មនុស្សសម័យនេះស្រលាញ់គ្នាបានត្រឹមចង់ឈ្នះ ស្រលាញ់មួយឆាវ ស្បថស្បែ ស្ម័គ្រស្មោះបានតែដំបូងប៉ុណ្ណោះ ចង់រកមនុស្សល្អ ស្ម័គ្រស្មោះចំពោះគ្នាពិតប្រាកដពិតជាពិបាកណាស់។
ការលេងសើចចំពោះស្នេហា មនោសញ្ចេតនា អារម្មណ៍ស្រលាញ់មួយឆាវនេះមិនមែនជារឿងដែលល្អឡើយ មិនថាជាមនុស្សប្រុស ឬស្រីក៏ដោយ កុំចេះតែយកស្នេហាមកលេងសើច ស្រលាញ់មួយដឹងមួយ ស្រលាញ់ហើយត្រូវតែស្មោះត្រង់ ស្រលាញ់គ្នាឱ្យដូចថ្ងៃដំបូង កុំស្រលាញ់គ្នាបានតែមួយគ្រាដំបូង មិនទាន់បានប៉ុន្មានផងក៏ចាប់ផ្ដើមបោះបង់គ្នាចោលទៅរកអ្នកថ្មីនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ទម្រាំតែអាចបានជួបមនុស្សម្នាក់ដែលត្រូវចិត្ត ទម្រាំអាចទាក់ទងគ្នាដាក់ចិត្តស្រលាញ់គ្នា បានស្គាល់ចិត្តថ្លើមគ្នា សុទ្ធតែជានិស្ស័យដែលផ្ដល់ឱ្យមិនមែននៅសុខៗក៏មកជួប ឬអត់ចិត្តសោះក៏ស្រលាញ់គ្នានោះទេ។ ដូច្នេះបើបានជាស្រលាញ់គ្នាហើយមានចិត្តទាក់ទងគ្នាហើយ កុំធ្វើឱ្យទំនាក់ទំនងបានតែមួយគ្រានោះ គួរតែចេះថែរក្សាការពារ ស្មោះត្រង់ និងរក្សាចំណងឱ្យបានយូរអង្វែង ធំៗអស់ហើយកុំធ្វើដូចកូនក្មេង យកស្នេហាមកធ្វើជាល្បែងលេងសើចតាមតែចិត្តគឺមិនល្អទេ។
ធំៗអស់ហើយមិនមែនអាយុតិចទេ គួរចាប់ផ្ដើមស្នេហាមួយដែលច្បាស់លាស់នឹងគ្នា មានផែនការអនាគត និងគោលដៅជីវិតជាមួយគ្នា មិនមែនអារម្មណ៍ស្រលាញ់មួយគ្រា មួយឆាវ ព្រោះអាងថាបែកមួយយកមួយតាមចិត្តនោះឡើយ ត្រូវចាំថាយើងមិនមែនមានសំណាងបានជួបមនុស្សល្អរហូតនោះទេ ដូច្នេះបើបានជួបមនុស្សល្អហើយត្រូវរក្សាឱ្យបាន កុំឱ្យបែកបាក់នាំឱ្យស្ដាយទៅថ្ងៃក្រោយ៕
ខ្មែរឡូតសូមរក្សាសិទ្ធិ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
