បរទេស៖ តម្លៃរបស់ទូរសព្ទ Pixel 7 និង 7 Pro ឥឡូវនេះត្រូវបានលេចធ្លាយ ចេញពីអ្នកលក់រាយនៅក្នុងសហរដ្ឋអាមេរិក ហើយវាមិនមានការផ្លាស់ប្ដូរ ពីស្មាតហ្វូនកាលពីឆ្នាំមុនទេ។ យោងតាម លោក Artem Russakovskii នៅលើបណ្ដាញសង្គម Twitter បានឲ្យដឹងថា ប្រព័ន្ធខាងក្នុងរបស់ហាង Target បានចុះបញ្ជីរួចហើយ នូវទូរសព្ទរបស់ Google ដែលនឹងមកដល់នាពេលខាងមុខនេះ។
ម៉ូឌែល Pixel 7 នឹងមកជាមួយជម្រើសពណ៌ដូចជា Snow (ស), Obsidian (ខ្មៅ), និង Lemongrass (បៃតង) ដោយចាប់ផ្ដើមពីតម្លៃ $599 ដែលគេសន្មត់ថាជាម៉ូឌែល 128GB។ ទន្ទឹមនឹងនេះដែរ Pixel 7 Pro មកជាមួយពណ៌ Obsidian, Snow, និង Hazel (បៃតង) ចាប់ផ្ដើមពីតម្លៃ $899។ តម្លៃគឺមិនខុសពីឆ្នាំមុន ដែលស័ក្ដិសមសម្រាប់ទូរសព្ទដែលមានរូបរាងដូចគ្នា ហើយមិនមានផ្នែកខាងក្នុងខុសគ្នាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមពាក្យចចាមអារ៉ាមផ្សេងៗទៀតបានឲ្យដឹងថា កាលបរិច្ឆេទចាប់ផ្ដើមនៃការបើកកម្ម៉ង់ទុកមុន គឺនៅថ្ងៃព្រហស្បតិ៍ ទី6 ខែតុលា ដែលនៅថ្ងៃតែមួយជាមួយនឹងព្រឹត្តិការប្រកាសបង្ហាញ Made by Google ហើយកាលបរិច្ឆេទដាក់លក់បច្ចុប្បន្ន នៅតែស្ថិតនៅក្នុងបញ្ជី ថ្ងៃទី13 ខែតុលា៕
Pixel 7 Pro, codenamed Cheetah, will cost $899, available in Obsidian, Hazel, and Snow colors. pic.twitter.com/sNhZzuEJxT
— Artem Russakovskii 🇺🇦 (@ArtemR) September 22, 2022
ប្រភព: 9to5Google
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
