ចិន៖ ទូរសព្ទ iQOO 11 និង iQOO 11 Pro ចេញជាផ្លូវការហើយ ដែលពួកវាមើលទៅស្រដៀងគ្នា។ ពួកវាទាំងពីរមានអេក្រង់ Samsung E6 AMOLED ទំហំ6.78អ៊ីញ, កម្រិតភាពច្បាស់ 1440 x 3200 ភិចសែល, ជាមួយនឹងល្បឿន 144Hz refresh rate, ពណ៌ 1B, និងគាំទ្រ HDR10+។ ពួកវាទាំងពីរក៏ប្រើប្រាស់ឈីប 4nm Snapdragon 8 Gen 2 រួមផ្សំរ៉េម 8GB, 12GB, ឬ 16GB។ មួយគូនេះក៏នាំមកនូវប្រភេទទំហំផ្ទុក UFS 4.0 ជំនាន់ថ្មីផងដែរ។
កាមេរ៉ាមានភាពខុសគ្នាបន្តិច រវាង iQOO 11 និង 11 Pro ។ ទូរសព្ទ iQOO 11 មានសេនស័រកាមេរ៉ាគោល Samsung GN5 ទំហំ50MP, កាមេរ៉ា portrait ទំហំ13MP 3x, និងឡេនទូលាយ 8MP 16mm fixed-focus។ ចំពោះ iQOO 11 Pro នាំមកនូវសេនស័រកាមេរ៉ាគោល Sony IMX866 ទំហំ50MP, ឡេនទូលាយទំហំ50MP ចាប់យកទិដ្ឋភាព 150°, និងកាមេរ៉ា portrait ទំហំ13MP 3x ដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលក្ខណៈនៃថ្មនិងការសាកក៏ខុសគ្នាដែរ។ iQOO 11 មានថាមពលថ្ម 5,000mAh ដែលអាចបញ្ចូលថ្មបានលឿនដល់ទៅ 120W។ iQOO 11 Pro នាំមកនូវទំហំថ្មធ្លាក់ចុះមកត្រឹម 4,700mAh ប៉ុន្តែការសាកថ្មឡើងដល់ 200W។ ម៉ូឌែល Pro ក៏មានការសាកឥតខ្សែ 50W ផងដែរ ដែលមិនមាននៅលើម៉ូឌែលធម្មតាទេ។ iQOO 11 Pro នឹងមានដាក់ឱ្យកម្ម៉ង់ទុកមុននៅថ្ងៃទី21 ខែធ្នូ ក្នុងប្រទេសចិន៕
ប្រភព: GSMArena
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]