នៅតែខ្លាំង! ជើងឯកបរិភោគនំបុ័ងហត់ដក ច្រើនជាងគេក្នុងរយៈពេល១០នាទី ឈ្នះតំណែងម្ដងទៀត

អាមេរិក៖ បុរសម្នាក់ ដែលមានសមត្ថភាពខ្ពស់ក្នុងការបរិភោគបានច្រើន បានយកឈ្នះក្នុងការប្រកួតប្រជែងបរិភោគនំបុ័ងហត់ដកដ៏ល្បី កាលពីថ្ងៃទី០៤ ខែកក្កដា ឆ្នាំ២០២២កន្លងទៅ នៅឯទីក្រុងញូវយ៉ក នៃសហរដ្ឋអាមេរិក ដែលការឈ្នះលើកនេះ ជាលើកទី១៥របស់គាត់ហើយ។

ជាក់ស្ដែង លោក Joey Chestnut បានបញ្ចប់ការបរិភោគនំបុ័ងជាមួយហត់ដកចំនួន៦៣ដើម ក្នុងរយៈពេល១០នាទី។ ហើយគាត់បានចូលរួមប្រកួត ទាំងដែលខ្លួនផ្ទាល់កំពុងស្បែកជើង.វះ.កា.ត់. ដោយសារ.រ.បួ.ស.ជើង ប៉ុន្ដែមិនមែនជាបញ្ហាសម្រាប់គាត់ឡើយ បើទោះបីជាមានការ.ឈឺ.ចា.ប់.បន្ដិចបន្ដួចក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ចំពោះកំណត់ត្រារបស់គាត់កាលពីមុន គឺគាត់អាចបរិភោគនំបុ័ងជាមួយហត់ដកបានចំនួន៧៦ដើមឯណោះ ក្នុងរយៈពេល១០នាទី។ ហើយការប្រកួតប្រជែងនេះដែរ ត្រូវបានខកខានប្រារព្ធធ្វើឡើងអស់រយៈពេលពីរឆ្នាំមកហើយ ដែលមូលហេតុមកពីជំងឺរាតត្បាតកូវីដ-១៩។

យ៉ាងណាមិញ អ្នកដែលទទួលជ័យលាភីលេខ២ បានបរិភោគនំបុ័ងជាមួយហត់ដកចំនួន៤៨ដើម និងជ័យលាភីលេខ៣ ចំនួន៤១ដើមផងដែរ៕

ប្រភព: sportingnews

សូមទស្សនារូបភាពខាងក្រោម៖

• រូបភាព