យល់ដឹង៖ មានមនុស្សជាច្រើន រស់នៅដោយឳបក្រសោប នៅភាពអាត្មានិយម ចង់ចាញ់ចង់ឈ្នះ ស្របពេលដែល មានមនុស្សខ្លះទៀត ព្យាយាមជួយយក អសារអ្នកដទៃរហូតភ្លេចគិត ខ្វល់ពីបញ្ហាដែល ពួកគេកំពុងតែ ជួបប្រទះថែមទៀត។
តែជាក់ស្តែង ក្នុងជីវិតរបស់យើង គ្រប់យ៉ាងវាត្រូវតែ មានតុល្យភាព។ យើងមិនអាច គិតតែពីខ្លួនឯងពេក ហើយក៏មិនអាច គិតពីអ្នកដទៃពេកដែរ។ មនុស្សយើងម្នាក់ៗ ត្រូវចេះរៀននិយាយ ពាក្យស្រលាញ់ខ្លួនឯង និយាយហើយ ត្រូវចេះយកមក អនុវត្តន៍ផង។ ព្រោះជាការពិត មានមនុស្សជាច្រើន តែងស្រែកថា ខ្លួនគ្មានសុភមង្គល គ្មានក្តីសុខ តែសួរវិញថា ធ្លាប់ចេះស្រលាញ់ខ្លួនឯង ពិតប្រាកដហើយឬនៅ? សួរថាសុភមង្គល បានមកពីណា? បានមកពីទ្រព្យសម្បត្តិ ហូរហៀរ? អ្នកនៅជុំវិញខ្លួនយើង? ឬក៏បានមកពី យើងខ្លួនឯង?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពាក្យថា ស្រលាញ់ខ្លួនឯង សម្រាប់អ្នកដែល គេស្រលាញ់ខ្លួនឯង ពិតប្រាកដ គេមិនចាំបាច់ ត្រូវការរបស់មានតម្លៃ យកមកបំពេញបន្ថែម ដើម្បីធ្វើឲ្យ ជីវិតគេមានក្តីសុខនោះទេ។ ហើយក៏មិនចាំបាច់ រំពឹងក្តីសុខ ឬសុភមង្គលពី អ្នកនៅជុំវិញខ្លួនគេដែរ តែគេរមែងចេះ បង្កើតក្តីសុខ និងសុភម្គល ដោយខ្លួនឯង តាមអ្វីដែលពួកគេធ្វើបាន។
ហើយខាងក្រោមនេះជាវិធីសាស្ត្រដែលអាចជួយឲ្យអ្នកចេះស្រលាញ់ខ្លួនឯងបន្ថែមទៀតបាន៖
១. មិនប្រើប្រាស់លុយដើម្បីទិញសុភមង្គល
សម្រាប់មនុស្សមួយចំនួន ច្រើនយល់ខុសថា ទាល់តែមានលុយ ទើបមានសុភមង្គល តាមរយៈការទិញ នៅសម្ភារៈទំនើបៗថ្លៃៗ ដើម្បីជាការលួងលោម សម្រាប់ខ្លួនឯងជាដើម តែចង់និយាយថា មិនចាំបាច់ទេ។ ការស្រលាញ់ខ្លួនឯង មិនមែនមានន័យថា អ្នកត្រូវតែ ចំណាយលុយផ្តោតសំខាន់ ជាមួយនឹងរបស់មានតម្លៃ ដូចជាឡានទំនើប របស់ប្រើប្រាស់ប្រ៊េនៗ ទាំងអស់នោះ ជាចម្បងនោះទេ។ ព្រោះប្រសិនបើ អ្នកស្រលាញ់ខ្លួនឯងនោះ អ្នកនឹងមិនចាំបាច់ ត្រូវការជំនួយពី របស់ទ្រព្យក្រៅខ្លួនទាំងនោះ មកធ្វើឲ្យអ្នកមានតម្លៃ បន្ថែមទៀតនោះទេ។ ប្រសិនបើ អ្នកស្រលាញ់ខ្លួនឯងពិតមែន អ្នកគួរតែប្រើប្រាស់ តម្លៃរបស់អ្នកខ្លួនឯង ទៅសារភាពកំហុស ដែលអ្នកធ្លាប់បានសាង ហើយងាកមកជួសជុល និងធ្វើល្អសម្រាប់ខ្លួនឯង និងអ្នកដទៃ។ ដូច្នេះអ្នកក៏មិនចាំបាច់ ប្រើប្រាស់លុយ មកកសាងសុភមង្គល ដែលមិនស្ថិតថេរ ទាំងនោះដែរ។
