កម្សាន្ត៖ ថ្មីៗនេះ តារាចម្រៀង IU បានរៀបចំការប្រគុំតន្ត្រីដ៏អស្ចារ្យមួយដើម្បីអបអរខួបលើកទី ១៤ នៃការប្រឡូកសិល្បៈរបស់នាង។ ហើយ IU បានបង្កើតកំណត់ត្រាក្នុងប្រវត្តិសាស្ត្រ ជាតារាស្រីកូរ៉េដំបូងគេដែលបានប្រគំុំតន្ត្រីនៅពហុកីឡដ្ឋាន Jamsil Olympic។
ពិតណាស់ ជាមួយជីវិតសិល្បៈទទួលបានជោគជ័យតាំងពីបើកក្បាលដំបូងរហូតមកដល់ពេលនេះ ប្រហែលជាគ្រប់គ្នាគិតថា IU មានជីវិតគាប់ប្រសើរ រស់នៅត្រកូលគ្រួសារដែលមានភាពសុខស្រួលហើយមើលទៅ។ ប៉ុន្តែផ្ទុយទៅវិញ ជីវិតរបស់នាងកាលពីក្មេង ពិតជាលំបាកយ៉ាងនឹកស្មានមិនដល់។
តាមពិតទៅ IU មានកុមារភាពដ៏លំបាកមួយ បន្ទាប់ពីគ្រួសាររបស់នាងបានក្ស័យធនក្នុងរបររកស៊ី។ តារាចម្រៀងរូបនេះ នៅពេលនោះ ត្រូវរស់នៅជាមួយគ្រួសាររបស់នាងនៅក្នុងបន្ទប់ដ៏តូចមួយ។ ដោយសារតែបំណុលដ៏ច្រើន ម្តាយរបស់ IU បានបញ្ជូននាង និងប្អូនប្រុសរបស់នាងទៅស្រុកកំណើត ដើម្បីរស់នៅជាមួយជីដូនរបស់នាង។
ពេលបង្ហាញខ្លួនក្នុងកម្មវិធីមួយ IU បានបង្ហាញបន្ទប់តូចដែលគ្រួសារនាងធ្លាប់ស្នាក់នៅបន្ទាប់ពីក្ស័យធន។ នាងបានរៀបរាប់ថា ជាបន្ទប់ចង្អៀតមួយ គ្រួសារទាំងមូលមិនដែលមានអាហារហូបគ្រប់គ្រាន់នោះទេ។ គ្រួសារទាំងមូលថែមទាំងរស់នៅពឹងលើលុយជីដូនរបស់នាង ដែលរកបានពីការលក់គ្រឿងតុបតែងសក់នៅផ្សារ។ មិនត្រឹមតែប៉ុណ្ណោះ IU កម្របានជួប ឬនិយាយជាមួយឪពុកម្ដាយរបស់នាងនាពេលនោះណាស់។ ដោយសារតែបែបនេះ រាល់ពេលដែលនាងមានអារម្មណ៍ឯកា IU លួងខ្លួនឯងថានាងនៅមានជីដូនម្នាក់ដែរ។
ចូលមកដល់ជំហានសិល្បៈ ថ្វីត្បិតតែសមត្ថភាពច្រៀងពីធម្មជាតិរបស់នាងមានក៏ដោយ ប៉ុន្តែ IU នៅតែត្រូវឆ្លងកាត់ការហ្វឹកហាត់ដ៏លំបាកមួយ។ នៅអាយុ ១៤ ឆ្នាំ នាងត្រូវទៅនេះទៅនោះគ្រប់ទីកន្លែងដោយខ្លួនឯង ដើម្បីស្វែងរកការប្រកួតប្រជែង។ មុននឹងក្លាយជាតារាល្បីដូចសព្វថ្ងៃ IU ត្រូវបានគេច្រានចោលក្នុងការប្រកួតទាំងធំទាំងតូចចំនួន ២០ដង។ មិនត្រឹមតែប៉ុណ្ណោះ តារាចម្រៀងស្រីរូបនេះ ក៏ត្រូវបានក្រុមហ៊ុនមួយចំនួនបោកប្រាស់ ជាមួយនឹងការសន្សំប្រាក់របស់នាងទាំងអស់ផងដែរ។ នាងនិយាយថា ជាធម្មតានៅពេលដែលក្រុមហ៊ុនកម្សាន្តមួយចំនួនសុំឲ្យសិក្ខាកាមបង់លុយឲ្យពួកគេហ្វឹកហាត់នោះគឺជាការបោកប្រាស់ប៉ុណ្ណោះ៕
ប្រភព៖ kenh14
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យុវវ័យ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
