Danone កម្ពុជា បង្កើតប្រវត្តិសាស្រ្តដោយបានឈ្នះពានរង្វាន់ចំនួនបួន បញ្ជាក់ពីឧត្តមភាពនៃនិយោជកឆ្នើម

ក្រុមហ៊ុន Danone កម្ពុជា បានបង្កើតប្រវត្តិសាស្ត្រ ជាក្រុមហ៊ុន FMCG ដំបូងគេក្នុងប្រទេសកម្ពុជា ដែលបានឈ្នះពានរង្វាន់និយោជកឆ្នើមអាស៊ីក្នុងឆ្នាំ២០២៥ ចំនួនបួននៅប្រទេសសិង្ហបុរី។ ពានរង្វាន់ទាំង៤មាន៖ HR Asia Best Companies to Work for in Asia, HR Asia Most Caring Company Award, HR Asia Diversity, Equity & Inclusion Award និង HR Asia Sustainable Workplace Award 2025។ ការឈ្នះពានរង្វាន់ ពីរឆ្នាំផ្ទួនគ្នានេះ បង្ហាញពីគោលជំហរ ក្នុងការបន្តពង្រឹងភាពជាអ្នកដឹកនាំរបស់ Danone កម្ពុជា ក្នុង ផ្នែកសុខុមាលភាពនិយោជិក ការរួមបញ្ចូលនិងភាពចម្រុះ និងនិរន្តរភាពនៅក្នុងស្ថាប័ន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពានរង្វាន់និយោជកឆ្នើមអាស៊ី (HR Asia Awards) ជាពានរង្វាន់ដែលមានកេរ្តិ៍ឈ្មោះល្បីនៅក្នុងតំបន់ ផ្តល់ជូនដល់ស្ថាប័នដែលមានស្នាដៃល្អបំផុត ក្នុងការកសាង ទំនាក់ទំនងនយោជិក វប្បធម៌កន្លែងការងារ និងក្រុមហ៊ុនដែលមានទំនួលខុសត្រូវសង្គម។ ពានរង្វាន់ទាំងនេះ គឺផ្អែកទៅលើ ការស្រង់មតិពីបុគ្គលិកដោយឯករាជ្យ និងត្រូវបានគាំទ្រដោយការស្រាវជ្រាវជាច្រើនទស្សវត្សរ៍។

លោក Maarten VAN LEEUWEN នាយកគ្រប់គ្រងប្រចាំប្រទេសកម្ពុជា និងមីយ៉ាន់ម៉ា បានមានប្រសាសន៍ថា៖ «ការឈ្នះពានរង្វាន់ដ៏មានកិត្យានុភាពចំនួនបួននៅឆ្នាំនេះ គឺជាសក្ខីភាពនៃការប្តេជ្ញាចិត្តដ៏រឹងមាំចំពោះ នយោជិក របស់យើង»។ «នៅ Danone រាល់អ្វីដែលក្រុមហ៊ុនធ្វើ គឺតែងតែគិតគូរពីនយោជិកជានិច្ច។ ពានរង្វាន់ទាំងនេះ ឆ្លុះបញ្ចាំងពីការប្តេជ្ញាចិត្តរបស់យើងក្នុងការបង្កើតស្ថាប័នមួយ ដែលនយោជិកគ្រប់រូបត្រូវបានផ្តល់តម្លៃ ទទួលបានការគាំទ្រ​ និងមានឱកាសរីកចម្រើនបន្តទៀត»។

លោក យិន ផល្លីន នាយកផ្នែកធនធានមនុស្សប្រចាំប្រទេសកម្ពុជា និងមីយ៉ាន់ម៉ា បានបន្ថែមទៀតថា៖ «ភាពជោគជ័យរបស់យើង មានមូលដ្ឋានគ្រឹះឈរលើវប្បធម៌ការងារ ដែលផ្តោតចម្បងលើនយោជិក ស្របតាម គុណតម្លៃ និងក្រមសីលធម៌ របស់ក្រុមហ៊ុន។ គោលការណ៍ទាំងនេះ កំណត់របៀបធ្វើការងារប្រចាំថ្ងៃរបស់យើង នឹងរួមបញ្ចូលក្នុងការអភិវឌ្ឍភាពអ្នកដឹកនាំ និងការអនុវត្តជាក្រុម។ តាមរយៈ កម្មវិធីការចូលរួមពីនិយោជិក សុខភាពនិងសុវត្ថិភាព និងកម្មវិធីអភិវឌ្ឍនិយោជិក Danone កម្ពុជា បង្កើតបានក្រុមការងារមួយដែលមានការចូលរួម និងស្នាដៃការងារដ៏ខ្ពស់បំផុតប្រចាំតំបន់។»

