ប្រទះឃើញ ដានជើងក្រុមមនុស្ស អាយុកាលជាង១២,០០០ឆ្នាំ នៅវាលខ្សាច់របស់អាមេរិក

អាមេរិក៖ ដានជើង របស់ក្រុមមនុស្សមួយក្រុម ប្រហែល៨៨នាក់ ត្រូវបានរកឃើញនៅលើវាលខ្សាច់ Great Salt Lake desert ក្នុងរដ្ឋ Utah នៃសហរដ្ឋអាមេរិក និងត្រូវបានជឿថា មានអាយុកាលជាង១២,០០០ឆ្នាំមុន។

ជាក់ស្ដែង ក្រុមអ្នកស្រាវជ្រាវដែលដឹកនាំដោយសាកលវិទ្យាល័យ Cornell បានកំណត់ថា ដានជើងទាំងអស់នេះ ជារបស់មនុស្សអាយុចាប់ពី៥ឆ្នាំ ដល់១២ឆ្នាំ ដែលកំពុងដើរឆ្លងកាត់ទឹករាក់ ក្នុងអំឡុងយុគសម័យទឹកកក។ ហើយដានជើងទាំងនេះ ត្រូវបានបំពេញដោយខ្សាច់ ប៉ុន្តែភក់នៅខាងក្រោមបានរក្សាការបង្កើត ដោយសារដីខ្សាច់មានជាតិសំណើមច្រើនជាងដីល្បាប់ដែលនៅជុំវិញ ដូច្នេះនាពេលមានទឹកគ្រប់គ្រាន់ក្នុងដី ដានជើងនឹងកាន់តែបង្ហាញច្បាស់លើផ្ទៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ដានជើងបុរាណទាំងនេះ លេចឡើងនៅពេលដែលមានទឹកគ្រប់គ្រាន់ក្នុងដីប៉ុណ្ណោះ ប៉ុន្តែក្រោយមកក៏បាត់ទៅវិញនៅពេលដែលតំបន់ស្ងួតម្តងទៀត។ ហើយក្រុមស្រាវជ្រាវ ក៏បានរកឃើញរណ្តៅភ្លើងចំហរចំនួនពីរ និងភស្តុតាងនៃការប្រើប្រាស់ថ្នាំជក់ដំបូងបំផុតរបស់មនុស្ស ដែលមានចម្ងាយត្រឹមតែកន្លះម៉ាយ៍ផងដែរ៕

ប្រភព: Daily Mail

សូមទស្សនារូបភាពខាងក្រោម៖

• រូបភាព