ស្នេហាគឺជាការបង្កើតឡើងរវាងមនុស្សពីរនាក់ហើយគ្មានរូបរាងច្បាស់លាស់ទេ សឹងតែរកនិយមន័យឲ្យវាមិនបានផង តែមនុស្សប្រុសស្រីនៅតែត្រូវការវា ប៉ុន្ដែមានរឿងមួយដែលយើងគ្រប់គ្នាតែងតែឧស្សាហ៍បានឮមនុស្សស្រីរអ៊ូមិនចេះដាច់ស្ទើរគ្រប់គ្នាពីរមនុស្សប្រុសដែលខ្លួនស្រលាញ់ថា តើហេតុអ្វីស្រលាញ់យកចិត្តទុកដាក់ ខ្វាយខ្វល់លើនាងបានតែដំបូងពេលផ្ដើមស្នេហ៍?
ជាការពិតណាស់គ្រាដំបូងភាគច្រើន ខាងប្រុសគឺជាអ្នកចាប់ផ្ដើមស្នេហាមុនដូចជាតាមស្រលាញ់ទោះនាងថាស្ដីឲ្យយ៉ាងណាក៏នៅតែតាម បើនិយាយពីប្រើវិធីសាស្ដ្រវិញប្រើអស់ហើយឲ្យតែយកបានបេះដូងនារីដែលខ្លួនស្រលាញ់ មិនថាតាមអង្វរលន់តួយកចិត្តយកថ្លើមមិនឲ្យនាងទាស់ចិន្ដាអ្វីគ្រប់យ៉ាង គឺថាឲ្យតែធ្វើបានធ្វើទាំងអស់ទោះបីនារីនោះឲ្យស្បថស្បែមិនប្រែចិត្តថាមួយគិតជីវិតគិតតែនាងមួយក៏ព្រម។ លុះដល់នាងព្រមប្រគល់បេះដូង ព្រមទទួលយកបុរសនោះមកចូលក្នុងជីវិតនាងរួចមក រឿងដែរនាងមិនចង់ឮមិនចង់ឃើញមិនចង់បានក៏លេចមកនោះគឺលែងសូវខ្វល់នឹងនាងដូចមុន ព្រោះតែភាគីខាងប្រុសប្រែសោះអង្គើយព្រងើយគ្មានលោះថ្ងៃ ពេលខ្លះអាចធ្វើឲ្យនាងរបួសដល់ដួងចិត្តស្អិតពេញទ្រូងនាងទៀតផង។
ជាទូទៅមនុស្សប្រុសពេលដែលជួបស្នេហ៍ពិតហើយគាត់តែងចង់ឲ្យនារីដែលគាត់ស្រលាញ់មានសំណាងជាងគេ មានការរស់នៅល្អ ស្លៀកពាក់ល្អ ហូបចុក ខ្ពស់មុខ ខ្ពស់មាត់ជាងមនុស្សនៅជុំវិញខ្លួននាង ជាហេតុធ្វើគាត់ផ្ដើមគិតគូរច្រើនជាងមុន រវល់កាន់តែច្រើនដើម្បីរកលុយឲ្យបានច្រើននឹងឆាប់បានដល់គោលដៅបានរស់នៅជាមួយអ្នក រហូតគ្មានពេលឲ្យអ្នកដូចមុនទៀត តែចំនុចមួយនេះមនុស្សស្រីមួយចំនួនមិនសូវយល់ពីគាត់ទេបែរជារករឿងគាត់ថាគាត់ប្លែក ចាប់ផ្ដើមសង្ស័យគាត់រករឿងថាគាត់គ្មានភាពអែមល្ហែមដូចមុនជាដើម។
យ៉ាងណាក៏ដោយក្នុងនាមជាមនុស្សស្រីដែលគាត់ស្រលាញ់អ្នកគួរដឹងចំណុចមួយចំនួនរបស់គាត់ដូចជាពេលគាត់មិនសូវនិយាយស្ដីមានន័យថា គាត់ពិតជាមានរឿងពិបាកក្នុងចិត្តដែលដោះស្រាយមិនទាន់ចេញ ចឹងអ្នកគួរតែនៅក្បែរគាត់ ឱបគាត់ព្រោះឱបវាជាភាសាក្នុងបេះដូងដែលមិនត្រូវការនិយាយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
