ខេត្តក្រចេះ ៖ នៅថ្ងៃទី១២ ខែធ្នូ ឆ្នាំ២០១៦ វេលាម៉ោង៣ និង៤៥នាទីរសៀល មានករណីឃាតកម្ម (ប្ដីសម្លាប់ប្រពន្ធ) នៅភូមិសេរីភាព ឃុំដារ ស្រុកចិត្របុរី ខេត្តក្រចេះ ។ ជនរងគ្រោះឈ្មោះ តឹក សារុំ ភេទស្រី អាយុ៤០ឆ្នាំ មានទីលំនៅភូមិ-ឃុំកើតហេតុខាងលើ(ស្លាប់)។
ជនសង្ស័យឈ្មោះ ឃីម ញ៉ច ភេទប្រុស អាយុ៤៥ឆ្នាំ ជាតិខ្មែរ ជាកសិករ នៅភូមិ-ឃុំកើតហេតុ។ ប្រភពពីសមត្ថកិច្ចបានឲ្យដឹងថា មុនពេលកើតហេតុ ជនសង្ស័យផឹកស្រាស្រវឹងរួចយកចបកាប់ វាយជនរងគ្រោះជាប្រពន្ធ ត្រូវចំឆ្អឹងជំនីខាងឆ្វេង និងដើមដៃខាងឆ្វេង បណ្ដាលឲ្យស្លាប់ភ្លាមៗ នៅក្រោមផ្ទះរបស់ខ្លួន។
ក្រោយកើតហេតុ សមត្ថកិច្ចជំនាញ បានចុះទៅដល់កន្លែងកើតហេតុ ធ្វើការស្រាវជ្រាវរហូតឈានដល់ឃាត់ខ្លួន ជនសង្ស័យជាប្តី ជនរងគ្រោះបណ្ដោះអាសន្ន ហើយនាំខ្លួនទៅកាន់អធិការដ្ឋាន នគរបាលស្រុក ចិត្របុរី ដើម្បីកសាងសំណុំរឿងបញ្ជូនមកការិយាល័យកណ្ដាល នគរបាលព្រហ្មទណ្ឌ ខេត្តចាត់ការតាមច្បាប់។ ចំណែកឯសាកសពត្រូវបានសមត្ថកិច្ច ប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយវិញទៀត បុរសជាប្តីប្រើអំពើហិង្សា ដោយយកកាំបិតផ្គាក់កាប់ប្រហារ ទៅលើក្បាលស្ត្រីជាប្រពន្ធជាច្រើនកាំបិតបណ្តាលឱ្យរងរបួសធ្ងន់ធ្ងរ កាលពីវេលាម៉ោងជាង១២ថ្ងៃត្រង់ថ្ងៃទី៨ តុលា ២០១៥ កន្លងទៅ ស្ថិតនៅភូមិ៣ ឃុំត្រពាំងច្រេស ស្រុកកូនមុំ ។
លោកអធិការនគរបាលស្រុកកូនមុំ បានឱ្យដឹងថា បុរសជាប្តីដៃដល់ឈ្មោះ វាង ធិន អាយុ២៧ឆ្នាំ ក្រោយពីធ្វើសកម្មភាពរួចបានរត់គេចខ្លួនបាត់ភ្លាមៗបាត់ ។ ចំណែកស្ត្រីរងគ្រោះជាប្រពន្ធឈ្មោះ ស្រី ពៅ អាយុ២១ឆ្នាំ ទាំង២នាក់ប្តីប្រពន្ធ ជាប្រជាកសិករ រស់នៅភូមិឃុំកើតហេតុខាងលើ ។
ក្រោយកើតហេតុ ស្ត្រីរងគ្រោះ ត្រូវបានសាច់ញាតិបញ្ជូនទៅសង្គ្រោះនៅមណ្ឌលសុខភាព ស្រុកកូនមុំ តែគ្រូពេទ្យប្រាប់ថា របួសធ្ងន់ខ្លាំងពេកមិនអាចព្យាបាលបានសាច់ញាតិក៏បញ្ជូនបន្តទៅព្យាបាលនៅឯរាជធានីភ្នំពេញជាបន្ទាន់ភ្លាមៗ មិនដឹងថាស្លាប់ឬរស់នៅឡើយទេ ។
លោក បានបន្តថា មុនពេលកើតហេតុ បុរសជាប្តីប្រចណ្ឌប្រពន្ធជាយូរខែមកហើយ ហើយពេលផឹកស្រវឹងម្តងៗ តែងតែមករករឿងឈ្លោះប្រកែកជាមួយប្រពន្ធ និងប្រមាថកាប់សម្លាប់ចោលជាច្រើនដងដែរ ទើបមកដល់ថ្ងៃកើតហេតុ បន្ទាប់ពីផឹកស្រាជាមួយមិត្តភក្តិក្នុងភូមិ ពេលមកដល់ផ្ទះក៏ឈ្លោះប្រកែកជាមួយប្រពន្ធ២-៣ម៉ាត់ ស្រាប់តែស្ទុះទៅទាញកាំបិតផ្គាក់ មកកាប់ប្រហារប្រពន្ធជាច្រើនកាំបិត រួចក៏រត់គេចខ្លួនទៅពួននៅចម្ការក្បែរភូមិ ត្រូវបានសមត្ថកិច្ចពង្រាយកម្លាំងគ្រប់ច្រកល្ហក ទើបចាប់ជនដៃដល់បាននៅព្រឹកថ្ងៃទី៩ តុលា ហើយបញ្ជូនខ្លួនមកអធិការដ្ឋាននគរបាលស្រុក ដើម្បីកសាងសំណុំរឿងបញ្ជូនបន្តទៅសាលាដំបូងខេត្ត ដើម្បីចាត់ការតាមនីតីវិធី ។
ប្រភពព័ត៌មានដែលទទួលបាននៅល្ងាចថ្ងៃទី៩ តុលា នេះ បានឱ្យដឹងថា ស្ត្រីរងគ្រោះកំពុងសម្រាកព្យាបាលនៅមន្ទីរពេទ្យរាជធានីភ្នំពេញ មិនសង្ឃឹមថារស់នោះទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
