ប្លែកមែន! គ្រាប់ស្វាយចន្ទីអាចធ្វើជាភេសជ្ជៈជាមួយនឹងគុណប្រយោជន៍សុខភាពពិសេសៗច្រើនយ៉ាង!

គ្រាប់ស្វាយចន្ទី គឺជាគ្រាប់ធញ្ញជាតិដ៏មានតម្លៃនៅក្នុងការប្រើប្រាស់ទាំងការវេចខ្ចប់ជាអាហារសម្រន់ ការច្នៃនៅក្នុងម្ហូបអាហារទទួលទានជាដើម ថែមទាំងមានគុណសម្បត្តិសម្រាប់សុខភាពផងដែរ។

ដោយឡែក នៅក្នុងនោះគ្រាប់ស្វាយចន្ទី ត្រូវបានគេរកឃើញដែរថា អាចយកមកផលិតជាភេសជ្ជៈទទួលទានមានរសជាតិឆ្ងាញ់ពិសា ថែមទាំងជំនួយសុខភាពរាងកាយបានច្រើនយ៉ាងដូចគ្នា។

ដូច្នេះចង់ដឹងថា ធ្វើភេសជ្ជៈពីគ្រាប់ស្វាយចន្ទីយ៉ាងណា និងមានគុណប្រយោជន៍អ្វីខ្លះយើងមកតាមដានទាំងអស់គ្នា៖

# វិធីធ្វើភេសជ្ជៈពីគ្រាប់ស្វាយចន្ទី

គ្រឿងផ្សំ៖

- គ្រាប់ស្វាយចន្ទីឆៅ កន្លះពែង

- ទឹកស្អាត ១ពែង

- អំបិល ១ចិប

ការអនុវត្ត៖ ងាយៗគ្រាន់តែក្រឡុកគ្រាប់ស្វាយចន្ទី ជាមួយនឹងទឹកឱ្យហ្មត់ល្អខ្លាំងដោយលាយអំបិលបន្តិច។ ក្រោយមកច្រោះយកតែទឹកមកទទួលទាន ដែលវាមានរូបរាងដូចជាទឹកដោះគោតែម្តង។

# គុណប្រយោជន៍ភេសជ្ជៈគ្រាប់ស្វាយចន្ទី

១. ជំនួយសុខភាពបេះដូង៖ ភេសជ្ជៈមួយនេះមានផ្ទុកនូវ Oleic acid ដែលអាចជួយកាត់បន្ថយជាតិខ្លាញ់មិនល្អ (Triglyceride) នៅក្នុងបេះដូង ដែលទាំងនេះមិនត្រឹមតែជំនួយសុខភាពបេះដូងទូទៅនោះទេ តែអាចកាត់បន្ថយជំងឺបេះដូងបានច្រើនប្រភេទផងដែរ។

២. ការពារក្រួសក្នុងប្រមាត់៖ ភេសជ្ជៈនេះអាចជួយកាត់បន្ថយហានិភ័យនៃការកើតក្រួសក្នុងប្រមាត់ ដែលក្រួសមួយនេះកើតឡើងដោយសារតែជាតិកូឡេស្តឺរ៉លក្នុងាងកាយកករឹង និងធ្វើឱ្យមានបញ្ហារីករាលដាលដល់បំពង់រំលាយអាហារ។

៣. ប្រឆាំងអុកស៊ីតកម្ម៖ ភេសជ្ជៈគ្រាប់ស្វាយចន្ទី មានផ្ទុកនូវសារធាតុប្រឆាំងអុកស៊ីតកម្មជាច្រើន ដូចជា សេលេញ៉ូម និងវីតាមីន E ដែលអាចប្រឆាំងនឹងរ៉ាធីកាល់សេរី ដែលចង់វាយលុកសុខភាព និងការពារពីជំងឺផ្សេងៗ ។

៤. គ្រប់គ្រងសម្ពាធឈាម៖ ជាតិម៉ាញ៉េស្យូមដែលមាននៅក្នុងភេសជ្ជៈមួយនេះ អាចជួយគ្រងគ្រងសម្ពាធឈាម និងបញ្ចុះសម្ពាធឈាមបានល្អ បង្ការការកើតជំងឺលើសឈាម រួមទាំងជំងឺគាំងបេះដូងផងដែរ។

៥. សុខភាពឆ្អឹង៖ ភេសជ្ជៈនេះផ្ទុកនូវសារធាតុសំខាន់ៗ ជាពិសេសគឺម៉ាញ៉េស្យូម ដែលអាចជួយឱ្យសុខភាពឆ្អឹងរបស់អ្នកកកាន់តែរឹងមាំជាងមុន។

៦. ព្យាបាលជំងឺធ្លាក់ទឹកចិត្ត៖ ភេសជ្ជៈនេះមានផ្ទុក Amino Acid ហៅថា L-tryptophan ដែលអាចជួយបំបែកអរម៉ូន Niacin និង Serotnin ដែលគេហៅថាអរម៉ូនស្ត្រេស ពោលគឺកាត់បន្ថយភាពសោកសៅ និងការធ្លាក់ទឹកចិត្តតែម្តង។

៧. ជំនួយស្បែក៖ ភេសជ្ជៈគ្រាប់ស្វាយចន្ទី ផ្ទុកនូវ Fatty Acids ដែលជួយឱ្យស្បែកមានសំណើមស្រស់ថ្លា ការពារការរលាក និងភាពចាស់មុនអាយុ។ នៅក្នុងនោះវាក៏សម្បូរទៅដោយជាតិទង់ដែង ដែលជួយផលិតកោសិកាស្បែក និងសរសៃសក់ថ្មីកាន់តែស្រស់ស្អាតរឹងមាំ រួមទាំងបង្កើនការផលិតជាតិខូឡាជែនក្នុងរាងកាយ ជំនួយស្បែក បំបាត់ភាពយារធ្លាក់ និងប្រឆាំងភាពចាស់ជ្រីវជ្រួញទៀតផង៕  

• ធម្មជាតិ