អង់គ្លេស៖ ខ្សែការពារ Phil Jones ទំនងជាមិនបានចូលលេងឲ្យក្រុមបិសាចក្រហម Manchester United ទៀតនោះឡើយ នេះបើយោងតាមការរាយការណ៍ពី ESPN ។
Jones ជាកីឡាករដែលត្រូវបានគេបំភ្លេចចោលដោយគេបានអវត្តមានតាំងពីការប្រកួតទល់នឹង Liverpool នាខែមេសាមកម៉្លេះ គឺកំលុងពេលលោក Ralf Rangnick ដឹកនាំដោយសារបានរបួស។
Phil Jones ក៏ពុំមានឈ្មោះក្នុងក្រុម Manchester United ក្នុងការប្រកួតរដូវកាលថ្មីនៅ Premier League នេះដែរដូច្នេះគេពុំអាចចូលលេងនៅក្នុងក្របខណ្ឌនេះបានទេ។
យ៉ាងណាមិញ Jones នៅតែមានឱកាសអាចត្រូវបញ្ចូលឈ្មោះនៅកំលុងខែមករាឆ្នាំ២០២៣ខាងមុខប៉ុន្តែគេសង្ស័យថាកីឡាករសញ្ជាតិអង់គ្លេសរូបនេះអាចនឹងមិនបានបង្ហាញខ្លួនឲ្យ Manchester United ទៀតទេព្រោះនៅរងរបួស។
កុងត្រារបស់ Jones នឹងអស់សុពុលភាពនៅខែមិថុនាឆ្នាំ២០២៣ខាងមុខហើយ Man UTD ទំនងជាមិនបន្តកុងត្រាដល់គេទៀតនោះឡើយ៕
ប្រភព៖: sportskeeda
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
