ទោះបីមិនមែន ជាកូនបង្កើត តែអ្នកម្ដាយហាយសូរ ទាំង៣ដួងនេះ ស្រលាញ់ថ្នាក់ថ្នមដូចកែវភ្នែក

ថៃ៖ ជាការពិតណាស់ បញ្ហាគ្រួសារដែលមានកូនចុង និងកូនដើមនេះ គឺកើតចេញពីការផ្ដល់ក្ដីស្រលាញ់ និងការយកចិត្តទុកដាក់ពីឱពុកម្ដាយដោយលំអៀង ដែល​បែងចែក ក្ដីស្រលាញ់មិនស្មើគ្នា ហើយជាពិសេសចំពោះការរើសអើងរវាងកូនបង្កើត និងកូនចិញ្ចឹមតែម្ដង។

ប៉ុន្តែបើក្រឡេកមកមើល កូនចិញ្ចឹមរបស់តារាស្រីថៃប៉ុន្មានរូបនេះវិញ អាចនិយាយបានថាជាមនុស្សដែលមានសំណាងមែនទែន បើទោះបីមិនបានបង្កើតដោយខ្លួនឯងផ្ទាល់ ប៉ុន្តែអ្នកម្ដាយចិញ្ចឹមទាំងនេះ បានផ្ដល់តម្លៃ ភាពកក់ក្ដៅ និងជាពិសេសការមើលថែទាំ យកចិត្តទុកដាក់ មិនខុសពីកូនៗបង្កើតរបស់ពួកគេនោះឡើយ។

ចង់ជ្រាបច្បាស់ សូមសូមដានទស្សនាខាងក្រោមនេះ៖ 

១. Hana Tassanawalai

Nada ជាឈ្មោះកូនស្រីរបស់ Hana ដែលរូបនាងបានប្ដូរមកដាក់ឈ្មោះមួយនេះ បន្ទាប់ពីនាងទទួលយកNada ពីសាច់ញាតិរបស់នាង មកចិញ្ចឹមជាកូនស្រី ស្របពេលដែលក្នុងបន្ទុកគ្រួសារសព្វថ្ងៃ​ ក៏មានកូនប្រុស២នាក់ទៀតផងដែរ។ យ៉ាងណាមិញ មិនថាកូនប្រុសទាំង២របស់នាង ឫក៏សា្វមីនាងនោះទេ គឺសុទ្ធសឹងតែស្រលាញ់គ្នាទៅវិញទៅមកជាខ្លាំង ដូចជាបងប្អូន និងឱពុកកូនបង្កើតតែម្ដង។ 

២. Myria Benedetti

តារាស្រីរូបនេះ បានធ្វើការទទួលយកកូនស្រី ពីបងប្អូនជីដូនមួយរបស់នាងមកចិញ្ចឹម ដោយសារតែពួកគេ មិនអាចនឹងមានកូនបាន មូលហេតុទាំងនេះហើយ បានធ្វើឲ្យគូស្វាមីភរិយាមួយគូនេះ ពិតជាស្រលាញ់ និងយកចិត្តទុកដាក់ជាខ្លាំង ទៅលើកូនស្រីរបស់ពួកគេ។ 

៣.Melon

តារាស្រី Melon បានទទួលយកកូនស្រីពីមិត្តភក្តិជិតស្និទ្ធ របស់អ្នកចាត់ការរបស់នាងមកចិញ្ចឹម ដោយក្នុងនោះមិនថារូបនាង ឫក៏សមាជិកគ្រួសារនាងទាំងមូលនោះទេ គឺសុទ្ធសឹងតែស្រលាញ់ និងបានមើលថែទាំកូនស្រីរូបនេះ យ៉ាងល្អថែមទៀតផង៕ 

• តារាថៃ