បវរកញ្ញាទេសចរណ៍មីយ៉ាន់ម៉ា ២០១៨ បានទទួល»»-ម»»-រ»»-ណ»»-ភាព ក្នុងហេតុការណ៍»»-គ្រោះ»»-រញ្ជួ»»-យដី

មីយ៉ាន់ម៉ា៖ បន្ទាប់ពីអគារ Sky Villa បានដួលរលំនៅទីក្រុង Mandalay កាលពីថ្ងៃទី ២៨ ខែមីនា ដោយសារគ្រោះរញ្ជួយដី សាកសពរបស់ Sili Mee  ដែលជា Miss Tourism World Myanmar ២០១៨ ត្រូវបានរកឃើញ នៅក្រោមគំនរបាក់បែក។

សាកសពរបស់ បវរកញ្ញារូបនេះ ត្រូវបានរកឃើញ ក្នុងអំឡុងពេលប្រតិបត្តិការស្វែងរក និងជួយសង្គ្រោះ។ ដោយក្នុងនោះដែរ ក្រុមជួយសង្គ្រោះបានរកឃើញសាកសពស្ត្រីម្នាក់ ពាក់អាវពណ៌ស និងខោវែង កាន់កាបូបលុយ នៅជិតអគារ Sky Villa ដែលជាអគារបាក់ស្រុត ដោយសារការរញ្ជួយដី ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខាងអង្គភាពរៀបចំ Miss Tourism Myanmar បាន​បញ្ជាក់​ពី​ការ​បាត់​បង់​ ដោយ​បញ្ជាក់​ថា អដ្ឋិធាតុ​របស់​បវរកញ្ញា​រូប​នេះ ​ត្រូវ​បាន​កំណត់​អត្តសញ្ញាណ​ហើយ។ ពេលនេះ សពរបស់​នាង​ ​ត្រូវ​បាន​គេ​យក​ទៅ​បញ្ចុះ​នៅ​ទីក្រុង Yangon ។ 

ក្នុងឆ្នាំ ២០១៨ Sili Mee បានជាប់ជាបវរកញ្ញាទេសចរណ៍មីយ៉ាន់ម៉ា និងបានចូលរួម ក្នុងការប្រលងបវរកញ្ញាទេសចរណ៍ពិភពលោក ប៉ុន្តែមិនទទួលបានលទ្ធផលអ្វីឡើយ។

គួរបញ្ជាក់ផងដែរថា ការរញ្ជួយដីកម្រិត ៧.៧ រ៉ិចទ័រ កាលពីថ្ងៃទី ២៨ ខែមីនា ដែលជាការវាយលុកដ៏ខ្លាំងក្លាបំផុតមួយ ដែលបានវាយប្រហារប្រទេសមីយ៉ាន់ម៉ា ក្នុងរយៈពេលមួយសតវត្សរ៍ បានអង្រួនតំបន់ដែលមានប្រជាជនចំនួន ២៨ លាននាក់ និងធ្វើឲ្យមានការដួលរលំអគារ ខូចខាតទ្រព្យសម្បត្តិ ក៏ដូចជាធ្វើឱ្យប្រជាជនជាច្រើននាក់ គ្មានអាហារ ទឹក និងជម្រក៕

ប្រភព៖ Ngoisao.net

• រូបភាព