បរទេស៖ កីឡាករឆ្នើម Lionel Messi បំបែកកំំណត់ត្រាថ្មី វ៉ាដាច់ Cristiano Ronaldo ក្នុងឆ្នាំ ២០២២ នេះសាជាថ្មី ក្នុងនាមជាកីឡាករ ដែលមានអ្នកគាំទ្រ ទិញអាវច្រើនជាងគេបង្អស់ ក្នុងពិភពបាល់ទាត់។
ជាការពិតណាស់ បន្ទាប់ពី ផ្លាស់ពី Barca កាលពីរដូវកាលមុននេះ ដោយសារបញ្ហាហិរញ្ញវត្ថុនៅក្នុងក្លិប Messi បានមកទ្រនំថ្មី នៅកីឡដ្នាន Parc de Princes នៃទឹកដីប្រទេសបារាំង ជាមួយក្លិបអ្នកមាន Paris Saint Germain។ យ៉ាងណាមិញ ទោះបីជា Messi ពុំសូវបានក្រឡុកពិភពបាល់ទាត់ឲ្យកក្រើកដូចមុន ក៏ប៉ុន្តែ Messi នៅតែអាចទទួលបានកំណត់ត្រាថ្មី ហើយក៏បានរួមចំណែក ឲ្យក្លិបយក្សបារាំងខាងលើ លើកពានលីគកំពូល Ligue 1 នៅក្នុងរដូវកាលដំបូងរបស់គេផងដែរ។
បើយោងទៅតាមសារកាសែត Mirror បានចុះផ្សាយឲ្យដឹងថា អាវស្លាកលេខ ៣០ របស់ Messi បានរកប្រាក់ចំណេញរហូតដល់ ៦០% នៃប្រាក់ដើម ពោលគឺលក់បានច្រើនជាង ១លានអាវ នៅក្នុងរដូវកាលនេះ ច្រើនជាងអាវ Man Utd របស់ Ronaldo ទៅទៀត។ លើសពីនេះផងដែរ អាវរបស់ Messi អាចរកចំណូលបានជាង ១លានដុល្លា ឯណោះ គិតត្រឹមប៉ុន្មានម៉ោងដំបូង នៃការប្រកាសជាផ្លូវការ ថា Messi ជាកីឡាករដែលពាក់អាវស្លាកលេខ ៣០ថ្មី របស់ PSG៕
ប្រភព៖: Mirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]