បរទេស៖ តម្លៃប៉ាន់ស្មានមួយចំនួនសម្រាប់ Apple iPad Pro នាពេលខាងមុខត្រូវបានចែករំលែកដោយអ្នកលេចធ្លាយ LeaksApplePro។ អ្នកបែកធ្លាយនេះបានទាយថា វាអាចមានឧបករណ៍ចំនួនបី នៅក្នុង iPad Pro ដែលប្រើបន្ទះឈីប M2 ដែលយ៉ាងហោចណាស់ មួយក្នុងចំណោមពួកវានឹងមិនបង្ហាញខ្លួន មុនពេលឆ្នាំ2023។ ដោយមានពាក្យចចាមអារ៉ាមជាច្រើន ដែលបានលើកឡើងថា Apple អាចនឹងបង្ហាញថេប្លេត M2 iPad Pro ជំនាន់ទី6 ចំនួនពីរបី នៅក្នុងព្រឹត្តិការណ៍ក្នុងរដូវស្លឹកឈើជ្រុះនេះ វាអាចជាប្រភេទទំហំ14.1អ៊ីញ ដែលគេអះអាងថា នឹងមកដល់នាពេលក្រោយ។
ឧបករណ៍ Apple iPad Pro ឆ្នាំ2022 ត្រូវបានគេរំពឹងថា នឹងមានអេក្រង់11អ៊ីញ និង12.9អ៊ីញ ហើយជាការពិតណាស់ នឹងមានបំពាក់នូវប្រព័ន្ធឈីប Apple M2 ថ្មី។ iPad Pro អេក្រង់11អ៊ីញទំនងជាមានតម្លៃចាប់ពីUS$799 ហើយផ្ដល់ជូនសេវា 5G និងទំហំផ្ទុកទិន្នន័យ 128GB ប៉ុន្តែនឹងមិនប្រើបន្ទះ mini-LED នោះទេ។ បច្ចេកវិទ្យាចុងក្រោយនោះ នឹងត្រូវបានបម្រុងទុកសម្រាប់ M2 iPad Pro ទំហំ12.9អ៊ីញ ដែលនឹងគាំទ្រការភ្ជាប់សេវា 5G និងទំហំផ្ទុកមូលដ្ឋាន 128GB សម្រាប់តម្លៃចាប់ពី US$1,099។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពដដែលនេះបានទាយទៀតថា iPad Pro ទំហំ14.1អ៊ីញ អាចនឹងមានតម្លៃUS$1,400 ហើយវាអាចមានទំហំផ្ទុកមូលដ្ឋាន 256GB។ ទោះជាយ៉ាងណាក៏ដោយ អ្នកលេចធ្លាយនេះអះអាងថា ថេប្លេតដ៏ធំនេះនឹងប្រើបន្ទះ mini-LED និងគាំទ្រ ProMotion។ សម្រាប់ iPad mini ជំនាន់ក្រោយ វាមិនត្រូវបានគេរំពឹងថា នឹងបង្ហាញខ្លួនមុនឆ្នាំ2023នោះទេ។ ទោះយ៉ាងណាក៏ដោយ ជាក់ស្ដែងវានឹងមកជាមួយអេក្រង់ 120Hz refresh rate ដែលឡើងពីសមត្ថភាព 60Hz បច្ចុប្បន្ន៕
ប្រភព: Notebookcheck
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]