អ្នកគាំទ្រ ស្លុតចិត្ត ក្រោយឃើញស្បែកមុខពិតនៅខាងក្រៅ របស់ Felix ក្រុម Straykids!

កូរ៉េខាងត្បូង៖ ក្រុមចម្រៀងបុរស Stray Kids ដែលគេស្គាល់ថា ជាក្រុមចម្រៀងពន្លកថ្មីរបស់ ផលិតកម្ម JYP ដែលបច្ចុប្បន្ននេះកំពុងទទួលបានប្រជាប្រិយភាពមិនធម្មតា ពីសំណាក់មិត្តយុវវ័យ តាមរយៈបទចម្រៀងថ្មីៗច្រើនបទ ក៏ដូចជាមុខមាត់ដ៏ស្រស់សង្ហារបស់ពួកគេផងដែរ។

ប៉ុន្តែមិនថាយ៉ាងណា ស្រាប់តែថ្មីៗនេះ សមាជិកប្រុសមួយរូបរបស់ក្រុម Stray Kids គឺ Felix បានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង ក្រោយពីឃើញស្បែកមុខធម្មជាតិគ្មានការផាត់មុខ របស់លោក។ 

ជាការពិតណាស់ តាមរយៈរូបថតមិនប៉ុន្មានសន្លឹកនេះ ដែលបច្ចុប្បន្នអ្នកគាំទ្រកំពុងធ្វើការចែកចាយនៅលើបណ្តាញសង្គម បានបង្ហាញឲ្យឃើញយ៉ាងច្បាស់ពីស្បែកពិតៗធម្មជាតិរបស់ Felix ដែលពោរពេញទៅដោយស្នាមអុជខ្មៅ ឬគេនិយមហៅថា ស្នាមអាចម៍រុយ ស្ទើរពេញស្បែកមុខរបស់លោកតែម្តង។

ប៉ុន្តែបើទោះបីស្បែកមុខរបស់Felix បានធ្វើឲ្យអ្នកគាំទ្រស្រឡាំងកាំង និងស្លុតចិត្តបន្តិចក៏ពិតមែន ប៉ុន្តែពួកគេក៏នៅតែសរសើរពីមុខមាត់ និងភាពស្រស់សង្ហារបស់ Felix ផងដែរ៕ 

• តារាកូរ៉េ