កម្សាន្ត៖ ឆ្នេរសមុទ្រ ជាកន្លែងដ៏បរិសុទ្ធមួយ ដែលគ្រប់គ្នាប្រាថ្នាចង់ទៅលេង ទៅលំហែ ដើម្បីដកដង្ហើមស្រូបយកបរិយាកាសធម្មជាតិទាំងនោះឲ្យបានរំសាយទុក្ខកង្វល់។ ហើយក្នុងនោះផងដែរ គ្រប់គ្នា តែងតែស្វែងរកឆ្នេរណាមួយដែលល្អទាំងបរិយាកាស និងទិដ្ឋភាពដ៏ស្រស់ស្អាតរបស់ឆ្នេរផងដែរ។
ដូច្នេះ ខាងក្រោមនេះ យើងនឹងលើកយកឆ្នេរដែលគេស្គាល់ថាជាឋានសួគ៌នៅលើផែនដី និងស្អាតបំផុតលើលោកជាមួយនឹងទេសភាពដូចគំនូរ មកបង្ហាញ ដែលមាននៅក្នុងប្រទេសទាំងនេះ៕
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១.Navagio Bay ដែលត្រូវបានគេស្គាល់ថា Shipwreck Cove នៅប្រទេសក្រិក
គឺជាឆ្នេរដាច់ស្រយាលមួយនៅលើកោះ Zakynthos ដែលមានទីតាំងនៅផ្នែកខាងលិចនៃកោះ Ionian ក្បែរភូមិ Anafotiria ប្រទេសក្រិក។ វាមានភាពល្បីល្បាញដោយសារច្រាំងថ្មកំបោរដ៏ធំល្វឹងល្វើយ ជុំវិញឆ្នេរខ្សាច់ស និងទឹកពណ៌ខៀវថ្លា ដែលទាក់ទាញអ្នកទេសចរមកពីជុំវិញពិភពលោកឲ្យកោតសរសើរ។ រូបថត៖ wallpaperflare
២.ឆ្នេរត្រូពិច Anse Source d'Argent លាតសន្ធឹងតាមបណ្តោយកោះ La Digue
នេះគឺជាកោះមួយក្នុងចំណោមកោះចំនួន ១១៥ នៅក្នុងប្រជុំកោះ Seychelles ដែលជាប្រទេសមួយស្ថិតនៅកណ្តាលមហាសមុទ្រឥណ្ឌា ចម្ងាយ ១៥០០ គីឡូម៉ែត្រភាគអាគ្នេយ៍នៃទ្វីបអាហ្វ្រិក។ ជាមួយនឹងចំនួនប្រជាជនត្រឹមតែ ២,០០០ នាក់ប៉ុណ្ណោះ កោះ La Digue នៅតែជាជម្រកដ៏មានតម្លៃ និងជាជម្រកនៃប្រភេទសត្វកម្រជាច្រើន។ រូបថត៖ mybestplace.com
៣.កោះម៉ាល់ឌីវ
ស្ថិតនៅភាគខាងត្បូងនៃប្រជុំកោះ Lakshadweep នៃប្រទេសឥណ្ឌា ប្រហែល ៧០០ គីឡូម៉ែត្រ ភាគនិរតីនៃប្រទេសស្រីលង្កា។ កន្លែងនេះត្រូវបានគេស្គាល់ថាជាឋានសួគ៌សមុទ្រព្រោះវាមានកោះផ្កាថ្មប្រហែល១,២០០ នៅកណ្តាលមហាសមុទ្រឥណ្ឌា។ កោះនៅទីនេះសុទ្ធតែមានឆ្នេរស្អាតៗ ដែលភាគច្រើនជាកោះដែលស្អាតបំផុតក្នុងពិភពលោក។ រូបថត៖ luxurylifestyleawards
៤.ឆ្នេរ Hanelei Bay មានទីតាំងនៅភាគខាងជើងនៃកោះ Kauai ហាវ៉ៃ
នេះជាឆ្នេរខ្សាច់រាងជាដំបូលដ៏ធំព័ទ្ធជុំវិញដោយភ្នំខ្ពស់ៗ និងដើមត្នោត។ ឆ្នេរនេះមានប្រវែងប្រហែល ៣ គីឡូម៉ែត្រ ទទឹង ៣៨ ម៉ែត្រ និងមានព្រំប្រទល់ជាប់ទន្លេ Hanalei នៅខាងលិច និងទន្លេ Waipa នៅខាងកើត។ បាតសមុទ្រមិនជ្រៅពេកទេ ដូច្នេះវាស័ក្តិសមសម្រាប់អ្នកដែលទើបនឹងចេះមុជទឹក។ រូបថត៖ Chris Norman
