អ៊ីតាលី៖ នៅពេលដែលភ្នំភ្លើង Vesuvius បានផ្ទុះកាលពីជិត២,០០០ឆ្នាំមុន អ្នកស្រុកបុរាណរបស់ទីក្រុង Pompeii ត្រូវបានជាប់គាំងនៅនឹងកន្លែងដោយផេះ ក្នុងនោះក៏រួមមានសត្វអណ្ដើកកំពុងមានពងក្នុងពោះដែរ។ បុរាណវិទូបានរកឃើញអដ្ឋិធាតុរបស់សត្វល្មួននេះ កប់នៅក្រោមផេះនិងថ្ម ដែលជាកន្លែងដែលគេមិនបានរកឃើញ តាំងពីឆ្នាំ៧៩នៃគ.ស.។
អណ្ដើកនេះកំពុងជ្រកក្រោមអាគារ ដែលត្រូវបានបំផ្លាញរួចហើយ នៅពេលគ្រោះមហន្តរាយភ្នំភ្លើងបានបំផ្លិចបំផ្លាញ។ បុរាណវិទូបានរកឃើញអដ្ឋិធាតុ ខណៈកំពុងជីកកកាយតំបន់មួយនៃទីក្រុង ដែលប្រជាជនបុរាណបាននិងកំពុងសាងសង់ឡើងវិញ បន្ទាប់ពីការរញ្ជួយដីមុននេះ ដែលបានបំផ្លិចបំផ្លាញទីក្រុង Pompeii ក្នុងឆ្នាំ៦២នៃគ.ស.។ ប្រហែល២,០០០ឆ្នាំមុន អណ្ដើកទំហំ១៤សង់ទីម៉ែត្រ បានកាយរន្ធនៅក្រោមដីតូចមួយ នៅខាងក្រោមហាងមួយ ដែលត្រូវបានបំផ្លាញនៅក្នុងការរញ្ជួយដីពីមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកជំនាញនិយាយថា ការពិត វាត្រូវបានគេរកឃើញជាមួយនឹងស៊ុតមួយ បង្ហាញថាវាត្រូវបានបាត់បង់ជីវិត ខណៈពេលដែលព្យាយាមស្វែងរកកន្លែងណាមួយដែលមានសុវត្ថិភាព ដើម្បីដាក់កូនៗរបស់វា។ លទ្ធភាពទំនងជាងនេះគឺថា សត្វអណ្ដើកនេះមកកពីតំបន់ជនបទនៅក្បែរនេះ ដែលបានវង្វេងចូលទៅក្នុងទីក្រុងបុរាណ។ អ្នកជំនាញនិយាយថា ការរកឃើញនេះបង្ហាញពីភាពសម្បូរបែបនៃប្រព័ន្ធអេកូឡូស៊ីធម្មជាតិរបស់ Pompeii ក្នុងរយៈពេលបន្ទាប់ពីការរញ្ជួយដី៕
ប្រភព: BBC
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]