មូលនិធិព្រូដិនស៍ ដាក់ដំណើការកម្មវិធីពានរង្វាន់ SAFE STEPS D-Tech លើកទីពីរ ដើម្បីស្វែងរកបចេ្ចកវិទ្យាក្នុងការពង្រឹងសមត្ថភាពសង្គ្រោះអាយុជីវិតទប់ទល់នឹងគ្រោះមហន្តរាយ

ហុងកុង៖ កាលពីថ្ងៃទី០៨  ខែធ្នូ ឆ្នាំ២០២០ មូលនិធិព្រូដិនស៍  ដែលជាដៃគូអភិវឌ្ឍន៍​សហគមន៍របស់​ក្រុម​ហ៊ុន ព្រូដិនសល​ ក្នុងទ្វីបអាស៊ី​ និងអាហ្វ្រិក ជាមួយអង្គការដៃគូមនុស្សធម៌ សហព័ន្ធ​អន្តរជាតិ​កាក​បាទ​ក្រហម និង​អឌ្ឍចន្ទក្រហម និងដៃគូបច្ចេកវិទ្យា ក្រុមហ៊ុន Lenovo បាន​ដាក់​ដំណើការកម្មវិធីពានរង្វាន់ SAFE STEPS Disaster Tech (D-TECH) លើក​ទី​ពីរ។ កម្មវិធីពានរង្វាន់នេះ រៀបចំឡើងដើម្បីស្វែងរក ផ្ដល់ជំនួយ និងគាំទ្រដល់ការបង្កើតដំណោះស្រាយបច្ចេកវិទ្យាដែលអាចជួយសង្គ្រោះអាយុជីវិត មុន​ពេល កំឡុងពេល ឬក្រោយពេលមានគ្រោះមហន្តរាយធម្មជាតិ។

តាំងពីឆ្នាំ ២០០០ គ្រោះមហន្តរាយពិភពលោក​ច្រើនជាង ៤០ ភាគរយ បាន​កើត​ឡើង​នៅ​ក្នុង​តំបន់​អាស៊ី​ប៉ាស៊ីហ្វិក ដែលបណ្តាលឱ្យមានមនុស្សស្លាប់ប្រមាណ ៨ សែននាក់ និងប៉ះពាល់ដល់មនុស្ស ៣.២ ពាន់លាន នាក់។ ក្នុងឆ្នាំនេះ ជំងឺរាតត្បាតជាសកលកូវីដ-១៩ ដែលបានឆ្លងដល់មនុស្សជាង ១១ លាននាក់ ហើយ​រំពឹង​ថា​នឹង​បង្ក​ឱ្យមានការ​​ខាតបង់ផ្នែកសេដ្ឋកិច្ចជាង ២,៧ ពាន់ពាន់​លានដុល្លារ បានបង្ហាញពីសារៈសំខាន់នៃការត្រៀមខ្លួនសម្រាប់គ្រោះមហន្តរាយ និងកិច្ចសហការនៅគ្រប់វិស័យក្នុងការកាត់បន្ថយការគំរាមកំហែង និង​ផល​ប៉ះ​ពាល់​នៃ​គ្រោះ​មហន្តរាយធម្មជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កម្មវិធីពានរង្វាន់ SAFE STEPS D-Tech នេះត្រូវបានបង្កើតឡើងដោយ  មូលនិធិ​ព្រូដិនស៍ ដោយ​ជឿ​ជាក់​ថា ​ភាពច្នៃប្រឌិតនៃបច្ចេកវិទ្យា​អាច​ដើរ​តួនាទី​យ៉ាង​សំខាន់ ​ក្នុង​ការ​ត្រៀម​​ខ្លួន​ទប់ទល់​នឹង​​​​គ្រោះ​មហន្តរាយ ការស្តារ​ឡើងវិញ និង​ការពង្រឹងសមត្ថភាព​បានកាន់តែប្រសើរ​ឡើង​។ ពានរង្វាន់នេះ គឺជាផ្នែកមួយនៃកម្មវិធី SAFE STEPS ដែលជាកម្មវិធីពហុចំណេះដឹងទូលំទូលាយ ដែលត្រូវបានបង្កើតឡើងដោយ ​ មូលនិធិព្រូដិនស៍   និង​​​គាំទ្រដោយសហព័ន្ធ អន្តរជាតិកាកបាទក្រហម និង អឌ្ឍចន្ទក្រហម និងដៃគូដទៃទៀត ដើម្បីផ្តល់ព័ត៌មានស្ដីអំពីការសង្គ្រោះអាយុជីវិត នៅ​ពេល​មាន​គ្រោះ​​មហន្តរាយធម្មជាតិ សុវត្ថិភាពចរាចរណ៍ និងការសង្គ្រោះបឋម។

