ចាប់អារម្មណ៍ផង! សញ្ញាទាំង ៩ លើអណ្តាតកំពុងប្រាប់ពីបញ្ហាសុខភាព!

ជាការពិតណាស់ រាងកាយរបស់បញ្ជូនសញ្ញាប្រាប់អំពីបញ្ហាសុខភាពដែលយើងកំពុងជួបប្រទះ ប៉ុន្តែដោយសារតែយើងមិនដឹងនាំឲ្យមិនសូវចាប់អារម្មណ៍។ សញ្ញាព្រមានបញ្ហាសុខភាពផ្សេងៗអាចកើតមានលើរាងកាយ ហើយអណ្ដាតក៏អាចបញ្ចេញសញ្ញាឲ្យយើងដឹងដែរ។ មានបញ្ហាជាច្រើនដែលយើងអាចដឹងបានពីសុខភាពដោយគ្រាន់តែសង្កេតមើលសញ្ញាដែលអណ្ដាតយើងព្យាយាមប្រាប់ដូចខាងក្រោម។

កម្មវិធីពិនិត្យជំងឺហឺតអនឡាញ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ពណ៌ក្រហមដូចស្ត្របឺរី

នេះអាចជាសញ្ញាបង្ហាញថាគ្នាយើងមិនបានទទួលវីតាមីនគ្រប់គ្រាន់។ ប្រសិនបើអណ្ដាតមានសភាពភ្លឺរលោង ឬមានពណ៌ក្រហមស្ត្របឺរី មានន័យថាយើងមានជាតិដែក ឬវីតាមីន B12 មិនគ្រប់គ្រាន់ទេ។ ក្នុងករណីធ្ងន់ធ្ងរ អាចនឹងមានការឈឺចាប់ខ្លាំងពេលផឹកភេសជ្ជៈក្ដៅ និងញ៉ាំអាហារហឹរ។

២. ជ្រាំងពណ៌ខ្មៅ ឬពណ៌ត្នោត

អណ្ដាតមានពណ៌ខ្មៅ ឬពណ៌ត្នោតនៅចំកណ្ដាលអាចមើលទៅគួរឲ្យខ្លាច ប៉ុន្តែភាគច្រើនគ្រាន់តែជាសញ្ញានៃការធ្វើអនាម័យមិនល្អ ការជក់បារី ឬផឹកកាហ្វេ ឬតែខ្មៅច្រើន។ ជាលទ្ធផល វាអាចមានក្លិនមិនល្អចេញពីមាត់ និងពិបាកសម្គាល់រសជាតិ។ រឿងដំបូងយើងគួរធ្វើគឺបោះបង់ទម្លាប់អាក្រក់ដែលបណ្ដាលឲ្យមានស្នាមខ្មៅចោល និងចាប់ផ្ដើមសម្អាតអណ្ដាតជាប្រចាំរាល់ពេលដុសធ្មេញ។

៣. ជ្រាំងពណ៌ស

ការឡើងជ្រាំងអណ្ដាតពណ៌ស អាចជាសញ្ញាមួយនៃការឆ្លងមេរោគផ្សិត ឬជំងឺ Candidiasis។ សញ្ញានេះលេចឡើងនៅពេលដែល Candida albicans (មេរោគផ្សិត) លូតលាស់ខ្លាំងពេក ហើយមូលហេតុបង្កបញ្ហានេះអាចបណ្ដាលមកពីការប្រើថ្នាំអង់ទីប៊ីយូទិច កើតជំងឺទឹកនោមផ្អែម មានប្រព័ន្ធភាពស៊ាំខ្សោយ ឬសម្ពាធឈាមខ្ពស់។

៤. អណ្ដាតប្រេះ

ជាធម្មតា ស្នាមប្រេះលើអណ្ដាតមិនបង្កជាក្ដីបារម្ភអ្វីទេ ប៉ុន្តែប្រសិនបើ យើងមិនដុសធ្មេញបានខ្ជាប់ខ្ជួនទេ នោះការឆ្លងរោគអាចកើតឡើង។ ការឆ្លងមេរោគផ្សិតអាចវិវឌ្ឍត្រង់កន្លែងប្រេះ ហើយបណ្ដាលឲ្យឈឺចាប់ខ្លាំង និងធ្វើឲ្យក្រហាយ។