២. លះបង់និងធ្វើសម្រាប់អ្នកដទៃ
ប្រសិនបើអ្នកពិតជា ស្រលាញ់ខ្លួនឯងពិតមែន ព្យាយាមឆ្លើយសំណួរនេះ ជាមុនសិន ប្រសិនបើមាននរណាម្នាក់ មកពឹងឲ្យអ្នក ជួយអ្វីមួយដែល អ្នកពិតជាមិនចង់ ធ្វើទាល់តែសោះ ក៏ប៉ុន្តែ អ្នកសម្រេចចិត្ត ជួយពួកគេ។ ព្រោះអ្នកមិនចង់ឲ្យ គេខកចិត្ត ឬមើលមកអ្នកថាជា មនុស្សអាក្រក់ ជាដើម។ ឆ្លើយមកថា តើអ្នកតែងតែធ្វើបែបនេះ ញឹកញាប់ដែរទេ? ហើយប្រសិនបើ អ្នកនិយាយថា ព្រោះអ្នកស្រលាញ់ខ្លួនឯង ហើយធ្វើបែបនេះ ព្រោះចង់ឲ្យខ្លួនឯង ជាមនុស្សល្អ ក្នុងក្រសែភ្នែកអ្នកដទៃ នោះអ្នកខុសហើយ។ មនុស្សដែលព្យាយាម ជួយយកអសារអ្នកដទៃ ទាំងចិត្តមានឆន្ទៈ និងគ្មានឆន្ទៈ វាមិនមែនមានន័យថា ពួកគេកំពុងតែ ស្រលាញ់ខ្លួនឯងនោះទេ។ ប៉ុន្តែ ការដែលធ្វើបែបនេះ មានន័យថា ពួកគេមិនដែលខ្វល់ពី អារម្មណ៍របស់ខ្លួនឯងឡើយ។ ប៉ុន្តែខ្វល់ពី ការយល់ឃើញ របស់អ្នកដទៃ មកលើគេច្រើនជាង។
៣. ព្យាយាមរកក្តីស្រលាញ់ដែលល្អបំផុត
ប្រសិនបើ អ្នកគិតថា អ្នកដែលព្យាយាម ស្វែងរកដៃគូ ដែលល្អបំផុត ឬក្តីស្រលាញ់ដែលល្អឥតខ្ចោះ សម្រាប់ខ្លួនឯង ហើយហៅនេះថាជា ការស្រលាញ់ខ្លួនឯងនោះ គឺជារឿងខុសហើយ។ ព្រោះក្តីស្រលាញ់ ដែលល្អឥតខ្ចោះ លើលោកនេះគ្មាននោះទេ។ ហេតុនេះប្រសិនបើ អ្នកស្រលាញ់ខ្លួនឯង អ្នកត្រូវរៀនស្រលាញ់ និងភ្ជាប់ទំនាក់ទំនងជាមួយ មនុស្សដែល អ្នកគិតថាអាចត្រូវគ្នា។ នៅពេលដែល អ្នកស្រលាញ់ខ្លួនឯង គ្រប់គ្រាន់ អ្នកនឹងដឹងពីរបៀប ចែករំលែកក្តីស្រលាញ់របស់ អ្នកជាមួយអ្នកដទៃ។ ហើយពេលនោះហើយ ក៏ជាពេលដែល អ្នកដឹងថាភាពល្អឥតខ្ចោះ នៃទំនាក់ទំនងគឺ គ្មានអ្វីក្រៅពី អ្នកទាំងពីរយល់ពី គ្នានោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]