វីតាមីន C ផ្តល់ប្រយោជន៍ច្រើនដល់ទារក ម៉ាក់ប៉ាធ្វើម៉េចកុំឲ្យកូនខ្វះឲ្យសោះ!

វីតាមីន C ជាសារធាតុចិញ្ចឹមចាំបាច់ដែលទារកត្រូវការ វារួមចំណែកដល់សុខភាពទូទៅ ហើយនៅអំឡុងពេល ៤-៦ខែដំបូង ទឹកដោះម្ដាយផ្ដល់នូវវីតាមីន C ទាំងអស់សម្រាប់ទារក។ ប្រសិនបើអាអូនបៅទឹកដោះគោ ម៉ាក់ៗគួរពិគ្រោះយោបល់ជាមួយនឹងគ្រូពេទ្យកុមារ ថាតើយើងគួរឲ្យអាអូនញ៉ាំអាហារបំប៉នឬយ៉ាងណា។ យ៉ាងណាមិញ នៅពេលដែលអាអូនមានអាយុ៦ខែ របបអាហារដែលមានតុល្យភាព អាចជួយឲ្យពួកគេទទួលបានវីតាមីន C ប្រចាំថ្ងៃគ្រប់គ្រាន់។

បរិមាណវីតាមីន C ដែលទារកត្រូវការប្រចាំថ្ងៃ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះទារកដែលមានអាយុ៦ខែ ឬតិចជាងនេះ គប្បីទទួលបានវីតាមីន C ចំនួន៤០មិល្លីក្រាម/ថ្ងៃ។ រីឯទារកដែលមានអាយុ៧ខែ រហូតដល់១២ខែ ពួកគេត្រូវការវីតាមីន C ចំនួន៥០មិល្លីក្រាម។ ប្រសិនបើម៉ាក់ៗបំបៅដោះកូន ចូរញ៉ាំអាហារដែលមានផ្ទុកវីតាមីន C ឲ្យបានច្រើន ដើម្បីអាចផ្គត់ផ្គង់គ្រប់គ្រាន់សម្រាប់ខ្លួនឯង និងកូន។

អត្ថប្រយោជន៍សុខភាពទារកទទួលបានពីវីតាមីន C

បរិមាណវីតាមីន C គ្រប់គ្រាន់នៅក្នុងរបបអាហាររបស់ទារក អាចជួយការពារដល់ប្រព័ន្ធភាពស៊ាំរបស់ពួកគេបាន។ សារធាតុចិញ្ចឹមនេះ ជួយគាំទ្រដល់កោសិកាឈាមក្រហម ក៏ដូចជាការពារការឆ្លងមេរោគផ្សេងៗ។ បន្ថែមពីនេះ វីតាមីន C ជួយព្យាបាលមុខរបួស ដោយគាំទ្រដល់ការផលិតកូឡាជែន។ ជាក់ស្ដែង វីតាមីន C គឺជាសារធាតុប្រឆាំងអុកស៊ីតកម្ម និងអាចការពារកោសិការបស់ទារកពីការបំផ្លាញដោយជាតិពុលនៅក្នុងបរិស្ថាន ដែលអាចបណ្ដាលឲ្យកើតមានជំងឺមហារីក ឬជំងឺបេះដូង។ ម្យ៉ាងវិញទៀត សារធាតុចិញ្ចឹមមួយនេះ ក៏ជួយឲ្យរាងកាយរបស់កូនស្រូបយកជាតិដែកពីអាហារកាន់តែមានប្រសិទ្ធភាពផងដែរ។

អាហារផ្ទុកវីតាមីនC

វីតាមីន C មាននៅក្នុងអាហារជាច្រើនប្រភេទ និងមានគុណប្រយោជន៍ដ៏អស្ចារ្យ នៅពេលដែលម៉ាក់ៗបញ្ចូលវាទៅក្នុងរបបអាហាររបស់ទារក។ ពពួកអាហារដែលសម្បូរទៅដោយវីតាមីន C មានដូចជាផ្លែក្រូច ម្នាស់ ដំឡូងបារាំង ប៉េងប៉ោះ ផ្កាខាត់ណា និងផ្លែគីវី ជាដើម។ ដូច្នេះហើយ ម៉ាក់ៗគប្បីបញ្ចូលបន្លែ ផ្លែឈើនៅគ្រប់អាហាររបស់ពួកគេ ដើម្បីឲ្យកូនទទួលបានវីតាមីន C គ្រប់គ្រាន់។

គុណវិបត្តិនៃការខ្វះ ឬលើសវីតាមីន C ចំពោះទារក

ប្រសិនបើទារកមិនទទួលបានវីតាមីន C គ្រប់គ្រាន់ទេនោះ ពួកគេអាចប្រឈមនឹងជំងឺរាក់ស៊ីធ្មេញ (scurvy) ដែលនាំឲ្យឈាមអញ្ចាញធ្មេញ ឈាមច្រមុះ របួសមិនងាយជាសះស្បើយ អស់កម្លាំង ខ្សោយ លូតលាស់យឺត។ល។ ក្នុងករណីអាអូនបង្ហាញសញ្ញាទាំងនេះ ចូរពិគ្រោះយោបល់ជាមួយគ្រូពេទ្យដើម្បីទទួលបានការព្យាបាល។ ដូចគ្នានេះដែរ ប្រសិនបើអាអូនញ៉ាំវីតាមីន C ច្រើនជ្រុល ពួកគេអាចនឹងមានអាការៈរាករូស ក្អួត និងចុកពោះ។ លើសពីនេះ ការញ៉ាំវីតាមីន C ច្រើនពេក ក៏អាចជះឥទ្ធិពលមិនល្អដល់កម្រិតសារធាតុសេលីញ៉ូម នៅក្នុងរាងកាយរបស់ទារកផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

វីតាមីន​ C ផ្តល់ប្រយោជន៍​ច្រើន​ដល់ទារក ម៉ាក់ប៉ាធ្វើម៉េចកុំឲ្យកូនខ្វះឲ្យសោះ!

​បរិមាណ​វីតាមីន C ​​ដែល​ទារក​ត្រូវ​ការ​ប្រចាំ​ថ្ងៃ

អត្ថប្រយោជន៍​សុខភាព​​ទារក​ទទួល​បានពីវីតាមីន C​

អាហារ​​ផ្ទុក​វីតាមីន​C​

គុណវិបត្តិ​នៃ​​ការ​ខ្វះ​ ឬ​លើស​វីតាមីន​ C ចំពោះ​ទារក​

In Case You Missed It

វីតាមីន C ផ្តល់ប្រយោជន៍ច្រើនដល់ទារក ម៉ាក់ប៉ាធ្វើម៉េចកុំឲ្យកូនខ្វះឲ្យសោះ!

បរិមាណវីតាមីន C ដែលទារកត្រូវការប្រចាំថ្ងៃ

អត្ថប្រយោជន៍សុខភាពទារកទទួលបានពីវីតាមីន C

អាហារផ្ទុកវីតាមីនC

គុណវិបត្តិនៃការខ្វះ ឬលើសវីតាមីន C ចំពោះទារក