អាជ្ញាធរសុខាភិបាលអេស្ប៉ាញបានបញ្ជាក់កាលពីថ្ងៃសុក្រសប្តាហ៍មុនថា មានករណីដែលបុរសម្នាក់បានចម្លងជំងឺគ្រុនឈាមតាមរយៈការរួមភេទ ដែលជាករណីដំបូងបំផុតក្នុងពិភពលោកសម្រាប់វីរុសដែលគេធ្លាប់បានយល់ថា ឆ្លងតែតាមសត្វមួសនេះ។
បុរសវ័យ៤១ ឆ្នាំម្នាក់នៅទីក្រុងម៉ាឌ្រីត បានឆ្លងជំងឺគ្រុនឈាមបន្ទាប់ពីបានរួមភេទជាមួយដៃគូជាបុរសភេទដូចគ្នាម្នាក់ដែលបានឆ្លងជំងឺនេះបន្ទាប់ពីត្រូវបានសត្វមូសខាំនៅពេលធ្វើដំណើរទៅប្រទេសគុយបា។ តាមការឲ្យដឹងរបស់លោកស្រី Susana Jimenez ជាមន្រ្តីមន្ទីរសុខភាពសាធារណៈក្នុងតំបន់នៃទីក្រុងម៉ាឌ្រីត ករណីនេះត្រូវបានបញ្ជាក់កាលពីខែកញ្ញា ហើយវាបានបង្កជាចម្ងល់ជាខ្លាំងទៅដល់បណ្តាវេជ្ជបណ្ឌិត ដោយសារតែអ្នកជំងឺរូបនេះមិនបានធ្វើដំណើរទៅប្រទេសដែលជំងឺនេះកើតឡើងញឹកញាប់នោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រី Jimenez បន្តថា៖ «ការវិភាគទៅលើទឹកកាមរបស់ពួកគេបានបង្ហាញថា ពួកគេមិនមែនត្រឹមតែមានជំងឺគ្រុនឈាមប៉ុណ្ណោះនោះទេ តែវាក៏ជាប្រភេទវីរុសតែមួយដែលកំពុងតែរាតត្បាតនៃប្រទេសគុយបាផងដែរ»។
ការចម្លងជំងឺគ្រុនឈាមតាមការរួមភេទរវាងបុរសនិងស្រ្តីក៏បានក្លាយជាប្រធានបទស្រាវជ្រាវមួយនៅប្រទេសកូរ៉េផងដែរ កាលពីពេលថ្មីៗនេះ។ ក៏ប៉ុន្តែ បើយោងទៅតាមមជ្ឈមណ្ឌលបង្ការនិងគ្រប់គ្រងជំងឺប្រចាំនៅតំបន់អឺរ៉ុប បើតាមតែគេដឹង នេះគឺករណីទីមួយដែលកើតមានឡើងហើយវាកើតឡើងតាមរយៈការរួមភេទរវាងបុរសនិងបុរស៕
ប្រភព៖ CNA
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ផ្លូវភេទ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]