ចូលចិត្តយកទូរស័ព្ទដៃចូលបង្គន់ ប្រយ័ត្នជួបបញ្ហាសុខភាពទាំងនេះ!

ជាធម្មតា អ្នកមានពោះវៀនល្អ ត្រូវការចំណាយពេលពី៥ទៅ១០នាទីក្នុងការបន្ទោបង់ម្ដង។ ប៉ុន្តែ គ្នាយើងបច្ចុប្បន្ន តែងតែចំណាយពេលជាមធ្យមប្រហែលពី២០ទៅ៣០នាទី ពីព្រោះថាទោះបីជាយើងបញ្ចប់កិច្ចការនៅក្នុងបង្គន់ទៅហើយក្ដី ក៏យើងនៅតែរវល់អូសទូរសព្ទដៃមើលចុះឡើងដែរ។ យើងប្រហែលជាមិនធ្លាប់គិតទេថា ការយកទូរសព្ទដៃចូលក្នុងបង្គន់ជាមួយ អាចបណ្ដាលឲ្យមានបញ្ហាសុខភាពធ្ងន់ធ្ងរជាច្រើនដែលនឹកស្មានមិនដល់។

១. ឆ្លងមេរោគ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រសិនបើយើងយកទូរសព្ទដៃចូលក្នុងបង្គន់នោះ ទូរសព្ទរបស់យើងអាចត្រូវពពួកមេរោគផ្សេងៗដែលមាននៅក្នុងបង្គន់តោងជាប់ជាមួយដែរ ព្រោះថាក្នុងបង្កន់ស្ទើរគ្រប់កន្លែងមានមេរោគតោងជាប់។ ជាលទ្ធផល យើងអាចកើតមានអាការៈរាករូស ឈឺពោះវៀន និងមានការបង្ករោគលើផ្លូវបង្ហួរនោមជាដើម។

២. រាំងស្ទះដល់ការបន្ទោបង់

ការប្រើទូរសព្ទនៅក្នុងបង្គន់ អាចប៉ះពាល់ដល់ការបន្ទោបង់របស់យើង។ ជាក់ស្ដែង យើងមិនគួរអង្គុយក្នុងបង្គន់ឲ្យលើសពី១០នាទីឡើយ ប៉ុន្តែនៅពេលដែលយើងកាន់ទូរសព្ទដៃចូលទៅជាមួយ គ្នាយើងភាគច្រើនចំណាយពេលដល់ទៅ២០ទៅ៣០នាទី ឬលើសពីនេះទៅទៀត ដែលកត្តានេះបង្កទៅជាបញ្ហានៅក្នុងដំណើរការបន្ទោបង់របស់យើង។

៣. ទល់លាមក

ជាមួយគ្នានេះដែរ ការយកទូរសព្ទដៃចូលក្នុងបង្គន់ ក៏អាចបណ្ដាលឲ្យយើងជួបបញ្ហាទល់លាមកផងដែរ នេះដោយសារតែរាងកាយយើងស៊ាំទៅនឹងការចំណាយពេលវេលាដ៏យូរ និងមិនប្រក្រតីនៅក្នុងការបន្ទោបង់នេះឯង។

៤. ជំងឺឫសដូងបាត

លើសពីនេះ ការចំណាយពេល៣០នាទីជាប្រចាំនៅក្នុងបង្គន់ ក៏អាចបណ្ដាលឲ្យយើងកើតជំងឺឫសដូងបាតផងដែរ ពីព្រោះរាងកាយរបស់យើងមានភាពច្របូកច្របល់ ព្រមទាំងស៊ាំទៅនឹងទម្លាប់អង្គុយនៅក្នុងបង្គន់យូរ។ ជំងឺឫសដូងបាត ជាការរលាកសរសៃវ៉ែន ដែលនៅជិតបរិវេណរន្ធគូទ ហើយអាចហូរឈាម និងមានអារម្មណ៍ថារមាស់ ព្រមទាំងឈឺចាប់ខ្លាំង។

៥. ស្រ្តេស

នៅពេលដែលយើងចំណាយពេលបន្ទោបង់នៅក្នុងបង្គន់ វាអាចជាពេលដែលយើងសម្រាកពីការងារ ឬពីជីវិតដ៏រវល់របស់យើង។ ប៉ុន្តែ បើយើងយកទូរសព្ទដៃមកជាមួយ យើងអាចនឹងបាត់បង់ពេលវេលាឲ្យខួរក្បាលបានសម្រាកមិនខាន។

៦. ខ្ជះខ្ជាយពេលវេលា

គ្នាយើងភាគច្រើនគិតថា ការយកទូរសព្ទដៃចូលទៅក្នុងបង្គន់ជាមួយ គឺជាការសន្សំសំចៃពេលវេលា។ ផ្ទុយទៅវិញ វាគឺជាការខ្ជះខ្ជាយពេលវេលាប៉ុណ្ណោះ។ ជាធម្មតា យើងតែងតែចំណាយពេល៥នាទីក្នុងការបន្ទោបង់ ប៉ុន្តែនៅពេលយកទូរសព្ទដៃមកតាមខ្លួន យើងក៏ចំណាយពេលកាន់តែយូរជាងមុនលើសដើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

​ចូលចិត្ត​យក​ទូរស័ព្ទ​ដៃ​​ចូល​បង្គន់​ ​ប្រយ័ត្ន​ជួប​បញ្ហា​សុខភាពទាំង​នេះ!

១. ​ឆ្លង​មេរោគ

២. ​រាំងស្ទះ​ដល់​ការ​បន្ទោបង់​

៣. ទល់​លាមក​

៤. ជំងឺ​ឫសដូងបាត