តិចច្រឡំជំងឺទឹកចូលសួត និងចូលស្រោមសួតជាជំងឺតែមួយ តាមពិត ២ នេះខុសគ្នាដាច់!

កាលពីក្មេងៗគ្នាយើងច្បាស់ជាធ្លាប់ឮចាស់ៗនិយាយប្រាប់យើងថា “កុំងូតទឹកយូរៗពេក ប្រយ័ត្នទឹកចូលសួត” បន្លាចយើងពេលងូតទឹក ឬចុះត្រាំទឹកលេងម្ដងៗ។ មួយវិញទៀត មានម៉ាក់ប៉ាខ្លះមិនឲ្យកូនងូតទឹកពេលក្ដៅខ្លួនទេ ព្រោះខ្លាចទឹកចូលសួត។ ក្រៅពីទឹកចូលសួត នៅមានជំងឺម៉្យាងស្រដៀងគ្នាដែរ គឺជំងឺទឹកចូលស្រោមសួតដែលគ្នាយើងខ្លះយល់ច្រឡំថាជំងឺសួត២នេះជាជំងឺតែមួយ តែតាមពិតទៅ វាជាជំងឺ២ផ្សេងគ្នា។

តាមការផ្សព្វផ្សាយរបស់មន្ទីរពេទ្យ កាល់ម៉ែត បានឲ្យដឹងថា ជំងឺទឹកចូលសួត និងជំងឺទឹកចូលស្រោមសួតជាជំងឺខុសគ្នាស្រឡះ មិនដូចគ្នាដូចដែលមនុស្សមួយចំនួនយល់ឃើញទេ។ យើងគួរចេះបែងចែក និងដឹងពីនិយមន័យជំងឺសួត២នេះដូចខាងក្រោម៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជំងឺទឹកចូលសួត៖ ករណីទឹកចូលសួតមានន័យថា ខ្លួនយើងចាល់ជាតិទឹកក្នុងខ្លួនច្រើនជ្រុលដោយប្រការណាមួយដែលបណ្ដាលឲ្យជាតិទឹកទាំងនោះជ្រាបចូលទៅដក់ក្នុងថង់ខ្យល់របស់សួតដែលធ្វើឲ្យយើងហត់ខ្លាំង។ មូលហេតុអាចបណ្ដាលមកពីខ្សោយបេះដូងដែលនាំឲ្យយើងហត់ខ្លាំង។ មូលហេតុអាចបណ្ដាលមកពីខ្សោយបេះដូងដែលនាំឲ្យការច្របាច់ឈាមមិនបានល្អ ធ្វើឲ្យជាតិទឹកច្រាលមកក្នុងសួត ឬមូលហេតុមួយទៀត មកពីខ្សោយតម្រងនោមខ្លាំងមិនអាចបញ្ចេញជាតិទឹកបានល្អក៏បណ្ដាលឲ្យច្រាលមកសួតដែរ។
ជំងឺទឹកចូលស្រោមសួត៖ ករណីទឹកចូលស្រោមសួតនេះ ជារឿងមួយដែលមានការដក់ទឹកក្នុងស្រោមសួតដែលព័ទ្ធជុំវិញសួតអាចខាងឆ្វេង ឬខាងស្ដាំ ឬទាំងសង្ខាងក៏មាន។ វាអាចបណ្ដាលមកពីការរលាកស្រោមសួតខ្លួនឯងផ្ទាល់ ឬមកពីការខ្សោយបេះដូង តម្រងនោម ឬក៏ថ្លើមដែលបណ្ដាលឲ្យចាល់ជាតិទឹកទៅក្នុងស្រោមសួត។

លើសពីនេះ ការលើកឡើងថា ងូតទឹកពេលក្ដៅខ្លួនអាចបណ្ដាលឲ្យទឹកចួលសួត ឬស្រោមសួតបាននោះគឺមិនត្រឹមត្រូវទេ។ ករណីនេះ មិនអាចកើតឡើងបានទេ។ ការយល់ឃើញបែបនេះគឺខុសទាំងស្រុង ដោយសារពេលយើងក្ដៅខ្លួន យើងត្រូវព្យាយាមងូតទឹកឲ្យបានច្រើនដង ដើម្បីជួយបញ្ចុះកម្ដៅក្នុងខ្លួន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តិចច្រឡំជំងឺទឹកចូលសួត និងចូលស្រោមសួតជាជំងឺតែមួយ តាមពិត ២ នេះខុសគ្នាដាច់!

In Case You Missed It