អ្នកវិទ្យាសាស្ត្ររកឃើញសត្វចម្លែកថ្មី នៅបាតសមុទ្រនៃ Puerto Rico (មានវីដេអូ)

បរទេស៖ មានការភ្ញាក់ផ្អើលមួយ ដែលក្រុមអ្នកស្រាវជ្រាវនៃរដ្ឋបាលជាតិនៃមហាសមុទ្រ និងបរិយាកាស (NOAA) បានរកឃើញប្រភេទសត្វ comb jelly មួយប្រភេទ ដែលមានរូបរាងចម្លែក នៅក្រោមបាតសមុទ្រ។

ក្រុម NOAA បានដាក់ឈ្មោះសត្វនេះថា Duobrachium sparksae ។ វាប្រភេទពួកខ្ញែសមុទ្រ ctenophore ឬហៅថា comb jellies។ ត្រូវចាំថាវាមិនមែនជាពួកខ្ញែរសមុទ្រធម្មតា (jellyfish) នោះទេ ប្រភេទ comb jellies គឺជាពពួកសត្វមានរាងស្តើងឆ្លុះ ទន់អន្ធិលៗ និងស៊ីសាច់ជាអាហារទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភេទសត្វថ្មីនេះរស់នៅក្បែរឆ្នេរសមុទ្រព័រតូរីកូ ហើយត្រូវបានគេប្រទះឃើញដំបូង នៅក្នុងវីដេអូដែលថតបានដោយ យានជ្រមុជទឹកជ្រៅរបស់ NOAA ។ ក្រុមអ្នកស្រាវជ្រាវបានពិពណ៌នាសត្វនេះថា មើលទៅរូបរាងវាដូចជាប៉េងប៉ោងអ៊ីចឹង។ ក្រុមអ្នកស្រាវជ្រាវបានប្រើប្រព័ន្ធឡាស៊ែរមួយដើម្បីវាស់ប្រវែងសត្វនេះ ដែលបង្ហាញថាវាមានប្រហែល ២.៣ អ៊ីញ (៦ សង់ទីម៉ែត្រ) ដោយមិនរាប់ប្រវែងជើងវែងៗរបស់វា ចូលនោះទេ។

ក្រុមអ្នកស្រាវជ្រាវបានប្រទះឃើញសត្វនេះបីក្បាល ប៉ុន្តែពួកគេនៅតែមិនដឹងអ្វីច្រើន ពីសត្វនេះនៅឡើយ។ អ្នកវិទ្យាសាស្ត្រនៅតែសង្ឃឹមថា នឹងប្រមូលសំណាកពីសត្វនេះមកធ្វើការសិក្សាបន្ថែម។

អ៊ីចឹងយើងអាចនាំគ្នាមកមើលវីដេអូ ដែលចាប់ទិដ្ឋភាពពីក្រោមទឹកនេះ មកមើលទាំងអស់គ្នា៕

• វិទ្យាសាស្រ្ត
• ធម្មជាតិ
• វីដេអូ