ការរកឃើញថ្មីមួយបានបញ្ជាក់ថា សត្វក្រពាពិតជាមានសមត្ថភាព ក្នុងការបណ្ដុះកន្ទុយដែលដាច់មកវិញមែន

អាមេរិក៖ សត្វល្មូនតូចៗដូចជាជីងចក់និងតុកកែត្រូវបានគេស្គាល់ថា មានសមត្ថភាពអស្ចារ្យក្នុងការដុះកន្ទុយឡើងវិញរបស់វា ដែលជាជំនាញសង្គ្រោះជីវិតដ៏មានសក្ដានុពលមួយ។ ប៉ុន្តែមិនមែនមានតែសត្វទាំងនេះទេ នៅក្នុងចំណោមក្រុមត្រកូលសត្វល្មូន ដែលមានសមត្ថភាពក្នុងការបណ្ដុះកន្ទុយឡើងវិញ។

ក្រុមអ្នកស្រាវជ្រាវមានការភ្ញាក់ផ្អើលនៅពេលរកឃើញថា ក្រុមកូនសត្វក្រពាតូចៗក៏មានសមត្ថភាពក្នុងការដុះកន្ទុយមកវិញ ដែលអាចលូតដល់ប្រវែង២២.៨សង់ទីម៉ែត្រ ឬរហូតដល់១៨ភាគរយនៃប្រវែងដងខ្លួនទាំងមូល នេះបើយោងតាមការស្រាវជ្រាវថ្មីមួយនៅក្នុងរបាយការណ៍វិទ្យាសាស្ត្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមអ្នកវិទ្យាសាស្ត្រមកពីសាកលវិទ្យាល័យរដ្ឋអារីហ្សូណានិងនាយកដ្ឋានសត្វព្រៃនិងត្រីនៃរដ្ឋ Louisiana បានប្រើប្រាស់បច្ចេកវិទ្យាជឿនលឿនរួមជាមួយវិធីសាស្ត្រសាកល្បងជាមួយពេលវេលានៃការសិក្សាកាយវិភាគសាស្ត្រនិងការតម្រៀបជាលិកា ដើម្បីស្វែងយល់ថា ការដុះឡើងវិញនៃកន្ទុយរបស់សត្វក្រពាមានគ្រោងឆ្អឹងខ្ចីកណ្ដាល ដោយមិនមានឆ្អឹងនានា។

លក្ខណៈពិសេសទាំងនេះមានទាំងការដុះឡើងវិញនិងជួសជុលស្នាមរបួសផងដែរ។ ការដុះគ្រោងឆ្អឹងមកវិញដែលព័ទ្ធជុំវិញដោយជាលិកាភ្ជាប់និងស្បែក ប៉ុន្តែបែរជាខ្វះសាច់ដុំគ្រោងឆ្អឹង។ សូម្បីតែកន្ទុយដែលមានសាច់ដុំដុះតិចតួចឡើងវិញគឺពិតជាចាំបាច់ណាស់ សម្រាប់សត្វដែលប្រមាញ់សត្វដទៃទៀតជាអាហារ។ ក្រុមអ្នកស្រាវជ្រាវនិយាយថា ការយល់ដឹងអំពីដែនកំណត់ទាំងនេះអាចជួយ ក្នុងការបង្កើតការព្យាបាលឡើងវិញ នៅលើមនុស្ស៕

• វិទ្យាសាស្រ្ត