បុរស​ម្នាក់​ទំនង​បែក​ថ្នាំ​មក​លោត​ទឹក ​ទន្លេ​មុខ​វត្តឧណ្ណា​ឡោម​តែ​ ប្រជា​ពលរដ្ឋ​ជួយសង្រ្គោះ​​ទាន់​ពេល​

រាជធានីភ្នំពេញ ៖ បុរសម្នាក់មើលទៅ ទំនងដូចជាបែកថ្នាំបានមក លោតទឹកទន្លេមុខវត្តឧណ្ណាឡោម បង្កឱ្យមានការភ្ញាក់ផ្អើល ដល់ប្រជាពលរដ្ឋនិងបានស្រែក ប្រាប់ទូកនេសាទជនជាតិចាមជួយ ស្រង់មកដាក់លើគោក មាត់ច្រាំងទន្លេ ។ ហេតុការណ៍ភ្ញាក់ផ្អើលនេះ កើតឡើងនៅវេលាម៉ោង ១១និង២០នាទីយប់ថ្ងៃទី៤ មិថុនា ២០១៤  នៅចំណុចក្នុងទន្លេមុខវត្តឧណ្ណាឡោម ស្ថិតនៅក្នុងសង្កាត់ជ័យជំនៈ  ខណ្ឌដូនពេញ ។

ជនរងគ្រោះឈ្មោះ ថោង សុខជា ភេទប្រុស អាយុ២៦ឆ្នាំ ស្នាក់នៅតាមវត្ត ម្តុំពោធិ៍ចិនតុង មានស្រុកកំណើតនៅស្រុកត្រាំកក់ ខេត្តតាកែវ ។

យោងតាមប្រព័ត៌មានពីអ្នកឃើញ ហេតុការណ៍បានឱ្យថា នៅមុនពេលកើតហេតុគេឃើញ បុរសម្នាក់ស្លៀកខោខ្លី ពណ៌ខ្មៅហើយអត់ មានពាក់អាវទេ បានដើរមកលោតទឹកទន្លេ នៅមុខវត្តឧណ្ណាឡោម ។ឃើញដូច្នេះប្រជាពលរដ្ឋ បានស្រែកហៅទូកនេសាទ ចាម ឱ្យជួយស្រង់ជនរងគ្រោះឡើង មកលើគោកវិញ ។ ពេលឡើងមកលើគោកវិញ ប្រជាពលរដ្ឋបានសួរដេញ ដោលប៉ុន្តែជននរងគ្រោះបានឆ្លើយពីនេះ ពីនោះនិយាយទៅដូចជា អ្នកបែកថ្នាំ រវើរវាយមិនដឹងស្អីទេនិង បានត្រឹមតែលើកដៃសំពះ ។

ក្រោយពេលកើតហេតុសមត្ថកិច្ច បានចុុះមកត្រួតពិនិត្យ និងមិនបានសួរនាំអ្វីទេ ហើយសមត្ថកិច្ចក៍បាន ហៅរឺុម៉កម៉ូតូឱ្យឌុបបុរសម្នាក់នេះត្រឡប់ ទៅកន្លែងស្នាក់នៅវិញ ។

បុរសរងគ្រោះអាការៈដូចជាបែកថ្នាំ

ប្រជាពលរដ្ឋមកចោមមើលបុរសមកលោតទឹកទន្លេ