អាមេរិក៖ បុរសម្នាក់អាយុ៥៤ឆ្នាំ និងជាបុគ្គលិករបស់ហាងប៊ឺហ្គឺរដ៏ល្បីល្បាញមួយកន្លែង ប្រចាំទីក្រុងឡាសវេហ្គាស នៃសហរដ្ឋអាមេរិក បានទទួលការចាប់អារម្មណ៍ជាខ្លាំង កាលពីខែមិថុនា ឆ្នាំ២០២២កន្លងទៅនេះ ក្រោយពីមានវីដេអូឃ្លីប បង្ហាញឲ្យឃើញពីរូបគាត់ បានទទួលនូវកាបូបកាដូមួយ ដែលខាងក្នុងមានដូចជាសំបុត្រកុន ប៊ិចពីរបីដើម និងស្ករគ្រាប់ជាដើម។
ជាក់ស្ដែង លោក Kevin Ford បានទទួលកាបូបកាដូលើកទឹកចិត្ត ពីកន្លែងធ្វើការរបស់គាត់ផ្ទាល់តែម្ដង ដោយសារគាត់បានធ្វើការអស់រយៈពេល២៧ឆ្នាំ តែមិនដែលខកខានមួយថ្ងៃណាសោះឡើយ។ ហើយបន្ទាប់មក កូនស្រីរបស់គាត់ បានយករឿងរ៉ាវ បង្ហោះនៅលើវេបសាយរៃអង្គាស GoFundMe សម្រាប់ការប្ដេជ្ញាចិត្តក្នុងការបម្រើការងារ ដែលជាលទ្ធផលគិតត្រឹមថ្ងៃព្រហស្បតិ៍សប្ដាហ៍នេះ គឺបានទទួលទឹកប្រាក់បរិច្ចាគចំនួន៣៧០,០០០ដុល្លារអាមេរិកឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង គាត់មានអារម្មណ៍សប្បាយរីករាយជាខ្លាំង និងនឹកស្មានមិនដល់ទេ ខណៈគិតថា វាហាក់បីដូចជាសុបិនដ៏ល្អមួយអីចឹង។ ហើយចំពោះកាបូបកាដូវិញ ដែលគាត់ទទួលបានពីកន្លែងធ្វើការ បើទោះបីវាជាអ្វីក៏ដោយ ក៏គាត់ពេញចិត្តក្នុងការទទួលយក ព្រោះបុគ្គលិកយូរឆ្នាំដទៃទៀត មិនទទួលបានដូចគាត់ផងដែរ។ យ៉ាងណាមិញ ឥឡូវនេះ គាត់គ្មានគម្រោងនឹងចូលនិវត្ដន៍ឡើយ និងចង់បម្រើការងារឲ្យបាន៣ ទៅ៤ឆ្នាំទៀត។ ហើយគាត់ក៏មានគម្រោងទៅសួនសុខទុក្ខកូនៗ ដែលរស់នៅក្នុងរដ្ឋតិចសាស់ នៃសហរដ្ឋអាមេរិក នាខែសីហាខាងមុខនេះ៕
ប្រភព: Daily Mail
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]