អាយុប៉ុន្មាន ហើយយូរប៉ុណ្ណា គួរទៅពិនិត្យភ្នែកទើបល្អ?

ការពិនិត្យភ្នែកជាទៀងទាត់ជាផ្នែកមួយដ៏សំខាន់ក្នុងការថែទាំសុខភាពយើងទាំងមូល។ តើយើងគួរពិនិត្យភ្នែកញឹកញាប់ប៉ុណ្ណា? ពិតណាស់ គ្នាយើងមួយចំនួនតែងតែទៅពិនិត្យភ្នែកនៅពេលដែលត្រូវកាត់វ៉ែនតា ឬប្ដូរContact Lensesថ្មី ប៉ុន្តែ តាមពិតទៅ ការពិនិត្យភ្នែកផ្ដល់អត្ថប្រយោជន៍លើសពីអ្វីដែលយើងរំពឹងទុកទៅទៀត។ តើគួររយៈពេលប៉ុន្មានខែ គួរទៅពិនិត្យភ្នែកម្ដង ឲ្យត្រូវតាមការណែនាំ?

ការថែទាំសុខភាពភ្នែក មិនដូចគ្នាទេ តែគេបែងចែកទៅតាមអាយុនិងវ័យ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង គ្រូពេទ្យអាចណែនាំកាលវិភាគពិនិត្យសុខភាពភ្នែកផ្សេងៗ អាស្រ័យទៅលើសុខភាពភ្នែកជាក់លាក់ ប្រវត្តិគ្រួសារដែលកើតជំងឺភ្នែក (ដូចជាជំងឺទឹកដក់ក្នុងភ្នែក) បញ្ហាសុខភាព ឬកត្តាប្រឈមដទៃទៀត។

១. ចំពោះក្មេង

សមាគមភ្នែកអាមេរិក ណែនាំឲ្យប៉ាម៉ាក់យកអាអូនទៅពិនិត្យភ្នែកមុនកូនអាយុបាន ១ឆ្នាំ។ កុមារគួរពិនិត្យភ្នែកម្ដងទៀត យ៉ាងហោចឲ្យបានម្ដងនៅចន្លោះអាយុ ៣ឆ្នាំទៅ៥ឆ្នាំ ហើយនៅពេលដែលកូនចូលរៀន ប៉ាម៉ាក់គប្បីនាំកូនទៅពិនិត្យភ្នែកម្ដងក្នុងមួយឆ្នាំ រហូតកូនរៀនចប់វិទ្យាល័យ។

២. មនុស្សពេញវ័យ

វ័យ២០ឆ្នាំ និង៣០ឆ្នាំ៖ យ៉ាងហោចរៀងរាល់ ៥ – ១០ឆ្នាំម្ដង
អាយុ៤០ឆ្នាំ ទៅ៥៤ឆ្នាំ៖ យ៉ាងហោចរៀងរាល់ ២ – ៤ឆ្នាំម្ដង
អាយុ៥៥ឆ្នាំ ទៅ៦៤ឆ្នាំ៖ យ៉ាងហោចរៀងរាល់ ១ – ៣ឆ្នាំម្ដង
អាយុ៦៥ឆ្នាំ និងលើសពីនេះ៖ យ៉ាងហោចរៀងរាល់ ១ – ២ឆ្នាំម្ដង

យ៉ាងណាមិញ ក្នុងករណីដែលមានរោគសញ្ញាណាមួយខាងក្រោមនេះ គួរកុំចាំដូចទៅពិនិត្យ ព្រោះនេះជាសញ្ញាបញ្ហាភ្នែក ដែលគួរពិនិត្យឬព្យាបាល៖

ភ្នែកក្រហម ស្ងួត ឬរមាស់
ព្រិលភ្នែក
ឈឺភ្នែក
មើលឃើញស្នាមប្រឡាក់ខ្មៅ ពន្លឺអណ្ដែត ឬពន្លឺព្រិចៗ
មើលឃើញរង្វង់មូល ឬអ្វីមួយបាំងពន្លឺ

បើយើងពាក់វ៉ែនតា ឬContact lenses តើគួរទៅពិនិត្យភ្នែកញឹកញាប់ប៉ុណ្ណា?

