ថ្ងៃនេះ បាយឆាម្នាស់ ល្មមរៀនធ្វើហើយស្រីៗ កុំឲ្យទិញគេរហូតពេក

កម្សាន្ត៖ ជាការពិតណាស់ សម្រាប់មុខម្ហូបបាយឆា គឺជាអាហារដែលងាយស្រួលបំផុត ហើយមនុស្សជាច្រើន ក៏អាចកែច្នៃវា ធ្វើឲ្យមានរសជាតិ ផ្សេងៗគ្នា ទៅតាមចំណង់ចំណូលចិត្តរបស់ពួកគេ ប៉ុន្តែ​ម្ដងនេះ សូមណែនាំបាយឆារសជាតិថ្មី ដែលជា បាយឆាម្នាស់ (Pineapple Rice) កំពុងតែទទួលបានការចាប់អារម្មណ៍ពីមនុស្សជាច្រើន ជាពិសេស អ្នកដែលមានចំណង់ចំណូលចិត្តជាមួយនឹងផ្លែម្នាស់ អាចសាកល្បងរៀនធ្វើញ៉ាំ បានដោយខ្លួនឯងតាមវិធីងាយៗខាងក្រោម នោះអ្នកនឹងទទួលបានបាយឆាដ៏ឈ្ងុយឆ្ងាញ់ ថែមទាំងប្លែកមាត់ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គ្រឿងផ្សំ៖

ប្រេងបន្លែ 1 ស្លាបព្រា, ខ្ទឹមក្រហម ២, ម្សៅ​ការី (Mild Curry Powder) 1 ស្លាបព្រាកាហ្វេ, ខ្ទឹមស ២, បាយឆ្អិន ៦០០ ក្រាម ម្នាស់ស្រស់ ៣០០ ក្រាម ទឹកស៊ីអ៊ីវ ៤ ស្លាបព្រា ស្ករស ស្លឹកខ្ទឹម និង ជីវ៉ាន់ស៊ុយ

របៀបធ្វើ៖

ដាក់ប្រេងនៅក្នុងខ្ទះឲ្យក្ដៅ រួចដាក់ខ្ទឹមក្រហមដែលហាន់ជាដុំតូចៗ បន្ទាប់មក បន្ថែមខ្ទឹមសព្រមទាំងកូរឱ្យសព្វ រយៈពេល ១ នាទី រួច ដាក់ម្សៅការី និងបាយ ហើយកូរជាមួយគ្នាឱ្យសព្វ។ បន្ទាប់មកទៀត ដាក់ចំណិតម្នាស់និងទឹករបសវា ព្រមទាំងដាក់គ្រឿងបន្ថែមជាមួយនឹង ទឹកស៊ីអ៊ីវ និងស្ករស រួចកូរវាឲ្យសព្វម្ដងទៀត ព្រមទាំងដាក់បន្ថែមជាមួយនឹង ស្លឹកខ្ទឹម និងជីវ៉ាន់ស៊ុយ ជាការស្រេច៕