ភ្នំពេញ៖ ប្រសិនបើរំលឹកដល់ឈ្មោះបុគ្គលល្បីៗ នៅលើបណ្ដាញសង្គមនាពេលបច្ចុប្បន្ន ដែលបានធ្វើការចែករំលែកចំណេះដឹង បទពិសោធន៍ ក៏ដូចជាវិធីសាស្រ្តនៅក្នុងវិស័យជំនួញ និងជាពិសេសផែនការផ្សេងៗ ដែលអាចឲ្យមហាជនយកទៅសិក្សា ប្រើប្រាស់ជាប្រចាំថ្ងៃ ក្នុងការអភិវឌ្ឍន៍សមត្ថភាព ដោយក្នុងចំណោមនោះ ជឿជាក់ថាប្រាកដជាមានអ្នកមួយចំនួនធំ បានស្គាល់សហគ្រិនវ័យក្មេងគឺ លោក ជា តុងហ៊ួរ ។
ដោយពេលបច្ចុបុ្បន្ននេះ រូបលោកក៏ត្រូវបានមហាជនចាត់ទុកថាជាInfluencer ដ៏មានប្រិយភាពមួយរូប នៅក្នងការចែករំលែកចំណេះ មិនថាជាផែនការសម្រាប់មុខជំនួញ និងផែនការគោលដៅផ្សេងៗ ដើម្បីប្រើប្រាស់ក្នុងជីវិតប្រចាំថ្ងៃ តាមរយៈការផលិតជាវីដេអូនៅលើបណ្ដាញសង្គមយូធូប ដែលមានអ្នកតាមដានតាមរយៈ Channel របស់ Share Knowledge រហូតដល់ទៅជាង៩០ម៊ឺននាក់ឯណោះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្សជាច្រើនតែងតែលើកសរសើរលោកថា ជាមនុស្សជោគជ័យលើមុខជំនួញ ឬអាចហៅថា ជាបុគ្គលជោគជ័យ លើសហគ្រិនមួយរូបនៅកម្ពុជា ប៉ុន្តែពួកគេក៏មិនបានដឹងថា នៅក្នុងអំឡុង នៃដំណើរការមុនឈានដល់ចំណុចមួយនេះ លោក ជា តុងហ៊ួរ បានជួបប្រទះនូវឧបសគ្គអ្វីខ្លះ ហើយធ្លាប់បរាជ័យអ្វីខ្លះនោះឡើយ។
ជាក់ស្ដែងថ្មីៗនេះ លោក ជា តុងហ៊ួរ បានចូលរួមចែករំលែកមកកាន់ខ្មែរឡូត ពីការបរាជ័យមួយចំនួន និងមធ្យោបាយស្ដារឡើងវិញ ប្រកបដោយជោគជ័យគួរឲ្យកត់សម្គាល់។ បុរសវ័យត្រឹមតែ ២០ឆ្នាំជាងរូបនេះ បានបង្ហើបឲ្យដឹងថា អ្វីដែលនាំឲ្យលោកជោគជ័យបាននោះ គឺបានមកពីការខិតខំសិក្សាចំណុចខ្សោយ ប្រឹងប្រែងតស៊ូ ជម្នះឧបសគ្គជាច្រើន និងជាពិសេសទទួលបានការជួយជ្រោមជ្រែង ពីអ្នកនៅក្បែរខ្លួនផងដែរ។
លោក ជា តុងហ៊ួរ បានបង្ហើបឲ្យក្រុមការងារខ្មែរឡូតដឹងថា៖
លោកក៏បានបន្តថា
គួរឲ្យដឹងផងដែរថា ចំណុចចាប់ផ្ដើម និងបរាជ័យទាំងនេះ បានផ្ដល់ជាមេរៀនមួយ និងជាបទពិសោធន៍ជាច្រើន បើទោះជាយកប្រាក់ទៅទិញក៏មិនបាន សម្រាប់វ័យ១៦ឆ្នាំរបស់ លោក ជា តុងហ៊ួរ។ មិនត្រឹមតែប៉ុណ្ណោះ រូបលោកក៏រឹតតែយល់ច្បាស់ថា កង្វះខាតក្រុមការងារដើម្បីគ្រប់គ្រងមុខជំនួញមួយ ពិតជារឿងដែលសំខាន់បំផុតផងដែរ។
យ៉ាងណាមិញ ឧបសគ្គនិងរឿងរ៉ាវទាំងនោះ មិនអាចរារាំងក្ដីស្រម៉ៃ និងមហិច្ឆតាចង់ក្លាយជាអ្នកមានវ័យក្មេងរបស់ លោក ជា តុងហ៊ួរ បានឡើយ ។ដោយនៅក្នុងកំឡុងឆ្នាំ២០១៣-២០១៥ គឺរូបលោកបានសម្រេចជ្រើសរើសការចាកចេញពីផ្ទះ ដើម្បីរៀនសូត្រក្នុងជីវិត និងសម្រេចនូវក្តីប្រាថ្នារបស់ខ្លួន។
ជាមួយនឹងការបោះជំហានដ៏ធំមួយ នៅក្នុងវ័យចន្លោះវ័យ ១៦-១៧ឆ្នាំ ដែលភាគច្រើនក្នុងវ័យប៉ុណ្ណឹងក្មេងដ៏ទៃទៀត គឺបានកំពុងស្ថិតក្រោមការទំនុកបំរុងពីគ្រួសារ តែលោក ជា តុងហ៊ួរ បានចាកចេញពីផ្ទះមករស់នៅទីក្រុងភ្នំពេញទៅវិញ។