យើងអាចនឹងមានការប្រែប្រួលដឺក្រេភ្នែកជារៀងរាល់ឆ្នាំ ប៉ុន្តែជាមធ្យម គ្នាយើងផ្លាស់ប្ដូរវ៉ែនតាជារៀងរាល់ពីរឆ្នាំម្ដង។ ក្នុងករណីដែលយើងពាក់វ៉ែនតា ឬContact lensesដើម្បីកែតម្រូវបញ្ហាភ្នែក គួរទៅពិនិត្យសុខភាពភ្នែកឲ្យបានញឹកញាប់ ទើបជាការប្រសើរ។

ចំពោះកុមារ ពួកគេអាចប្រឈមនឹងការប្រែប្រួលការមើលឃើញយ៉ាងច្រើនក្នុងមួយឆ្នាំ ដូច្នេះហើយចូរនាំកូនទៅពិនិត្យសុខភាពភ្នែកតាមការណែនាំខាងលើ ដើម្បីជួយឲ្យកូនបំពេញសកម្មភាពប្រចាំថ្ងៃកាន់តែប្រសើរ។

ការពិនិត្យសុខភាពភ្នែកអាចផ្ដល់អត្ថប្រយោជន៍ផ្សេងទៀតដែរឬទេ?

ពិតណាស់ សុខភាពភ្នែកអាចបង្ហាញពីបញ្ហាសុខភាពរាងកាយទាំងមូល ដោយគ្រូពេទ្យអាចរកឃើញជំងឺជាក់លាក់មួយចំនួនដូចជា សម្ពាធឈាមខ្ពស់ ជំងឺទឹកនោមផ្អែម និងជំងឺមហារីកមួយចំនួនទៀត។ មួយវិញទៀត គ្រូពេទ្យក៏អាចយកចិត្តទុកដាក់ចំពោះជំងឺភ្នែកផ្សេងៗ ដូចជាទឹកដក់បាតភ្នែក ភ្នែកឡើងបាយ និងខូចបាតភ្នែកដោយសារជំងឺទឹកនោមផ្អែម។ល។ ដែលជំងឺទាំងនេះសុទ្ធតែអាចធ្វើឲ្យយើងពិការភ្នែក ប្រសិនបើពុំមានការព្យាបាលទាន់ពេលវេលាទេនោះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

​ការ​ថែទាំ​សុខភាព​ភ្នែក​ មិនដូចគ្នាទេ តែគេបែងចែកទៅតាម​អាយុនិង​វ័យ៖

១. ចំពោះ​​ក្មេង​

​​ ២. មនុស្ស​ពេញ​វ័យ​

​​​​​បើ​យើង​ពាក់​វ៉ែនតា ឬ​Contact lenses តើ​គួរ​ទៅ​ពិនិត្យ​ភ្នែក​ញឹកញាប់​ប៉ុណ្ណា​?

ការ​ពិនិត្យ​សុខភាព​ភ្នែក​​​អាច​ផ្ដល់​​អត្ថប្រយោជន៍​ផ្សេង​ទៀត​ដែរ​ឬ​ទេ​?

In Case You Missed It

ការថែទាំសុខភាពភ្នែក មិនដូចគ្នាទេ តែគេបែងចែកទៅតាមអាយុនិងវ័យ៖

១. ចំពោះក្មេង

២. មនុស្សពេញវ័យ

បើយើងពាក់វ៉ែនតា ឬContact lenses តើគួរទៅពិនិត្យភ្នែកញឹកញាប់ប៉ុណ្ណា?

ការពិនិត្យសុខភាពភ្នែកអាចផ្ដល់អត្ថប្រយោជន៍ផ្សេងទៀតដែរឬទេ?