ជប៉ុន៖ ភោជនីយដ្ឋានមួយកន្លែង មានទីតាំងស្ថិតនៅទីក្រុង Ota នៃខេត្ត Gunma របស់ប្រទេសជប៉ុន កំពុងទទួលបានការចាប់អារម្មណ៍ និងល្បីល្បាញជាខ្លាំង ព្រោះតែសរសៃគុយទាវសំប៉ែត ត្រូវបានធ្វើឡើង ដោយមានអក្សរបាលីជប៉ុន នៅពីលើ ដែលអ្នកទទួលទាន អាចរីករាយក្នុងការបរិភោគបណ្ដើរ និងអានបណ្ដើរផងដែរ។
ជាក់ស្ដែង Nittanosho Kanzantei គឺជាភោជនីយដ្ឋានដ៏តូចមួយរបស់ទីក្រុង ប៉ុន្ដែគុយទាវ ស័ក្តិសិទ្ធបានទាក់ទាញភ្ញៀវជាច្រើន ខណៈវាមិនមែនជាមុខម្ហូប នៅក្នុងម៉ឺនុយឡើយ។ ហើយវាគ្រាន់តែជាការធ្វើឡើងសម្រាប់ទទួលទានតាមផ្ទះ និងជាអំណោចចែកជូនប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង គុយទាវនេះ មានរាងសំប៉ែត ជាមួយនឹងសរសៃក្រាស់ៗ និងត្រូវបានព្រីនអក្សរបាលីជប៉ុនធំៗនៅលើ ដែលអក្សរផ្ទាល់ពុម្ភដូចជាអក្សរផ្ចង់អីចឹង និងផលិតឡើងពីគ្រឿងផ្សំអាចបរិភោគបាន ដោយអ្នកទទួលទានមិនចាំបាច់ភ័យខ្លាចក្នុងការប៉ះពាល់សុខភាពទេ។ ហើយអក្សរនឹងនៅជាប់សរសៃគុយទាវដដែល បើទោះបីជាវាត្រូវបានចម្អិនយ៉ាងល្អក៏ដោយ។
ទន្ទឹមនឹងនេះ វាត្រូវបានផលិតឡើងជាកញ្ចក់ៗ ដោយក្នុងមួយកញ្ចប់ មានអក្សរបាលីជប៉ុនចំនួន២៦០តួនៅលើសរសៃគុយទាវ។ ហើយវាអាច បរិភោគជាមួយនឹងបន្លែតាមរដូវ និងស្ងោរឲ្យឆ្អិនដូចជាស្ពៃក្ដោប ការ៉ុត ខ្ទឹមបារាំង និងត្រាវជាដើម។
យ៉ាងណាមិញ គុយទាវអក្សរបាលីនេះ មានលក់នៅតែក្នុងខេត្ត Gunma ប៉ុណ្ណោះ ដោយភ្ជាប់ជាមួយនឹងគ្រឿងបន្ថែមរសជាតិក្នុងកញ្ចប់ជាស្រេច។ ហើយក្នុងមួយកញ្ចប់មានតម្លៃ១,៦២០យេន (ប្រមាណ១១,៣៧ដុល្លារអាមេរិក)៕
ប្រភព: Odditycentral
សូមទស្សនារូបភាពនិងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]