មកមើលការរចនានាវាកម្សាន្ដ ដែលដើរដោយថាមពលពន្លឺព្រះអាទិត្យជំនួសសាំង

បរទេស៖ ក្រុមហ៊ុន Soel Yachts ជាក្រុមហ៊ុនហូឡង់មួយដែលជំនាញខាងផលិតនាវាកម្សាន្ត ដែលដើរដោយថាមពលពន្លឺព្រះអាទិត្យ បានបញ្ចេញនាវាកម្សាន្តថ្មីមួយទៀតរបស់ខ្លួន ឈ្មោះថា Soel Senses 48។ ក្រុមហ៊ុនចង់ទាក់ទាញការចាប់អារម្មណ៍ របស់អតិថិជនដែលចូលចិត្តយានជំនិះដែលគ្មានការបំភាយផ្សែង។

នាវានេះមានបណ្តោយ14.5ម៉ែត្រ ហើយអាចដាក់អ្នកដំណើរបាន8នាក់ ល្មមសម្រាប់ក្រុមគ្រួសារ ឬមិត្តភក្តិនៅថ្ងៃសម្រាកចុងសប្តាហ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនដូចការរចនាយានផ្សេងៗពីក្រុមហ៊ុនដដែលនេះទេ ម៉ូដែលនេះត្រូវបានរចនាឡើងដោយមានកន្លែងអង្គុយលេងច្រើន។

ជាន់ខាងក្រៅរបស់នាវា អាចប្រើសម្រាប់ដេកហាលថ្ងៃ ឬមើលទេសភាពក៏បាន។

ផ្នែកខាងក្នុងត្រូវបានបិទជិតទាំងសងខាង។

អ្នកអាចខណ្ឌចែកកន្លែងសម្រាកទាំងនេះចេញពីគ្នាបាន ដោយទ្វារបត់ឬក៏បើកចំហរទ្វារនេះ ដើម្បីបានកន្លែងទូលាយដើម្បីញុំាអាហារផង និងអង្គុយលេងផងក៏បាន។

តុបារ និងកន្លែងបើកគីស្ថិតនៅតំបន់នេះ។

នាវានេះមិនប្រើប្រេងឥន្ធនៈនោះទេ ដោយវាមានបន្ទះសូឡានៅលើដំបូល និងប្រព័ន្ធថ្មផ្ទាល់ខ្លួន។

នាវានេះមានសំឡេងស្ងាត់នៅពេលបើកបរ។

ក្រុមហ៊ុននេះបានសង្កត់ធ្ងន់ថា នាវាកម្សាន្តដែលដើរដោយថាមពលពន្លឺព្រះអាទិត្យ មានសំឡេងស្ងាត់ល្អ ហើយមិនចាំបាច់ប្រើប្រេងឥន្ធនៈឡើយ គីមានន័យថាទូកប្រភេទនេះមានការប៉ះពាល់តិចតួចបំផុត ចំពោះទឹក និងសត្វព្រៃ បើប្រៀបធៀបនឹងទូកទូទៅ៕

• បរិស្ថាន
• វិទ្យាសាស្រ្ត
• រូបភាព