តើមនុស្សដែលមានលក្ខណៈ Sensing និង Intuition គឺជាមនុស្សបែបណា? និងធ្វើការសម្គាល់បែបណា?
១. Sensing
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSensing គឺជាមនុស្សដែលមានចំណូលចិត្ត បែបពិតប្រាកដជាក់ស្តែង ជាមនុស្សដែលចូលចិត្តដោះស្រាយបញ្ហាជាមួយនឹងការពិត តាមរយ: ព័ត៌មានលម្អិតដែលទទួលបាន មនុស្សប្រភេទនេះ រីករាយក្នុងការស្វែងយល់ពីស្ថានភាពអ្វីមួយដែលកើតឡើង ពួកគេតាមដាន និងមានទំនាក់ទំនងព័ត៌មានជាជំហានៗ និងពេញចិត្តចំពោះតម្លៃនៃភាពប្រាកដនិយម និងសុភវិនិច្ឆ័យ។
២. Intuition
Intuition គឺជាប្រភេទមនុស្ស ដែលមានចំណូលចិត្តអ្វីៗបែបអរូបី និងទ្រឹស្តី ពួកគេខ្វល់ខ្វាយអំពីអនាគតច្រើនជាងបច្ចុប្បន្ន ហើយគ្រោងនឹងផ្លាស់ប្តូរពិភពលោក ដោយការស្រមើស្រម៉ៃបែបអរូប ជាជាងរស់នៅដោយសាមញ្ញ មនុស្សប្រភេទនេះភាគច្រើន រៀងច្របូលច្របល់ និងពិបាកយល់បន្តិច ទៅតាមទម្លាប់នៃការរស់នៅរបស់ពួកគេ។
ភាពខុសគ្នារវាង មនុស្ស Sensing និង Intuition
Sensing រឺ ភាពជាក់ស្តែង
• ជាមនុស្សចូលចិត្ត ចង់ដឹងការពិត
• ចូលចិត្តស្វែងរកមើល ភាពពិតជាក់លាក់
• ទទួលយកវិធីសាស្រ្ត ជាក់ស្តែង ជាជាងគ្រាន់តែការនិយាយ
• ផ្តោតលើបច្ចុប្បន្ន ជាជាងអនាគត
• តែងតែធានាថា អ្វីៗគឺដំណើរការក្នុងការអនុវត្ត នៃគម្រោងពិតជាក់ស្តែង
• តែងតែប្រមូលការស៊ើបសង្កេត និងគិតអំពីសកម្មភាព។
Intuition រឺ ការស្រមើស្រម៉ៃ
• ចូលចិត្តស្វែងរកគំនិតថ្មីៗ
• មិនចូលចិត្តផ្តោតលើអ្វីមួយសំខាន់ ចូលចិត្តមើលពិភពលោកបែបទូលំទូលាយ
• ចូលចិត្ត យកការស្រមើលស្រមៃ មកនិយាយ និងវិភាគ
• មិនផ្តោតលើបច្ចុប្បន្ន ចូលចិត្តគិតទុកជាមុន អំពីអនាគត
• តែងតែធានាថា អ្វីៗដំណើរការតាមទ្រឹស្តី ដែលបានចារទុក
• តែងតែប្រើក្របខណ្ឌតាមការគិត គំនិត ជាជាងមើលលើសកម្មភាពជាក់ស្តែង។
ប្រសិនបើអ្នកចង់ដឹងថា អ្នកគឺជាមនុស្សប្រភេទ Sensing រឺ Intuition នោះ ចូរពិចារណាស្ថានភាពខាងក្រោម ៖
១. តើអ្នកចូលចិត្តធ្វើ និងមើលសកម្មភាពជាក់ស្តែង ឬអានពីទ្រឹស្តីដែលគេចងក្រងទុក?
២. តើអ្នកចូលចិត្តទៅរៀនអ្វីថ្មីៗ ដោយរបៀបណា?
៣. តើអ្នកត្រូវការព័ត៌មានអ្វីខ្លះ នៅពេលដែលអ្នកចង់ទិញអ្វីមួយ?
៤. តើអ្នកចូលចិត្តការពិតជាក់ស្តែង ឬការស្រមើស្រមៃ?
៥. តើចូលចិត្តមើលការណែនាំប្រភេទណា ជាការល្អសម្រាប់អ្នក?
ប្រភព : Internet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យុវវ័យ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]