អង្គការដែល​ចូលរួមក្នុងកម្មវិធីនេះ នឹងមានឱកាសឈ្នះរង្វាន់ជាទឹកប្រាក់ចំនួន ២០ ម៉ឺនដុល្លារអាមេរិក ដើម្បី​​គាំទ្រដល់ការអនុវត្ត និងពង្រីកប្រតិបត្តិការលើដំណោះស្រាយ​បច្ចេកវិទ្យាទប់ទល់នឹងគ្រោះមហន្តរាយ (D-Tech) របស់ពួកគេ។ អ្នកជាប់វគ្គពាក់កណ្តាលផ្តាច់ព្រ័ត្រ និងអ្នកជាប់​វគ្គផ្តាច់ព្រ័ត្រ នឹងមានឱកាសទទួលបានវគ្គ​បណ្ដុះ​បណ្ដាល និង​បទពិសោធន៍ពីអ្នកជំនាញ និងឱកាស​បង្កើត​ទំនាក់ទំនងជាមួយអ្នកតំណាងអង្គការមនុស្សធម៌ អ្នក​​គ្រប់​គ្រង​មូល​និធិ​មូលធនបណ្តាក់ទុន សហគ្រិនផ្នែកបច្ចេកវិទ្យា និងអ្នកបង្កើតសហគ្រាសសង្គម។ អ្នក​ប្រកួត​ក្នុង​វគ្គផ្ដាច់​ព្រ័ត្រ​នឹងត្រូវធ្វើបទបង្ហាញពីដំណោះស្រាយរបស់ពួកគេ ទៅកាន់គណៈកម្មការ នាខែមិថុនា ឆ្នាំ ២០២១ ។

គម្រោង EWS 1294  របស់អង្គការ People In Need នៅប្រទេសកម្ពុជា ត្រូវបានជ្រើសរើសចូលក្នុងវគ្គផ្ដាច់ព្រ័ត្រ ក្នុងព្រឹត្ដិការណ៍ពានរង្វាន់កាលពីឆ្នាំមុន ដោយមានការទទួលស្គាល់លើនាឡិកាវាស់កម្រិតទឹកស្វ័យប្រវត្តិ ដែលដំណើរការដោយថាមពលពន្លឺព្រះអាទិត្យ។ នាឡិកាវាស់កម្រិតទឹកទាំងអស់នេះ កំពុងបន្តកត់ត្រាកម្រិតទឹក និងផ្ដល់សារដាស់តឿនដល់អ្នកប្រើប្រាស់ ដែលបានចុះឈ្មោះរួចឱ្យមានការប្រុងប្រយ័ត្ន នៅពេលទឹកឡើងហួសកម្រិតសុវត្ថិភាព។

លោក Donald Kanak នាយក​ មូលនិធិព្រូដិនស៍​ មានប្រសាសន៍ថា៖

លោក Alexander Metheou នាយកប្រចាំតំបន់អាស៊ីប៉ាស៊ីហ្វិក​របស់​សហព័ន្ធ IFRC ​​ មានប្រសាសន៍​ថា៖

លោកស្រី Pratima Harite នាយកផ្នែកកម្មវិធីទំនួលខុសត្រូវសង្គម និងផ្នែកមនុស្សធម៌​របស់ក្រុមហ៊ុន Lenovo ប្រចាំតំបន់អាស៊ីប៉ាស៊ីហ្វិក មានប្រសាសន៍ថា៖

កម្មវិធីពានរង្វាន់នេះ ត្រូវបានគាំទ្រដោយដៃគូយុទ្ធសាស្ត្រ​ជាច្រើនរួមមាន  Asian Venture Philanthropy Network (AVPN) ក្រុមហ៊ុន Antler សារព័ត៌មាន e27 អង្គការ Give2Asia អង្គការ Hatcher+ មូលនិធិ​គ្រប់គ្រង Jubilee  និង​កម្មវិធី National Geographic។

ការប្រកួតប្រជែងនេះ ចាប់ផ្ដើមទទួលយកពាក្យចូលរួមចាប់​ពីថ្ងៃនេះ ដល់ថ្ងៃទី​១៩ ខែកុម្ភៈ ឆ្នាំ​២០២១។ ទាំង​អង្គការ​មិនស្វែងរកប្រាក់ចំណេញ និងអង្គការស្វែងរកប្រាក់ចំណេញអាចដាក់ពាក្យស្នើរសុំចូលរួមបាន។ ព័ត៌មាន​​​លម្អិត​អំពីពាក្យសុំ លក្ខណៈវិនិច្ឆ័យ ពេលវេលា និងព័ត៌មានពាក់ព័ន្ធ​ដទៃទៀត អាចរកបាន នៅទីនេះ ៕