និទ្ធរបស់គូស្នេហ៍តារាមួយគូនេះ បានមកចូលរួមអបអរសាទរ ដោយរឹតតែបានធ្វើឲ្យកម្មវិធីដ៏ពិសេសនេះ កាន់តែមានភាពសប្បាយរីករាយជាខ្លាំងផងដែរ៕

សូមទស្សនារូបភាពខាងក្រោមនេះ៖   

• តារាថៃ