ស្ត្រីពពោះមានហានិភ័យខ្ពស់ក្នុងការឆ្លងវីរុសកូវីដធ្ងន់ធ្ងរ ប៉ុន្តែតើវាអាចប៉ះពាល់ដល់កូនក្នុងផ្ទៃដែរអត់? ពិតណាស់ អំឡុងពេលពពោះ គឺជាពេលវេលាដ៏រំភើបរីករាយមួយរបស់ស្រីៗយើង។ ប៉ុន្តែ បច្ចុប្បន្ននេះ ស្រ្តីពពោះបើឆ្លងកូវីដ-១៩ អាចបង្កជាផលវិបាកមួយចំនួន ហើយក៏អាចបណ្ដាលឲ្យមានបញ្ហារលូតកូនផងដែរ។ ម្យ៉ាងវិញទៀត ស្ត្រីពពោះដែលឆ្លងវីរុសកូវីដ-១៩ អាចនឹងសម្រាលកូនមុនសប្ដាហ៍ទី៣៧នៃការពពោះ ដែលនេះជាការសម្រាលកូនមិនគ្រប់ខែ។ ដូច្នេះហើយ ទើបម៉ាក់ៗចាំបាច់ចាក់វ៉ាក់សាំងឲ្យបានគ្រប់ចំនួន ក៏ដូចជារក្សាគម្លាតតាមវិធានសុខាភិបាល ដើម្បីបញ្ចៀសហានិភ័យនៃការឆ្លងវីរុសកូវីដ-១៩។
តាមការសិក្សាបង្ហាញថា វីរុសកូវីដ-១៩ អាចនាំឲ្យស្ត្រីពពោះរលូតកូន
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍ចេញផ្សាយនៅក្នុងទស្សនាវដ្ដីវិទ្យាសាស្ត្រ PLOS One បានឲ្យដឹងថា កូវីដ-១៩ ធ្វើឲ្យមានការរលាកសុក ជាហេតុនាំឲ្យគភ៌លូតលាស់យឺត ក៏ដូចជាបណ្ដាលឲ្យរលូត។ ជាក់ស្ដែង ហានិភ័យនៃការរលូតកូនរបស់ស្ត្រីដែលឆ្លងកូវីដ-១៩មានការកើនឡើងគួរឲ្យព្រួយបារម្ភ។
គន្លឹះជួយឲ្យស្ត្រីពពោះកាត់បន្ថយស្រ្តេសអំឡុងពេលរាតត្បាតនៃវីរុសកូវីដ-១៩
- គេងឲ្យបានគ្រប់គ្រាន់
- ញ៉ាំរបបអាហារតុល្យភាព ដែលសម្បូរទៅដោយសារធាតុចិញ្ចឹម
- ធ្វើលំហាត់ប្រាណជាទៀងទាត់
- ធ្វើរឿងរ៉ាវ ឬសកម្មភាពដែលជួយឲ្យយើងស្ងប់អារម្មណ៍ និងសប្បាយចិត្ត
- ហាត់យូហ្គា ឬធ្វើសមាធិ
- ជៀសវាងមើលទូរទស្សន៍ ឬព័ត៌មានអំពីជំងឺរាតត្បាតច្រើនពេក
- គោរពតាមវិធានសុខាភិបាលក្នុងការប្រយុទ្ធនឹងជំងឺកូវីដ-១៩ ដោយពាក់ម៉ាស រក្សាគម្លាត ជៀសវាងទៅទីកន្លែងដែលមានមនុស្សអ៊ូអរច្រើន លាងសម្អាតដៃឲ្យបានស្អាតល្អ ព្រមទាំងចាក់វ៉ាក់សាំងកូវីដ-១៩ ឲ្យបានគ្រប់ដូសតាមនការណែនាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
