ហេតុអ្វីបបូរមាត់កាន់តែឡើងខ្មៅ? ដោះស្រាយបែបណា?

បបូរមាត់ ក៏ត្រូវការការថែទាំជាប្រចាំដូចទៅនឹងស្បែករបស់យើងដែរ ពីព្រោះស្បែកនៅលើបបូរមាត់ស្ដើង ហើយថែមទាំងមិនមានក្រពេញញើស ដែលធ្វើឲ្យងាយស្ងួត និងរបកថែមទៀតផង។ ជាក់ស្ដែង បបូរមាត់ខ្មៅ និងបាត់បង់ពណ៌ស៊ីជម្ពូបែបធម្មជាតិ ដោយសារមូលហេតុជាច្រើន ហើយពណ៌នៃបបូរមាត់អាចប្រែប្រួលអាស្រ័យលើទម្លាប់នៃការរស់នៅ និងកត្តាវេជ្ជសាស្ត្រមួយចំនួនផងដែរ។

មូលហេតុធ្វើឲ្យបបូរមាត់កាន់តែខ្មៅទៅៗ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជក់បារី
អាលែកហ្ស៊ីនឹងក្រែមលាបមាត់
អាលែកហ្ស៊ីនឹងថ្នាំដុសធ្មេញផ្ទុកសារធាតុMenthol
ក្រែមព្យាបាលបបូរមាត់ដែលមានក្លិន
ក្រែមលាបមាត់ដែលមានគុណភាពអន់
អាលែកហ្ស៊ីនឹងថ្នាំមួយចំនួន
សង្កត់ ខាំ ឬលិឍបបូរមាត់។

តិចនិកសាមញ្ញៗមួយចំនួនជួយកាត់បន្ថយបបូរមាត់ខ្មៅ

១. រក្សាជាតិទឹកក្នុងរាងកាយ

កត្តាមួយចំនួនដូចជាការបំពុលបរិស្ថាន និងកង្វះជាតិទឹកអាចធ្វើឲ្យបបូរមាត់ស្ងួត ប្រេះ និងឡើងពណ៌ខ្មៅ។ ហេតុនេះហើយ ការញ៉ាំទឹកឲ្យបានច្រើន យ៉ាងហោចណាស់ចំនួនប្រាំបីកែវក្នុងមួយថ្ងៃមានសារសំខាន់ណាស់ ជាពិសេសនៅក្នុងរដូវរងា។

២. ឈប់ជក់បារី

ការជក់បារីមិនត្រឹមតែបំផ្លាញសុខភាពរាងកាយ និងស្បែកប៉ុណ្ណោះទេ ថែមទាំងប៉ះពាល់ដល់បបូរមាត់របស់យើង ក៏ដូចជាសុខភាពផ្លូវដង្ហើម។ ដូចនេះ បើយើងគប្បីបញ្ឈប់ការជក់បារី ទើបជាការប្រសើរ។

៣. ញ៉ាំផ្លែឈើ និងបន្លែស្រស់ៗឲ្យបានច្រើន

ទន្ទឹងនឹងនេះដែរ ការញ៉ាំផ្លែឈើ និងបន្លែស្រស់ៗដែលមានជាតិទឹកច្រើនដូចជាឪឡឹក ប៉េងប៉ោះ និងត្រសក់ ជាដើម អាចជួយផ្ដល់សំណើមដល់បបូរមាត់ ព្រមទាំងជួយឲ្យពណ៌បបូរមាត់កាន់តែប្រសើរជាងមុន។

៤. កាត់បន្ថយស្នាមខ្មៅនៃបបូរមាត់ជាមួយនឹងត្រសក់

ត្រសក់ផ្ទុកសារធាតុប្រឆាំងនឹងអុកស៊ីតកម្ម និងសមាសធាតុសម្បូរស៊ីលីកា ដែលអាចជួយកាត់បន្ថយសារធាតុពណ៌ និងស្នាមខ្មៅនៃបបូរមាត់។ ចូរកិនត្រសក់២ទៅ៣ចំណិត និងយកល្បាយមកលាបនៅលើបបូរមាត់ ដោយទុកចោលរយៈពេល១៥ទៅ២០នាទី និងលាងជម្រះចេញជាមួយនឹងទឹកធម្មតា។ គ្នាយើងអាចអនុវត្តតិចនិកនេះចំនួន១ទៅ២ដងក្នុងមួយថ្ងៃ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ហេតុអ្វីបបូរ​មាត់​កាន់​តែ​ឡើងខ្មៅ​? ដោះស្រាយបែបណា?

មូលហេតុ​ធ្វើ​ឲ្យ​បបូរ​មាត់​កាន់​តែ​ខ្មៅ​​ទៅ​ៗ​

តិចនិក​សាមញ្ញៗ​មួយ​ចំនួន​ជួយ​កាត់បន្ថយ​បបូរ​មាត់​ខ្មៅ​

​១. រក្សា​ជាតិ​ទឹក​ក្នុង​រាងកាយ​

២. ឈប់​ជក់​បារី​

៣. ញ៉ាំ​ផ្លែឈើ​ និង​បន្លែ​ស្រស់​ៗ​ឲ្យ​បាន​ច្រើន​

៤. កាត់​បន្ថយ​​​ស្នាម​ខ្មៅ​នៃ​បបូរ​មាត់​ជាមួយ​នឹង​ត្រសក់​

In Case You Missed It