រាជធានីភ្នំពេញ ៖ កញ្ញាម៉ីម៉ីកន្លងមកធ្វើឱ្យ សង្គមសិល្បៈចាប់អារម្មណ៍តាមរយៈ ការបញ្ចេញសម្រស់ដើមទ្រូង និងស្លៀកពាក់សិចស៊ី ប៉ុន្តែនាងបញ្ជាក់ថាមិន យកភាពសិចស៊ី ដើម្បីធ្វើឱ្យល្បីឈ្មោះទេ ។
កញ្ញាអៀ ម៉ីលិ ហៅម៉ីម៉ី ជាតារាស្រករក្រោយ ប្រកបដោយរូបសម្រស់ស្រស់ស្អាត និងមានដើមទ្រូងគួរឱ្យគយគន់ ។ ម៉ីម៉ីត្រូវក្រុមហ៊ុនឯកជន មួយចំនួនផ្តល់ឱកាស ឱ្យថតស្ប៉តផ្សព្វផ្សាយពាណិជ្ជកម្ម លើសពីនេះនាងត្រៀមធ្វើជា តួអង្គសំខាន់ក្នុងរឿងភាគថ្មី មួយទៀតក្នុងផលិតកម្ម របស់អ្នកនាងព្រំ រដ្ឋា ។ តាមរយៈការសម្តែងភាពយន្ត ម៉ីម៉ីរំពឹងថា នាងនឹងកាន់តែល្បីឈ្មោះ ក្នុងពិភពសិល្បៈខ្លាំងឡើង ។
ឆ្លើយឆ្លងជាមួយ អ្នកយកព័ត៌មានកោះសន្តិភាព កាលពីពេល ថ្មីៗកន្លងមក កញ្ញាម៉ីម៉ីនិយាយថាមិនដឹង ជាមូលហេតុអ្វីមានក្រុមហ៊ុន មួយចំនួនទាក់ទងនាងឱ្យ ថតស្ប៉តពាណិជ្ជកម្ម បន្តពីមួយទៅមួយក្នុងរយៈពេលប៉ុន្មានខែមកនេះ ។ ក្រៅពីនេះម៉ីម៉ីត្រៀមថតរឿងភាគ មួយរបស់អ្នកនាងព្រំ រដ្ឋា ដោយមិនទាន់ដឹងថាជាតួអង្គអ្វីទេ តែជាតួអង្គសំខាន់មួយ ។ ពីមុនកញ្ញាម៉ីម៉ី ឧស្សាហ៍ក្រសោបបានការងារ សម្តែងភាពយន្តឱ្យផលិតកម្មមហាហង្ស ជាក់ស្តែងនាងបាន ចូលរួមសម្តែងក្នុងរឿង «ឱកូនសម្លាញ់» ។
មានអ្នកតាមស្រឡាញ់ច្រើន តាំងពីធំពេញរូបរាងមក តែម៉ីម៉ីនិយាយថា «នាងខ្ញុំមិនទាន់គិតទេស្នេហា ចង់ប្រឡូកសិល្បៈពង្រីកស្នាដៃឱ្យសល់ច្រើន ទុកជូនទស្សនិកជន ជាពិសេសចាំល្បីឈ្មោះសិន ។ ចំពោះការតុបតែងខ្លួនបែបសិចស៊ី គឺពីមុនខ្ញុំជ្រុលមែន ពេលស្លៀកពាក់ចូលរួមតាមកម្មវិធីនានា ។ នាងខ្ញុំស្លៀកពាក់បែប សុភាពៗគឺគ្មានអ្នកណាចាប់អារម្មណ៍ប៉ុន្មានទេ ហើយរឿងចុះផ្សាយអ្វីនោះក៏គ្មានដែរ ប៉ុន្តែតាំងពីនាងខ្ញុំស្លៀកពាក់ បែបលេចលើលេចក្រោមមក គឺមានគេតាមថត និងសួរនាំរហូត ។
យ៉ាងណាក្តីនាងខ្ញុំមិនចាត់ទុកថាភាព យេៗ ឡូយឆាយបញ្ចេញសាច់ ជួយឱ្យល្បីឈ្មោះជាងការបង្ហាញទេពកោសល្យ ស្នាដៃរបៀបសម្តែងតាមកាលៈទេសៈ តួអង្គនោះឡើយ ។ តារាណាក៏ចង់ល្បីដែរ នាងខ្ញុំពីមុនសិចស៊ីស្ទើរតែអាចឱ្យមហាជនរិះគន់ ហើយក៏យល់ថាខ្លួនជ្រុលដែរទាំងជាតារាថ្មី ហើយហ៊ានបែបនេះទៀត ។ ឥឡូវនេះនាងខ្ញុំកែច្រើនណាស់ ចំពោះការស្លៀកពាក់ បន្ទាប់ពីយើងយល់បរិយាកាសជុំវិញខ្លះដែរ» ។
កញ្ញាម៉ីម៉ីធ្លាប់រៀន នៅសាលាវិចិត្រសិល្បៈ ផ្នែករបាំប្រពៃណី តែបច្ចុប្បន្នងាកទៅសិក្សា នៅវិទ្យាល័យបាក់ទូកវិញ ។ ក្រៅពីសម្តែង ម៉ីម៉ីអាចច្រៀង និងមានចំណូលចិត្តខាង ធ្វើជាពិធីការិនីដោយកំពុងតែ ហាត់រៀនឱ្យស្ទាត់ជំនាញ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