៥.ឆ្នេរ Virgin Gorda
គឺជាកោះ Caribbean នៅកោះ British Virgin។ កន្លែងនេះត្រូវបានគេស្គាល់ថាជាផ្ទាំងថ្មនៅមាត់សមុទ្របង្កើតជាអាងទឹកគ្មានទីកំណត់ និងល្អាងលិចទឹកសមុទ្រ។ រូបថត៖ red savannah
៦.ឆ្នេរ Ora ក្នុងប្រទេសឥណ្ឌូនេស៊ី
មានភាពល្បីល្បាញដោយសារថ្មប៉ប្រះទឹក និងផ្កាថ្ម។ កន្លែងនេះមានទីតាំងនៅកោះ Seram, Maluku ត្រូវបានគេស្គាល់ថាសម្រាប់ភាពស្ងប់ស្ងាត់ និងទឹកថ្លាដែលលាក់ថ្មប៉ប្រះទឹកដ៏អស្ចារ្យ និងត្រីកម្រ។ ភ្នំជុំវិញឆ្នេរដ៏បរិសុទ្ធ ជាមួយនឹងរមណីយដ្ឋានជាច្រើននៅលើសមុទ្រ។ រូបថត៖ ទេសចរណ៍ឥណ្ឌូនេស៊ី
៧.ប្រជុំកោះ Whitsunday
គឺជាបណ្តុំនៃកោះធំ និងតូចចំនួន ៧៤ ផ្សេងគ្នានៅឆ្នេរសមុទ្រកណ្តាលនៃរដ្ឋ Queensland ប្រទេសអូស្ត្រាលី និងនៅក្នុងតំបន់នៃភាពអស្ចារ្យនៃពិភពលោក។ មានថ្មប៉ប្រះទឹក ផ្កាថ្មយក្ស Great Barrier Breef។ មានទីតាំងបុរាណវិទ្យាចំណាស់បំផុតមួយចំនួន នៅឆ្នេរខាងកើតនៃប្រទេសអូស្ត្រាលី។ កោះចំនួនប្រាំក្នុងចំណោមកោះទាំង ៧៤ មានរមណីយដ្ឋាន ប៉ុន្តែភាគច្រើនគ្មានមនុស្សរស់នៅទេ។ រូបថត៖ royalyachtinternational.com
៨.Tikehau ឬ Porutu-kai
គឺជាអាតូលមួយនៅក្នុងប្រជុំកោះ Palliser ដែលជាផ្នែកមួយនៃប្រជុំកោះ Tuamotu ក្នុងប៉ូលីនេស៊ីបារាំង។ អាតូលត្រូវបានបង្កើតឡើងដោយកោះធំពីរ និងកោះតូចៗជាច្រើន។ ទេសភាពដ៏ស្រស់ស្អាតនៅទីនេះត្រូវបានប្រដូចទៅនឹងផ្ទាំងគំនូរដែលមានដើមត្នោតតូចៗ ខ្សាច់ពណ៌ស សមុទ្រពណ៌ខៀវខ្ចី ផ្កាថ្ម និងត្រីត្រូពិច។ រូបថត៖ Fafarua Lodge
៩.ឆ្នេរ Byron Bay
គឺជាទីក្រុងឆ្នេរសមុទ្រមួយនៅភាគអាគ្នេយ៍នៃប្រទេសអូស្ត្រាលី ក្នុងរដ្ឋ New South Wales។ ដោយមានឆ្នេរសមុទ្រដ៏ស្អាតមួយ កន្លែងនេះបានក្លាយជារមណីយដ្ឋានដ៏ល្បីមួយ កន្លែងជិះស្គី និងមុជទឹក។ រូបថត៖ RTW Backpackers
១០.Cabo San Lucas Arch
គឺជាទម្រង់ថ្មដ៏ប្លែកមួយនៅចុងខាងត្បូងនៃ Cabo San Lucas ដែលមានទីតាំងនៅចុងខាងត្បូងបំផុតនៃឧបទ្វីប Baja California ប្រទេសម៉ិកស៊ិក។ ជាមួយនឹងការពេញចិត្តនៃធម្មជាតិ ឆ្នេរនេះមានទេសភាពធម្មជាតិដ៏អស្ចារ្យនៃភ្នំថ្មខ្ពស់ ខ្សាច់រលោង សមុទ្រពណ៌ខៀវត្រជាក់ និងមេឃដែលមានពន្លឺថ្ងៃ ។
ប្រភព៖ zingnews.vn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យុវវ័យ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]