ជាមួយការងារដែលលោកបានចាប់ផ្ដើមពីសូន្យគឺជា ការងាររត់តុ ហើយឆ្លៀតពេលទំនេរក៏ព្យាយាមរៀនពីការលក់ផលិតផលផ្សេងៗ ប៉ុន្តែនៅតែបរាជ័យ ដោយត្រូវបានក្រុមហ៊ុនMarketing Network មួយចំនួនបោកប្រាស់ ដែលនេះមិនត្រឹមតែនាំឲ្យខាតបង់ដល់ខ្លួនម្នាក់ឯងទេ ប៉ុន្តែធ្វើឲ្យមនុស្សជុំវិញ ដូចជាគ្រួសារ និងមិត្តភក្តិ ត្រូវមករងគ្រោះ ខាតបង់ប្រាក់ជាច្រើនថែមទៀតផង។
ជាមួយគ្នានេះដែរ លោក ជា តុងហ៊ួរ ក៏បានផ្ញើរសារចែករំលែកថា៖
យ៉ាងណាមិញ ដោយបទពិសោធន៍បរាជ័យកន្លងមក បានផ្ដល់ជាមេរៀន និងចំណុចខ្វះខាតមិនចេះអស់មិនចេះហើយ រូបលោកក៏សម្រេចចិត្ត ចូលរៀនវគ្គសិក្សាថ្មីៗ ចូលរួមរៀនសូត្រដើម្បីអភិវឌ្ឍន៍ខ្លួន និងរៀនសូត្រពីវាគ្មិនល្បីៗ ដើម្បីទទួលបាននូវការចែករំលែកគំនិតល្អៗ ។
តួយ៉ាង លោក ជា តុងហ៊ួរ បានរៀបរាប់ឲ្យដឹងផងដែរថា៖
ដូចពាក្យចាស់តែងតែពោលថា នៅពីក្រោយភាពជោគជ័យរបស់បុគ្គលម្នាក់ គឺមិនមែនជារឿងងាយស្រួល ហើយក៏មិនមែនជារឿងចៃដន្យដែរ ។ ជាក់ស្ដែង លោក អ៊ិន មាន គឺជាបុគ្គលសំខាន់មួយរូប ដែលតែងតែធ្វើជាអ្នកប្រឹក្សាយោបល់ អ្នកជួយតម្រង់គោលដៅ និងផ្ដល់ឪកាសឲ្យជួបនឹងសហគ្រិនដៃគូជាច្រើន ហើយជាពិសេសនោះ គឺលោក ជា តុងហ៊ួរ ខ្លួនឯងផ្ទាល់ក៏បានខិតខំព្យាយាម យកការចែករំលែកគំនិតល្អៗទាំងនោះ មកធ្វើការអនុវត្តន៍ជាប្រចាំផងដែរ។
ហើយមិនត្រឹមតែប៉ុណ្ណោះ រូបលោកផ្ទាល់ ក៏តែងតែបានខិតខំឆ្លៀតក្នុងការស្វែងរកព្រឹទ្ធាចារ្យ ក៏ដូចរៀមច្បងដទៃទៀតជាច្រើន ដើម្បីរៀនសូត្រជាមួយ ដោយក្នុងចំណោមនោះមានដូចជា លោក ឆម ចំរើន និង លោក ជា ឌីណា ដែលតែងតែផ្ដល់នូវបទពិសោធន៍ថ្មីៗ និងចំណេះដឹងជាច្រើន សម្រាប់ដុះខាត់សមត្ថភាពឲ្យកាន់តែរីកចម្រើនឡើងផងដែរ។
ទាំងនេះបង្ហាញឲ្យឃើញថា ការជួយជ្រោមជ្រែងពីអ្នកជុំវិញខ្លួន វាគឺការបង្ហាត់បង្ហាញផ្លូវមួយ ប៉ុន្តែ ការស្ដាប់ ការរៀន និងការខិតខំព្យាយាមយកមកអនុវត្តន៍ វាបានធ្វើឲ្យ លោក ជា តុងហ៊ួរ ខ្លួនឯងទទួលបានភាពជោគជ័យ ដូចដែលបច្ចុ្បន្ន រូបលោកកំពុងតែមានមុខជំនួញក្នុងដៃ ដូចជា ក្រុមហ៊ុន អចលនទ្រព្យ Khmer express realty , ក្រុមហ៊ុន បណ្ណាល័យ អេឡិត្រូនិក IDea3ms ( Kumnit app ) និងក្រុមហ៊ុន ផលិតផល គ្រឿងសំអាង ផ្ទាល់ខ្លួន ( Healthy Young Pretty Care ) នេះផងដែរ។
ក៏ព្រោះតែការទទួលបានចំណេះដឹង និងបទពិសោធន៍ជាច្រើនពីរៀមច្បង ក៏ដូចជាបូករួមផ្សំនឹងការជម្នះតស៊ូ និងការខិតខំប្រឹងប្រែង មិនខ្លាចនឿយហត់របស់ខ្លួនខាងលើនេះហើយ ទើបបានធ្វើឲ្យ លោក ជា តុងហ៊ួរ ក្លាយជា Influencer មួយរូប បានព្យាយាមចែករំលែកជាបន្តនូវចំណេះជំនាញ រួមទាំងបទពិសោធន៍របស់ខ្លួនទាំងប៉ុន្មាន ឲ្យមហាជនបានយកទៅសិក្សា និងអនុវត្តន៍បន្តទៀត។ ហើយនេះក៏ជាមូលហេតុមួយ ដែលបានធ្វើឲ្យ លោក ជា តុងហ៊ួរ បានបោះជំហានឈរឈ្មោះ ក្លាយជា Influencer មួយរូប ដែលមានអ្នកតាមដានលើបណ្ដាញសង្គមនានា ដូចជាហ្វេសប៊ុក និងយូធូប ដល់ទៅរាប់ម៊ឺននាក់នាពេលបច្ចុប្បន្ននេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
