អ្នកណាលួច Crush ហ៊ាឆៃ រឿង «Krongkam» ខ្លះ? ពេលនេះ លោកបង្ហាញមុខសង្សារបាត់

ថៃ៖ ប្រិយមិត្តមួយចំនួន ដែលជាអ្នកគាំទ្ររឿងភាគថៃដ៏ល្បីមានចំណងជើងថា “អន្លង់កម្ម” ឬ “Krongkam” ច្បាស់ជាស្គាល់ នូវតួដ៏សំខាន់នៅក្នុងរឿងឈ្មោះថា ហ៊ាឆៃ ដែលសម្តែងដោយលោក Phet Thakrit។

យ៉ាងណាមិញ ដោយសារតែរូបសម្រស់ និងទេពកោសល្យនៃការសម្តែងរបស់លោក Phet នៅក្នុងរឿងនោះ បានធ្វើឲ្យប្រជាប្រិយភាពរបស់លោកកាន់តែកើនឡើងទ្វេមួយកម្រិត រហូតមានអ្នកគាំទ្រកាន់តែច្រើន ហើយជាពិសេសនោះ គឺរូបលោកថែមទាំងមានអ្នកគាំទ្រស្រីៗលួច Crush មិនតិចនាក់នោះទេ។

ដោយឡែក ស្រាប់តែកាលពីថ្ងៃទី២៩ ខែឧសភា ម្សិលមិញនេះ នៅក្នុងកម្មវិធីមួយលោក Phet Thakrit បានទម្លាយអាថកំបាំងរបស់ខ្លួនថា លោកមានទំនាក់ទំនងស្នេហាជាតារាស្រីថ្មី ក្នុងទ្រនំប៉ុស្តិ៍លេខ ៣ នាង Mind Tarika រយៈពេល ២ ឆ្នាំហើយ។ ហើយរូបលោក បានបន្តទៀតថា លោកនិងនាង Mind បានជួបគ្នាក្នុងកម្មវិធីមួយរបស់ ប៉ុស្តិ៍លេខ៣ ហើយពួកគេក៏ចាប់ផ្តើមនិយាយជាមួយគ្នា រហូតដល់អ្វីៗដំណើរការរលូនពួកគេក៏ឧស្សាហ៍ ដើរផ្សារជាមួយគ្នា ញ៉ាំអាហារជាមួយគ្នា និងមើលកុនជារឿយៗផងដែរ។

យ៉ាងណាក្តី រឿងរ៉ាវទាំងនេះ ពិតជាធ្វើឲ្យអ្នកគាំទ្រ ជាពិសេសនារីៗ ដែលខំលួច Crush លោកភ្ញាក់ផ្អើលមិនតិចនាក់នោះទេ។ ហើយលោក Phet ក៏បានបញ្ជាក់ទៀតថា ពួកគេមិនដែលបង្ហោះរូបជាមួយសង្សាររបស់ខ្លួនឡើយ នៅលើបណ្តាញសង្គម IG ក៏ប៉ុន្តែក្នុងពេលឆាប់ៗខាងមុខនេះ អ្នកទាំងពីរនឹងមានគម្រោងបង្ហោះផងដែរ៕

តើប្រិយមិត្តយល់យ៉ាងណាដែរ?

• តារាថៃ