ភ្នំពេញ៖ ពិតជារឿងមួយដែលគួរឱ្យត្រេកអរខ្លាំងណាស់សម្រាប់តារាកំប្លែងស្រីដ៏មានប្រជាប្រិយភាព
គឺអ្នកនាង ស្រេង សុកាន់ដា ហៅ ខ្ញុង
ដែលបានចាប់ដៃគ្នាចូលរោងការតាមប្រពៃណីជាមួយនឹងតារាកំប្លែងដូចគ្នាគឺលោក កៃដ
កាលពីថ្ងៃម្សិលមិញនេះ។
ហើយមង្គលការរបស់អ្នកទាំងពីរក៏បានប្រារព្ធធ្វើឡើងយ៉ាងអធិកអធម
ដោយមានការចូលរួមអបអរសាទរពីសំណាក់ភ្ញៀវកិត្តិយសដែលជាអ្នកក្នុង
និងក្រៅវិស័យសិល្បៈជាច្រើនកុះករផងដែរ។
ជាពិសេសអ្វីដែលគួរឱ្យចាប់អារម្មណ៍ខ្លាំងជាងនេះទៅទៀតនោះគឺ ការតុបតែងលំអ ដេគ័រផ្កា និងមានការថតរូបភាពយ៉ាងស្រស់ស្អាតគួរឱ្យចាប់អារម្មណ៍ និងទាក់ភ្នែកខ្លាំងណាស់ទោះជាកម្មវិធីនេះបានរៀបចំធ្វើឡើងនៅគេហដ្ឋានក្តី។
ដោយការតុបតែងរោងពិធី និងដេគ័រផ្កា ព្រមទាំងការថតផ្តិតយករូបភាពដ៏ស្រស់ស្អាតច្បាស់ត្រជាក់ភ្នែកនេះ គឺបានរៀបចំឡើងទាំងស្រុងប្រកបដោយការយកចិត្តទុកដាក់ អមទៅដោយទេពកោសល្យនៃការច្នៃប្រណីតយ៉ាងខ្ពស់។
ជាមួយនឹងស្នាមញញឹមដ៏មានសុភមង្គលរបស់តារាប្រុសស្រីទាំងពីរនាក់ ព្រមទាំងភ្ញៀវកិត្តិយសជាច្រើនដែលបានមកចូលរួមផងនោះ ពួកគេពិតជាបានពេញចិត្តយ៉ាងខ្លាំងជាមួយនឹងការតុបតែងដ៏ស្រស់ស្អាតនេះផងដែរ៕
តុបតែងលំអរផ្កាស្រស់ និងដេគ័រដោយ Image Hunter Photography និង សម្អាងការ វីន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
