ជឿអត់? មនុស្សយើងអាចថមថយកម្ពស់ពេលវ័យកាន់តែចាស់?

កម្ពស់របស់យើង ត្រូវបានកំណត់ដោយប្រវែងឆ្អឹងជើង ឆ្អឹងខ្នង និងលលាដ៍ក្បាល។ ខណៈពេលដែលឆ្អឹងជើង និងលលាដ៍ក្បាល មិនសូវមានការផ្លាស់ប្ដូរ បន្ទាប់ពីយើងឈានដល់អាយុពេញវ័យ ឆ្អឹងខ្នងរបស់យើងនឹងចាប់ផ្ដើមរួញទៅៗជាលំដាប់។ ជាទូទៅ មនុស្សយើងភាគច្រើនមានឆ្អឹងកងខ្នង ចំនួន២៤ ហើយឆ្អឹងទាំងនេះ ចងភ្ជាប់គ្នាយ៉ាងណែនដោយសរសៃ និងសាច់ដុំ។

១. មូលហេតុធ្វើឲ្យយើងកាន់តែទាបទៅ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅពេលដែលយើងមានវ័យកាន់តែច្រើន ឆ្អឹងរបស់យើងចាប់ផ្ដើមប្រែទៅជាស្ដើងបន្តិចម្ដងៗ ហើយឆ្អឹងកងខ្នងនីមួយៗ ក៏ប្រែក្លាយទៅជាខ្លីទៅៗ ដែលបណ្ដាលឲ្យយើងប្រឈមទៅនឹងជំងឺឆ្អឹងទន់ ។ ជាលទ្ធផល យើងអាចនឹងបាត់បង់កម្ពស់ប៉ុន្មានសង់ទីម៉ែត្រដោយមិនដឹងខ្លួន។

២. ធ្វើម៉េចទើបការពារខ្លួនយើងកុំឲ្យទាបជាងមុនបាន?

១. របបអាហារត្រឹមត្រូវ

វិធីសាស្ត្រដ៏ល្អបំផុត ដើម្បីការពារខ្លួនយើងកុំឲ្យកាន់តែទាបទៅៗ គឺត្រូវការពារឆ្អឹងរបស់យើងឲ្យបានល្អ។ ជាក់ស្ដែង ស្ត្រីដែលឈានដល់វ័យអស់រដូវ គឺជាអ្នកដែលមានហានិភ័យខ្ពស់បំផុតក្នុងការកើតជំងឺឆ្អឹងទន់។ ហេតុដូច្នេះហើយ ការញ៉ាំវីតាមីនD ចំនួន៨០០IU និងកាល់ស្យូមបន្ទាប់បន្សំចំនួន១២០០មិល្លីក្រាមក្នុងមួយថ្ងៃ គឺជារឿងដែលយើងមិនគួរមើលរំលងឡើយ។ ចំណែកឯមនុស្សពេញវ័យដែលមានអាយុចាប់ពី១៩ឆ្នាំ ដល់៥០ឆ្នាំ និងបុរសដែលមានអាយុចាប់ពី៥១ឆ្នាំ ដល់៧០ឆ្នាំ គួរញ៉ាំជាតិកាល់ស្យូមឲ្យបាន១០០០មិល្លីក្រាមក្នុងមួយថ្ងៃ។ យ៉ាងណាមិញ កាល់ស្យូមដែលមាននៅក្នុងរបបអាហារប្រចាំថ្ងៃ គឺមានគុណប្រយោជន៍ច្រើនជាងថ្នាំគ្រាប់កាល់ស្យូមទៅទៀត។

២. លំហាត់ប្រាណជាទៀងទាត់

ការធ្វើលំហាត់ប្រាណជាប្រចាំ គឺជារឿងសំខាន់បំផុតដែលយើងមិនអាចខ្វះបាន។ ហេតុនេះហើយ យើងអាចអនុវត្តលំហាត់ប្រាណងាយៗដូចជាដើរ រត់ត្រឹកៗ និងឡើងជណ្ដើរ ដើម្បីជួយពង្រឹងឆ្អឹងឲ្យរឹងមាំ ក៏ដូចជាពន្យឺតការបាត់បង់ឆ្អឹងរបស់យើងប្រកបដោយប្រសិទ្ធភាព។

៣. បញ្ឈប់ការជក់បារី និងគ្រប់គ្រងការផឹកគ្រឿងស្ររឹង

ការជក់បារី និងផឹកគ្រឿងស្រវឹងលើសកម្រិត ក៏អាចបណ្ដាលឲ្យយើងជួបប្រទះបញ្ហាពុកឆ្អឹងផងដែរ។ ម្យ៉ាងវិញទៀត ប្រសិនបើយើងប្រើប្រាស់ថ្នាំគ្រាប់ជាប្រចាំ ដូចជាថ្នាំស្តេរ៉ូអុីត និងថ្នាំប្រឆាំងការប្រកាច់ ក៏អាចធ្វើឲ្យយើងបាត់បង់ឆ្អឹងផងដែរ។ នៅក្នុងករណីដែលយើងប្រើប្រាស់ថ្នាំទាំងនេះ ចូរពិគ្រោះយោបល់ជាមួយនឹងគ្រូពេទ្យជំនាញ ថាតើយើងគួរតែធ្វើការវាស់ដង់ស៊ីតេឆ្អឹងដែរឬយ៉ាងណា។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ជឿអត់? មនុស្សយើងអាចថមថយកម្ពស់ពេលវ័យកាន់តែចាស់?

១. មូល​ហេតុ​​ធ្វើ​ឲ្យ​យើង​កាន់​តែ​ទាប​ទៅ​

២. ធ្វើ​ម៉េច​ទើប​ការពារ​ខ្លួន​យើង​​​កុំ​ឲ្យ​ទាប​ជាង​មុន​បាន​?

In Case You Missed It

១. មូលហេតុធ្វើឲ្យយើងកាន់តែទាបទៅ

២. ធ្វើម៉េចទើបការពារខ្លួនយើងកុំឲ្យទាបជាងមុនបាន?