ឥណ្ឌា៖ លោកយាយម្នាក់អាយុ១០៥ឆ្នាំ មកពីរដ្ឋ Haryana នៃប្រទេសឥណ្ឌា បានចូលរួមការប្រកួតកីឡាអត្តពលកម្ម National Open Masters Championships សម្រាប់វិញ្ញាសារត់ប្រណាំងចម្ងាយ១០០ម៉ែត្រ ដែលបានធ្វើឲ្យគាត់ឈ្នះមេដាយមាស បន្ទាប់ពីបញ្ចប់ក្នុងរយៈពេល៤៥.៥០វិនាទី។
ជាក់ស្ដែង លោកយាយ Rambai បានកើតនៅថ្ងៃទី០១ ខែមករា ឆ្នាំ១៩១៧ និងបានរត់ប្រណាំងតែម្នាក់ឯងប៉ុណ្ណោះកាលពីការប្រកួត ដែលប្រារព្ធធ្វើឡើងចុងខែមិថុនាកន្លងទៅ ដោយសារតែមិនមាននរណាផ្សេងទៀត មានអាយុលើសពី៨៥ឆ្នាំចូលរួមការប្រកួតប្រជែងឡើយ។ ហើយការរត់ប្រណាំងមួយទៀត មានចម្ងាយ២០០ម៉ែត្រ ដែលគាត់បានបញ្ចប់ក្នុងរយៈពេល១នាទី និង៥២.១៧វិនាទីផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះកំណត់ត្រារបស់គាត់ផ្ទាល់ បានយកឈ្នះលើកំណត់ត្រារបស់លោកយាយអាយុ១០១ឆ្នាំម្នាក់ ដែលបញ្ចប់ការរត់ប្រណាំងក្នុងរយៈពេល៧៤វិនាទីឯណោះ។
តួយ៉ាង បើនិយាយពីសុខភាពរបស់លោកយាយ ហាក់មានភាពមាំមួនជាខ្លាំង ដែលជាធម្មតា គាត់ តែងតែពិសាទឹកដោះគោស្រស់៥០០មីលីលីត្រចំនួនពីរដងក្នុងមួយថ្ងៃ ពិសាម្ហូបបួសសុទ្ធ ធ្វើការលើវាលស្រែនិងរត់ចម្ងាយ៣ ទៅ៤គីឡូម៉ែត្រក្នុងមួយថ្ងៃ រួមទាំងមិនពិសាបាយច្រើនៗឡើយ។
យ៉ាងណាមិញ ក្រោយពីទទួលបានភាពជោគជ័យរួចមក លោកយាយដ៏រឹងមាំខាងលើ មានការចាប់អារម្មណ៍លើការប្រកួតអន្តរជាតិ និងគ្រោងធ្វើការស្នើសុំលិខិតឆ្លងដែនផងដែរ៕
ប្រភព: timesofindia
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]