អត្ថប្រយោជន៍ទាំង១០ របស់ផ្លែម្កាក់ ចំពោះសុខភាពរាងកាយ

បច្ចុប្បន្ននេះយើងឃើញថា ផ្កែម្កាក់គឺកុំពុងតែពេញនិយមខ្លាំងណាស់ ជាពិសេសនោះគឺចំពោះយុវវ័យតែម្តង។ ប៉ុន្តែបើតាមជាក់ស្តែងពួកគាត់ពុំបានដឹងពីអត្ថប្រយោជន៍របស់វានោះឡើយ។

ដូច្នេះខាងក្រោមនេះគឺជាអត្ថប្រយោជន៍យ៉ាងច្រើនរបស់ផ្លែម្កាក់ដែលមនុស្សភាគមិនធ្លាប់ដឹងទាល់តែសោះ!

១/ ជួយការពារជំងឺបេះដូង

ដោយសារតែផ្លែម្កាក់វាមានផ្ទុកនូវជាតិកាល់ស្យូមដែលដើរតួនាទីយ៉ាងសំខាន់ក្នុងការថែរក្សាសុខភាពសរសៃឈាមបេះដូង។ មិនត្រឹមតែប៉ុណ្ណោះការញ៉ាំផ្លែម្កាក់ឲ្យបានទៀងទាត់អាចយកឈ្នះជំងឺបេះដូងបានទៀតផង។ 

២/ ជួយដល់សុខភាពភ្នែក

វីតាមីន A នៅក្នុងផ្លែម្កាក់បានដើរតួយ៉ាងសំខាន់ក្នុងការថែរក្សាសុខភាពភ្នែករបស់អ្នកបានយ៉ាងល្អ ដោយវីតាមីន A នេះវាជួយក្នុងការចែកចាយធាតុដែលត្រូវបានទទួលដោយ Retina នៃភ្នែកទៅកាន់ខួរក្បាលជារូបភាព។

៣/ បង្កើនថាមពលដល់រាងកាយ

ផ្លែម្កាក់វាជួយបង្កើនថាមពលដល់រាងកាយ តាមរយៈ សារធាតុចិញ្ចឹមដ៏សំខាន់របស់វា។

៤/ វាជាសារធាតុប្រឆាំងអុកស៊ីតកម្ម

ក្រៅពីមានផ្ទុកនូវវីតាមីន A វាក៏ជាប្រភពនៃវីតាមីន C ផងដែរ។ ហើយវីតាមីនទាំងពីរប្រភេទនេះ មានសកម្មភាពខ្លាំងក្លាជាអង់ទីអុកស៊ីដង់ដែលអាចប្រឆាំងទៅនឹងរ៉ាឌីកាល់សេរី ក៏ដូចជាការពារការបំពុលពីខាងក្រៅទៀតផង។

៥/ ជួយព្យាបាលមុខរបួស

ជាមួយគ្នានេះដែរ វីតាមីន A ក៏អាចជួយថែរក្សាជាលិកានៅក្នុងខ្លួនឲ្យមានសុខភាពល្អ និងថែមទាំងជួយពន្លឿនដំណើរការនៃការព្យាបាលមុខរបួសបានផងដែរ។

៦/ អាចយកឈ្នះលើភាពស្លេកស្លាំង

ជាតិដែក និង វីតាមីន B1 ដែលមាននៅក្នុងផ្លែម្កាក់អាចជួយក្នុងការផលិតកោសិកាឈាមក្រហម និងបង្កើនលំហូរអុកស៊ីសែនទៅគ្រប់ផ្នែកនៃរាងកាយ និងបង្ការភាពស្លេកស្លាំងផងដែរ។

៧/ បង្ការភាពចាស់មុនអាយុ

វីតាមីន C អាចការពារម៉ូលេគុលសំខាន់ៗដូចជាខ្លាញ់ កាបូអ៊ីដ្រាត និងអាស៊ីត nucleic ពីការបំផ្លាញ ដែលបណ្តាលមកពីរ៉ាឌីកាល់សេរី ឬជាតិពុលផ្សេងៗដែលជាហេតុនៃភាពចាស់មុនអាយុ។ 

៨/ ការត្រួតពិនិត្យកម្រិតកូឡេស្តេរ៉ុល

បន្ថែមពីលើការប្រឆាំងនឹងភាពចាស់មុនអាយុ វីតាមីន C ដែលមាននៅក្នុងផ្លែម្កាក់ក៏អាចជួយរំលាយកូលេស្តេរ៉ូលបានផងដែរ។

៩/ ជួយដល់សុខភាពរាងកាយ

ផ្លែម្កាក់អាចជួយថែរក្សាប្រព័ន្ធភាពស៊ាំ និងជួយធ្វើឲ្យអត្តពលិកដូចជាអ្នកហាត់ប្រាណ អ្នកប្រកួតកីឡាងាយទទួលបាននូវថាមពលត្រឡប់មកវិញក្រោយពីពួកគេបានបញ្ចេញនូវថាមពលអស់ជាច្រើន។

១០/ ថែរក្សាឆ្អឹង និងធ្មេញឲ្យមានសុខភាពល្អ

ការថែរក្សាឆ្អឹង និងធ្មេញនេះគឺដោយសារតែសារធាតុផូស្វ័រ ដែលមានផ្ទុកនៅក្នុងផ្លែម្កាក់មានប្រយោជន៍សម្រាប់ការថែរក្សាឆ្អឹង និងធ្មេញឲ្យមានសុខភាពល្អ៕