រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា ប្រជាពលរដ្ឋ សង្គមស៊ីវិលនានាដែលអញ្ជើញទៅចូលរួមបុណ្យនិងគោរពវិញ្ញាណក្ខន្ឋសពលោកបណ្ឌិត កែម ឡី គឺមានចំនួនតិចខុសសព្វដង ហើយថានៅព្រឹកថ្ងៃទី១៨ កក្កដានេះដែរ គេឃើញក្រុមលោកស្រី ទេព វ៉ាន់នី្ន និងយាយម៉ាម៉ាសកម្មជនដីធ្លីក៍ទៅចូលរួមដែរ ។
សេចក្តីរាយការណ៍ក៍បានឲ្យដឹងទៀតថា សពលោក កែម ឡី មិនទាន់ត្រូវបានក្រុមគ្រួសារបញ្ជាក់ថានឹងត្រូវដង្ហែចេញពីវត្តចាស់ក្នុងសង្កាត់ជ្រោយចង្វារ យកទៅបញ្ចុះនៅស្រុកកំណើតលោកកែម ឡី ក្នុងភូមិតាកុប ឃុំលាយបូរស្រុកត្រាំកក់ ខេត្តតាកែវនៅពេលវេលានិងថ្ងៃណានោះដែរ គ្រាន់តែបញ្ជាក់ថា ខាងគណកម្មការបុណ្យនិងក្រុមគ្រួសារនឹងពិភាក្សាគ្នានៅថ្ងៃចន្ទនេះ ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា កាលពីព្រឹកថ្ងៃទី១៧ កក្កដានេះ ប្រជាពលរដ្ឋជាច្រើនខុសសព្វដងបានទៅចូលរួម និងគោរពវិញ្ញាណក្ខន្ឋលោកបណ្ឌិត កែម ឡី ។
សេចក្តីរាយការណ៍បានបន្តថា កាលពីថ្ងៃអាទិត្យនេះដែរក៍មានការចែកនិងលក់អាវយឺតមានរូបនិងសំដីមាសរបស់លោក កែម ឡី ដូចជា«ជូតទឹកភ្នែករបស់អ្នករួចបន្តដំណើរទៅមុខទៀត»ជាដើម ។
ដោយឡែកគិតត្រឹមវេលាម៉ោង១០និង២៥នាទីព្រឹកថ្ងៃទី១៧កក្កដានេះ ការដង្ហែសពលោកកែម ឡី ទៅបញ្ចុះនៅស្រុកកំណើតក្នុងភូមិតាកប ឃុំលាយបូរ ស្រុកត្រាំកក់ នៅមិនទាន់ត្រូវបានក្រុមគ្រួសារសពបញ្ជាក់ឲ្យដឹងច្បាស់នៅថ្ងៃណាពិតប្រាកដនៅឡើយទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