៥. អណ្ដាតឡើងអុជសៗ

ការឡើងអុជសៗបែបនេះអាចជាសញ្ញាថាមានអ្វីធ្វើឲ្យប្រតិកម្មស្បែក។ ឧទាហរណ៍ ពេលយើងយកអណ្ដាតទៅត្រដុសជាប់នឹងធ្មេញអាចបណ្ដាលឲ្យមានបញ្ហានេះ។ ប៉ុន្តែភាគច្រើន សញ្ញានេះគឺបណ្តាលមកពីការកើនឡើងនៃកោសិកាលើជក់បារី។ ចន្លោះពី៥ភាគរយ ទៅ១៧ភាគរយ នៃកោសិកាទាំងនេះអាចជាកោសិកាមុនមហារីក ហើយបើស្នាមអុជសៗទាំងនោះមិនបាត់ក្នុងរយៈពេលជាច្រើនសប្តាហ៍ វាជារឿងសំខាន់យើងត្រូវទៅជួបគ្រូពេទ្យ។

៦. អណ្ដាតឡើងអុជក្រហម ឬពងបែក

អណ្ដាតឡើងអុជក្រហម ឬពងបែកដែលមិនបាត់ក្នុងរយៈពេលយូរអាចជារោគសញ្ញានៃជំងឺធ្ងន់ធ្ងរ។ សញ្ញានេះច្រើនតែជាប់ទាក់ទងនឹងមហារីកអណ្ដាត ហើយបើអណ្ដាតមានសញ្ញានេះ យើងគួរទៅពិគ្រោះជាមួយគ្រូពេទ្យ។

៧. ក្រហាយអណ្ដាត

ក្រហាយអណ្ដាតជាសញ្ញាទូទៅមួយចំពោះស្ត្រីដែលជិតដល់ពេលអស់វដ្ដរដូវ ហើយអ័រម៉ូនផ្លាស់ប្ដូរ។ លើសពីនេះ ក៏អាចបណ្ដាលមកពីការប្រើថ្នាំដុសធ្មេញខុសដែរ (មនុស្សមួយចំនួនអាចអាលែកហ្ស៊ីនឹងសារធាតុផ្សំខ្លះក្នុងថ្នាំដុសធ្មេញ)។

៨. ឡើងកន្ទួល ឬពកៗលើអណ្ដាត

សញ្ញានេះភាគច្រើនមិនបង្ហាញពីបញ្ហាសុខភាពណាមួយយើងគួរបារម្ភទេ ប្រសិនបើវាមិនមានការឈឺចាប់។

៩. អណ្ដាតឡើងផ្សិត

ប្រសិនបើ អណ្ដាតមានដំបៅឈឺចាប់ នេះគឺជាសញ្ញានៃជំងឺច្រាំងអណ្តាត ដែលជាជំងឺកើតមានញឹកញាប់បំផុតចំពោះកុមារ ប៉ុន្តែ ២០ភាគរយ នៃមនុស្សពេញវ័យក៏មានដែរ។ សញ្ញានេះក៏ជាសញ្ញានៃភាពតានតឹង និងប្រព័ន្ធភាពស៊ាំចុះខ្សោយ តែជាធម្មតាពួកអាចបាត់ក្នុងរយៈពេល ២ សប្ដាហ៍ ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ចាប់អារម្មណ៍ផង! សញ្ញាទាំង ៩ លើអណ្តាតកំពុងប្រាប់ពីបញ្ហាសុខភាព!

១. ពណ៌​ក្រហម​ដូច​ស្ត្របឺរី

២. ជ្រាំង​ពណ៌​ខ្មៅ ឬ​ពណ៌​ត្នោត

៣. ជ្រាំង​ពណ៌​ស

៤. អណ្ដាត​ប្រេះ

៥. អណ្ដាត​ឡើង​អុជ​សៗ

៦. អណ្ដាត​ឡើង​អុជ​ក្រហម ឬ​ពង​បែក

៧. ក្រហាយ​អណ្ដាត

៨. ឡើង​កន្ទួល ឬ​ពក​ៗ​លើ​អណ្ដាត

៩. អណ្ដាត​ឡើង​ផ្សិត

In Case You Missed It