ថៃ៖ រឿងភាគថ្មីមានចំណងជើងថា «ហង្សបាក់ស្លាប» ដែលកំពុងតែត្រូវបានចាក់ផ្សាយនៅលើប៉ុស្តិ៍ទូរទស្សន៍ថៃជាបន្តបន្ទាប់នោះ បានសម្តែងដោយតួឯកស្រីនាង Kimmy Kimberley និងកម្លោះសង្ហាលោក James Jirayu។
ប៉ុន្តែក្រោយរឿងនេះបានចាក់ផ្សាយ ក៏មានការរិះគន់ថា កញ្ញា Kimmy Kimberley មិនសាកសមជាមួយនឹងតំណែងតួឯកស្រីនាង Pim Lapas នៅក្នុងរឿង «ហង្សបាក់ស្លាប» នោះឡើយ ហើយថែមទាំងដើរតួមិនសមគ្នាជាមួយនឹងតួឯកប្រុសលោក James Jirayu ទៀតផង ព្រោះនាងដូចជាចាស់ជាងខាងប្រុស។
បន្ទាប់ពីមានការរិះគន់ ទៅលើតួឯកស្រីនាង Kimmy Kimberley ដូច្នេះ តារាសម្តែងលោក Mark Prin ដែលត្រូវបានគេស្គាល់ថា ជាសង្សារតារាស្រីរូបនេះក៏បានចេញមុខការពារ ព្រមទាំងបានចូល Comment ឆ្លើយតបជាមួយអ្នករិះគន់នៅក្នុង IG ផងដែរថា សូមឱ្យអ្នកទាំងរិះគន់ទាំងនោះ ងាកមកគិតសារជាថ្មីក្នុងផ្លូវល្អ ដើម្បីមកជាការលើកទឹកចិត្តដល់អ្នកសម្តែង ដែលបានខំប្រឹងសម្តែងផង។ ពិសេសក៏សូមផ្តល់តម្លៃឱ្យស្រ្តីឱ្យដូចជាម្តាយ ជាបងស្រី ឬប្អូនស្រី របស់ខ្លួនដូច្នេះដែរ។
នេះបើតាមសម្តីរបស់ Mark Prin ប្រាប់អ្នកសារព័ត៌មាននៅក្នុងស្រុកឱ្យបានដឹងតាមរយៈកម្មវិធី WHIZDOM 101 ដែលលោកបានទៅចូលរួមកាលពីពេលថ្មីៗនេះ។
បន្ថែមពីលើនេះ Mark Prin ក៏បាននិយាយជាការលេងសើចថា ចង់ជួបមុខអ្នកដែលរិះគន់លើ Kimmy Kimberley ទៀតផង។
រកឯណាបាន? សង្សារដែលចេះឈឺឆ្អាលការពារខ្លួនល្អៗដូច្នេះ។
គួរឱ្យដឹងដែរថា គូស្នេហ៍តារារវាងលោក Mark Prin និងនាង Kimmy Kimberley ពួកគេបានសេពគប់ស្វែងយល់ចិត្តគ្នាអស់រយៈពេលជាង ៣ឆ្នាំមកហើយ។ ហើយជារឿយៗក៏តែងតែបានបង្ហាញ ភាពផ្អែមល្ហែមជាមួយគ្នាមិនដាច់ផងដែរ នៅក្នុងអ៊ីនស្តារក្រាម៕
កំណត់ហេតុខ្មែរឡូត៖
ដោយឡែករំលឹកព័ត៌មានគួរឱ្យចាប់អារម្មណ៍មួយទៀតវិញនោះគឺ តារាសម្តែង Nick ហាត់សមបទ “រាំអញ្ចេក” ជាមួយកូនលោក ព្រាប សុវត្ថិ ដើម្បីត្រៀមប៉ះជាមួយលោក ព្រាប សុវត្ថិ ផ្ទាល់ នៅរសៀលនេះ។
កាលពីព្រឹកមិញនេះ វត្តមានតារាសម្តែងថៃ លោក Kunatip Pinpradab ដែលអ្នកគាំទ្រខ្មែរនិយមហៅថា Nick បានមកដល់ទឹកដីទីក្រុងភ្នំពេញជាមួយទឹកមុខដ៏ញញឹមប្រិមប្រិយ អមជាមួយសម្លេងស្រែកហ៊ោរកញ្ជ្រៀវពីសំណាក់អ្នកគាំទ្រ ទ្រហឹងពេញក្នុងអាកាសយាន្តដ្ឋានអន្តរជាតិភ្នំពេញតែម្តង។
យ៉ាងណាមិញ នៅរសៀលនេះដែរ លោកNick នឹងធ្វើការបង្ហាញខ្លួនជាសាធារណៈនៅឯផ្សារទំនើបអ៊ីអនម៉ល ដើម្បីចូលរួមកម្មវិធី Nick Meet & Greet ដែលនាំមកជួនដោយភេសជ្ជៈ If។ ក្នុងកម្មវិធីនោះដែរ Nick នឹងចូលរូមកម្សាន្តក្នុងកម្មវិធីសប្បាយៗជាច្រើនដូចជា វគ្គ សំនួរចម្លើយ ការចាប់រង្វាន់ ការលេងល្បែងកម្សាន្ត និងការផ្តល់ជូនកាដូពិសេសពីNick ថែមទៀតផង។
លើសពីនេះ អ្វីដែលកាន់តែពិសេសជាងនេះទៀតនោះគឺ លោកNick នឹងចាប់ដៃគូគ្នាជាមួយកំពូលតារាចម្រៀងប្រចាំប្រទេសកម្ពុជាគឺលោក ព្រាប សុវត្ថិ ដើម្បីច្រៀង និងរាំបទដែលកំពុងពេញនិយមបំផុតនោះគឺបទ “រាំអញ្ចេក” ប៉ុន្តែមុនពេលដែលចាប់ផ្តើមកម្មវិធីនៅល្ងាចនេះ លោក Nick ក៏បានហាត់សមរាំបទនេះ ជាមួយកូនរបស់ កំពូលតារាចម្រៀងលោក ព្រាប សុវត្ថិ ដើម្បីឲ្យក្បាច់រាំកាន់តែពិសេសនៅរសៀលនេះ។
មិនទាន់អស់នៅឡើយទេ អ្វីដែលសំខាន់ជាងនេះទៀតនោះ ក្រុមការងារភេសជ្ជៈ If នឹងធ្វើការ Surprise លោក Nick ប៉ុន្តែសុំលាក់សិនណា ថា Surprise រឿងអ្វីនោះ។
ដូច្នេះ បើមិត្តៗអ្នកគាំទ្រចង់ដឹងច្បាស់ កុំភ្លេចជួបគ្នាជាមួយព្រឹត្តិការណ៍ដ៏ពិសេសដែលនាំមកជូនដោយ ភេសជ្ឋៈIf នៅផ្សារទំនើបអ៊ីអនម៉លចាប់ពីម៉ោង២រសៀលតទៅ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
