អស្ចារ្យមែន! សិស្សវិទ្យាល័យនឹងរចនាឡាន RC សម្រាប់ធ្វើការប្រណាំងនៅលើឋានព្រះចន្ទ

បរទេស៖ គម្រោងផលិតឡាន២គ្រឿង ដែលនឹងដាក់ឱ្យប្រណាំងលើឋានព្រះចន្ទនេះ គឺជារឿងដែលមិនគួរឱ្យជឿសោះឡើយ តែវាជាការពិត។ ឡានទាំងនេះក៏មិនត្រូវធ្វើដោយអ្នកវិទ្យាសាស្ត្រណាសាអ្វីនោះដែរ តែក្រុមសិស្សវិទ្យាល័យវិញទេ​ ដែលនឹងបង្កើតហើយប្រណាំងឡានទាំងនេះ។

ក្រុមហ៊ុនដែលនៅពីក្រោយគំនិតដ៏ប្លែកនេះគឺក្រុមហ៊ុន Moon Mark ។ ក្រុមនិស្សិតចំនួន៦ក្រុមនឹងចូលរួមប្រកួត ហើយនិងឈានចូលវគ្គជម្រុះជាបន្តបន្ទាប់ រហូតដល់នៅសល់តែពីរក្រុមប៉ុណ្ណោះ ដែលត្រូវបានជ្រើសរើសសម្រាប់ការប្រកួតចុងក្រោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មកដល់ពេលនេះ មិនទាន់មានសេចក្តីលំអិតណាមួយ ទាក់ទងនឹងការរចនារូបរាងរបស់ឡានឡើយ ប៉ុន្តែគេគ្រាន់តែដឹងថាមានដៃគូពូកែៗជាច្រើននៅពីក្រោយ និងជួយសហការជាមួយពួកក្មេងៗនៅក្នុងគម្រោងនេះ ដែលមានដូចជាលោក Frank Stephenson ដែលលោកមានប្រវត្តិធ្វើការជាមួយក្រុមហ៊ុនផលិតឡានល្បីៗដូចជា Ferrari និង McLaren​ ជាដើម។ ដៃគូដទៃទៀតមានដូចជាក្រុមហ៊ុន Lunar Outpost, The Mentor Project ព្រមទាំង NASA ក៏មានមុខក្នុងគម្រោងនេះផងដែរ។

ការប្រកួតនេះផងដែរ នឹងត្រូវធ្វើការថតចាក់ផ្សាយ ថែមទាំងអាចទទួលការឧបត្ថម្ភបានទៀតផង។

ប្រសិនបើអ្វីៗទាំងអស់ ដូចតាមការគ្រោងទុកមែន ឡាននិងវត្ថុផ្សេងៗទៀតនឹងត្រូវដឹកទៅតាម SpaceX Falcon 9 ដែលនឹងបាញ់ទៅ ឋានព្រះចន្ទ នៅខែតុលាឆ្នាំក្រោយនេះ។ ដោយផ្អែកលើចំនួនថវិកាដែលទទួលបាន វាអាចជាការប្រណាំងឡានដ៏ថ្លៃបំផុតមួយ ក្នុងប្រវត្តិសាស្ត្រនៃការប្រណាំងឡាន៕

• វិទ្យាសាស្រ្ត
• ឡាន