អាការៈភ័យគាំង និងគាំងបេះដូង ដូចគ្នា ឬខុសគ្នាបែបណា?

ឈឺទ្រូង ចង្វាក់បេះដូងលោតញាប់ និងបែកញើស សុទ្ធតែជារោគសញ្ញានៃអាការៈគាំងបេះដូង ឬភ័យគាំង។ ពិតណាស់ អាការៈទាំងពីរសុទ្ធតែមានគ្រោះថ្នាក់ធ្ងន់ធ្ងរ និងចាំបាច់ត្រូវធ្វើការព្យាបាលដ៏សមស្រប។ ដូច្នេះហើយ ដើម្បីកំណត់ពីបញ្ហាសុខភាពឲ្យបានច្បាស់លាស់ ថាតើយើងមានអាការៈគាំងបេះដូង ឬភ័យគាំង គ្នាយើងគប្បីស្វែងយល់ពីចំណុចដូចគ្នា និងខុសគ្នាទាំងនេះ។

ភាពដូចគ្នា និងខុសគ្នានៃអាការៈគាំងបេះដូង និងភ័យគាំង

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រោគសញ្ញានៃអាការៈគាំងបេះដូង

គាំងបេះដូងកើតឡើងនៅពេលដែលផ្នែកនៃបេះដូងមិនទទួលបានឈាមគ្រប់គ្រាន់។ រោគសញ្ញាទូទៅនៃការគាំងបេះដូង រួមមាន៖

ឈឺទ្រូង ឬតឹងទ្រូង
បេះដូងលោតញាប់
មានអាការៈធេងធោង ឬសន្លប់
បែកញើស រួមទាំងបែកញើសត្រជាក់
ឈឺចាប់ ឬមិនស្រួលនៅក្នុងរាងកាយផ្នែកខាងលើ ដូចជាថ្គាម ក ដៃ ស្មា ឬខ្នង។
ដកដង្ហើមខ្លី
ក្អួត ឬចង្អោរ

អាការៈគាំងបេះដូង អាចបង្កគ្រោះថ្នាក់ដល់អាយុជីវិត ដូច្នេះហើយ គ្នាយើងគប្បីទៅពិគ្រោះយោបល់ជាមួយនឹងគ្រូពេទ្យភ្លាមៗ ប្រសិនបើមានរោគសញ្ញានៃអាការៈគាំងបេះដូង។

រោគសញ្ញានៃអាការៈភ័យគាំង

ចំណែកឯអាការៈភ័យគាំងកើតឡើងភ្លាមៗ នៅពេលដែលយើងមានអារម្មណ៍ភ័យខ្លាច ឬថប់បារម្ភ។ អាការៈនេះមិនគំរាមកំហែងដល់អាយុជីវិតរបស់យើងក៏ពិតមែន ប៉ុន្តែវារំខានដល់សកម្មភាពរស់នៅ និងសុខុមាលភាពផ្លូវចិត្ត។ រោគសញ្ញានៃអាការៈភ័យគាំង រួមមាន៖

ថប់បារម្ភ និងភ័យខ្លាចភ្លាមៗ
ឈឺទ្រូង
ពិបាកដកដង្ហើម
បេះដូងលោតញាប់
បែកញើស
រាងកាយញាប់ញ័រ
ខ្សោយ ឬវិលមុខ
ឈឺពោះ ឬចង្អោរ

ភាពខុសគ្នារវាងអាការៈគាំងបេះដូង និងភ័យគាំង

ថ្វីត្បិតតែរោគសញ្ញានៃអាការៈទាំងពីរនេះ មានភាពស្រដៀងគ្នាក៏ពិតមែន ប៉ុន្តែយើងអាចសង្កេតមើលភាពខុសគ្នាដូចខាងក្រោម។

តំបន់ឈឺចាប់

ទាំងអាការៈគាំងបេះដូង ឬភ័យគាំងសុទ្ធតែធ្វើឲ្យមានភាពមិនស្រួលក្នុងទ្រូង ប៉ុន្តែអ្វីដែលខុសគ្នា គឺការឈឺចាប់ដែលបណ្ដាលមកពីគាំងបេះដូង រាលដាលដល់តំបន់ផ្សេងទៀតដូចជាដៃ ថ្គាម ឬក។ យ៉ាងណាមិញ ការឈឺចាប់ដែលបង្កឡើងដោយអាការៈភ័យគាំងស្ថិតនៅក្នុងទ្រូងតែប៉ុណ្ណោះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អាការៈ​ភ័យ​គាំង និងគាំងបេះដូង ដូចគ្នា ឬខុសគ្នាបែបណា? ​

ភាព​ដូច​គ្នា​ និង​ខុស​គ្នា​នៃ​អាការៈ​គាំង​បេះដូង និង​ភ័យ​គាំង

រោគសញ្ញា​នៃ​អាការៈ​គាំង​បេះដូង

រោគសញ្ញា​នៃ​អាការៈ​ភ័យ​​គាំង

ភាព​ខុស​គ្នា​រវាង​អាការៈ​គាំង​បេះដូង និង​ភ័យ​គាំង​​

តំបន់​​ឈឺ​ចាប់​

In Case You Missed It