ទៀតហើយ! អាមេរិកត្រៀមប្តឹងហ្វេសប៊ុក នៅសប្តាហ៍ក្រោយនេះមកពីរឿងអ្វីទៀតហើយ?

វ៉ាស៊ីនតុន៖ បើតាមប្រភពព័ត៌មានបានឱ្យដឹងនៅថ្ងៃពុធនេះថា រដ្ឋទាំងឡាយរបស់សហរដ្ឋអាមេរិកនិងទីក្រុងញូវយ៉ក កំពុងបើកការស៊ើបអង្កេតលើហ្វេសប៊ុក ជុំវិញករណីរំលោភបំពានលើសេចក្តីទុកចិត្ត ហើយគ្រោងនឹងដាក់ពាក្យបណ្តឹង ប្រឆាំងនឹងក្រុមហ៊ុនបណ្តាញសង្គមយក្សនេះ នៅសប្តាហ៍ក្រោយផងដែរ។

បណ្តឹងនេះនឹងក្លាយជាបណ្តឹងធំទីពីរ ដែលបានប្តឹងក្រុមហ៊ុនបច្ចេកវិទ្យាធំៗនៅឆ្នាំនេះ ដែលបណ្តឹងធំទីមួយ គឺក្រសួងយុត្តិធម៌របស់អាមេរិក បានប្តឹង Alphabet Inc របស់ Google នៅខែតុលា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភពមួយបាននិយាយដោយមិនបញ្ចេញឈ្មោះថា រដ្ឋជាង៤០គ្រោងនឹងចុះហត្ថលេខាលើបណ្តឹងនេះ។

ហ្វេសប៊ុកបានបដិសេធមិនផ្តល់ការអត្ថាធិប្បាយណាមួយឡើយ។ អ្នកនាំពាក្យការិយាល័យអគ្គព្រះរាជអាជ្ញាក្រុងញូវយ៉ក ក៏បានបដិសេធមិនធ្វើការអត្ថាធិប្បាយដូចគ្នាដែរ។

គេមិនដឹងថាតើរដ្ឋទាំងនោះ មានគម្រោងប្តឹងអ្វីខ្លះនៅក្នុងបណ្តឹងឡើយ។ ការចោទប្រកាន់ដែលធ្លាប់ចោទជារឿយៗទៅលើហ្វេសប៊ុកនោះគឺ ទៅលើរឿងដែលហ្វេសប៊ុកមានយុទ្ធសាស្រ្តទិញគូប្រជែងតូចៗជាញឹកញាប់ ក្នុងតម្លៃខ្ពស់ ដោយរួមមាន Instagram ក្នុងឆ្នាំ២០១២ និង WhatsApp ក្នុងឆ្នាំ២០១៤៕

• ជំនួញ