ក្រុមហ៊ុន Danone​ បានផ្តល់ជូនឱកាសការងារដោយផ្ទាល់ និង ប្រយោលប្រមាណ ៣០០ កន្លែង មាននយោជិក ជាស្រ្តី ប្រមាណ៦៤% ដែលបង្ហាញពីការប្តេជ្ញា​​របស់ក្រុមហ៊ុនលើភាពចម្រុះយេនឌ័រ និងឱកាសការងារសម្រាប់គ្រប់គ្នា។ ដើម្បីសុខុមាលភាពនយោជិក ក្រុមហ៊ុនមានកម្មវិធីសុខភាពជាច្រើនដូចជា Be-Well ដែលផ្តោតសំខាន់លើអាហារូបត្ថម្ភ សុខភាពផ្លូវកាយនិងផ្លូវចិត្ត ដោយមានការរៀបចំជា សិក្ខាសាលា ការធ្វើលំហាត់ប្រាណ ការផ្តល់សេវាប្រឹក្សាយោបល់ជាមួយអ្នកជំនាញ និងយុទ្ធនាការលើកកម្ពស់ការយល់ដឹងពីអាហារូបត្ថម្ភ និង សុខភាពផ្លូវចិត្ត។ បន្ថែមពីនេះ ក្រុមហ៊ុនក៏ផ្តល់ជូនម៉ោងធ្វើការដែលមានភាពបន់បែន ដើម្បីលើកកម្ពស់តុល្យភាពការងារនិងជីវិត និងបង្កើតកន្លែងការងារដែលមានសុវត្ថិភាព និងបរិយាកាសល្អ។

ដើម្បីពន្លឿនការអភិវឌ្ឍន៍ភាពជាអ្នកដឹកនាំ និងអាជីពការងារ ក្រុមហ៊ុន បានផ្តល់ការហ្វឹកហាត់ និងបណ្តុះ បណ្តាលតាមគ្រប់រូបភាពរួមមាន៖ ការចល័តជំនាញការងារ និងធ្វើបេសកកម្មទៅបរទេស ដែលអនុញ្ញាតឲ្យ នយោជិកធ្វើការលើផ្នែក​ផ្សេងៗពីគ្នា ទទួលបានបទពិសោធន៍ក្នុងតួនាទីជាយុទ្ធសាស្ត្រទាំងក្នុងស្រុក និងក្រៅប្រទេស។ កម្មវិធីអភិវឌ្ឍបុគ្គលិកជាប្រចាំដូចជា Campus for All ការអភិវឌ្ឍភាពជាអ្នកដឹកនាំ បញ្ញាសិប្បនិម្មិត (AI) និងវគ្គបណ្តុះបណ្តាលឯកទេសតាមតួនាទី បានបំពាក់បំប៉ននយោជិកគ្រប់រូបឲ្យមានជំនាញសមស្របនឹងការងារនាពេលអនាគត និងបានត្រៀមខ្លួនរួចជាស្រេចក្នុងការប្រឈមនឹងបញ្ហានានាក្នុងពេលខាងមុខ។

Danone កម្ពុជា គឺជាក្រុមហ៊ុន FMCG ដំបូងគេនៅក្នុងប្រទេស ដែលទទួលបានវិញ្ញាបនបត្រ B-Corp™ ក្នុងឆ្នាំ២០២៣ ដែលឆ្លុះបញ្ចាំងពីភាពជាអ្នកដឹកនាំរបស់ខ្លួនក្នុងការអនុវត្តអាជីវកម្មប្រកបដោយការទទួលខុសត្រូវ និងប្រកបដោយចីរភាព។ ក្រៅពីឧត្តមភាពជានិយោជកឆ្នើម ក្រុមហ៊ុននៅតែប្តេជ្ញាចិត្តក្នុងការគាំទ្រ និងផ្តល់ជូន សហគមន៍ តាមរយៈកិច្ចសហប្រតិបត្តិការ ជាមួយ ក្រសួងអប់រំ យុវជន និង កីឡា ក្នុងកម្មវិធីសុវត្ថិភាព ចំណីអាហារនៅតាមសាលារៀន និងសហការជាមួយអង្គការមិនមែនរដ្ឋាភិបាលនានា ជួយគាំទ្រដល់ជន ភៀសសឹក និងជនងាយរងគ្រោះផ្សេងៗ។ អស់រយៈពេល៣០ឆ្នាំមកហើយ ជាមួយវត្តមាននៅកម្ពុជាតាមរយៈ ម៉ាកផលិតផលផ្សេងៗ ក្រុមហ៊ុន នៅតែបន្តគាំទ្រកុមារកម្ពុជា ស្របតាមបេសកកម្មជាសកលរបស់យើង៖ ការផ្តល់សុខភាពតាមរយៈអាហារទៅកាន់មនុស្សជាច្រើនតាមដែលអាចធ្វើបាន។

ទំនាក់ទំនងផ្សព្វផ្សាយ៖

ឈ្មោះ៖ កញ្ញា ធូ ស្រីលក្ខណ៍ អ្នកគ្រប់គ្រងជាន់ខ្ពស់ផ្នែកនិយ័តកម្ម និងទំនាក់ទំនង

អ៊ីម៉ែល៖ [email protected] ទូរសព្ទលេខ: +855 78 222 573

ទំព័រហ្វេសប៊ុក Danone Cambodia: https://www.facebook.com/share/17XXCG14Ub/?mibextid=wwXIfr